Mikeja 7:7 - Ritonõpo Omiry: A Bíblia Sagrada na língua Aparai do Brasil

⁷ Yrome ywy, Ritonõpo Jesemy eraximãko ase. Ypynanohnõko mana; moro enetupuhnõko ase yronymyryme. Jomiry etãko roropa mana.

Mikeja 7:7 Iomraidhean Croise

Jenexi 49:18

“Ritonõpo Jesemy, ypynanopyry oya eraximãko ase!

Saumu 109:4

Jyhxirõko mã toto, typyno xine ro jahtao, tõturuse roropa jahtao Ritonõpo a ipoko xine.

Saumu 130:5

Jakorehmary poko Ritonõpo Kuesẽkomo a penetãko ase; eraximãko ase, zae aomiry enetupuhnõko ase.

Saumu 25:5

Kuamorepako zae ehtoh poko jehtohme, zae rokẽ oexiryke, Jesẽme mase, Ritonõpo, Ypynanohne. Jũme oenetupuhnõko ase.

Saumu 37:7

Imehnõ zumoxike pyra exiko, tineru itamurume apoiryhtao eya xine, oserẽtykyro pyra exiko imehnõ poko, typenetatohkõ xihpyry riryhtao roropa eya xine. Mynyhme rokẽ exiko Ritonõpo nyriry eraximaryme.

Saumu 38:15

Yrome oenetupuhnõko ase, Ritonõpo; omoro, Ritonõpo Jesemy, jezuhnõko mase.

Saumu 50:15

Kykohmako popyra ehtoh toehse ahtao, opynanohnõko ase, mame jeahmãko mase.”

Saumu 65:2

Yna otururu etaneme oexiryke, oya ahno emero nono põkõ oehnõko mana oeahmase

Saumu 85:5

Jũme yna zehno exikehpyra hma? Zehno oehtoh jũme exikehpyra hnae?

Izaja 12:2

Ypynanohneme Ritonõpo mana; enetupuhnõko ase, mame enaromyra ase exĩko. Yjamihtanohnõko Ritonõpo mana, orẽpyra jehtohme. Ypynanohneme mã ynororo.

Izaja 17:7

Moro ẽmepyry toehse ahtao eramãko ropa ahno tõ mana Tyrihpõkomo a, takorehmapotohkõme; emero oehnõko ropa mã toto Izyraeu tõ Esẽ Kurano a.

Izaja 25:9

Morarame moro ẽmepyry toehse ahtao ynara ãko mã toto emero: — Kuesẽkõme mokyro mana. Tonetupuhse ynororo kyya xine, mame typynanohse sytatose eya. Ritonõpo Kuesẽkõme enetupuhnõko sytatose. Seremiatone eahmaryme, satãkyematone takorehmase kuexirykõke eya.

Izaja 45:22

“Ahno tomo, sero nono põkõ emero, eramatoko ropa ya seromaroro typynanohsẽme oehtohkõme, ywy ro rokẽ Ritonõpome ase, imepỹ pyra mana.

Izaja 8:17

Tõtonẽse Ritonõpo mana typoetory Izyraeu tõ winoino, yrome zae aexiry poko enetupuhnõko ase, kukurãkarykõ ropa Kuesẽkomo a eraximãko ase.

Ramẽtasão 3:24

Ypyno exiketyme Ritonõpo mana. Imepỹ pyra mã jesẽme. Naeroro oenetupuhnõko ase.

Tanieu 3:17

Morara toehse ahtao, Ritonõpo yna Esẽ yna ewomary se tahtao yna ewomãko mana, tomase yna ahtao apoto htaka. Yna pynanohnõko mana yna onyryhmara oehtohme.

Ozeja 12:6

Naeroro, Izyraeu tomo, eramatoko ropa Ritonõpo Oesẽkomo a. Zae ehtoh poko ehtoko. Aomiry onurumekara ehtoko. Opynanopyrykõ eya enetupuhtoko.

Joeu 1:19

Ritonõpo, oya kohtãko ase! Wewe tõ toorihse kehko, apoto ke jahkahpyry samo, onahpoty tyahse mã emero porehme.

Apakuke 2:1

Onuhnõko ase ytapyĩ kaetokohxo exikety taka, pata enene esaka. Jezuhtoh eraximãko ase Ritonõpo a. Otara ãko hnae tykerekerematopõpyry ya ezuhtohme?

Apakuke 2:3

Sero enepotoh oehpyra ro mana, yrome morohne exĩko sero etyhpyry po, ekurehpyra mã rahkene. Okynahxo oehpyra ahtao eraximatoko. Ynara exiryke moro enepotoh toehse ahtao morohne exĩko mã rahkene.

Numeru 5:28

Yrome imehnõ poko exipitopyra ynororo ahtao jetũ pyra exĩko mana. Poetoẽme exĩko ro mana.