Mikeja 7:12 - Ritonõpo Omiry: A Bíblia Sagrada na língua Aparai do Brasil

¹² Moro ẽmepyry toehse ahtao kuekyry tõ oehnõko ropa mã toto Jerusarẽ pona. Axiria nonory poe oehnõko ropa mã toto te, Ejitu nonory poe te, tuna Eupyrati poe roropa. Tuna konõto tõ poe oehnõko mã toto, ypy tõ poe roropa.

Mikeja 7:12 Iomraidhean Croise

Izaja 11:11

Moro ẽmepyry toehse ahtao tyjamitunuru ke typoetory tõ enehnõko ropa Kuesẽkõ mana Axiria nonory poe te, Ejitu poe, Pataro poe te, Etiopia poe, Erão poe te, Papironia poe, Hamate poe, tuna konõto Metiteraneu ehpio poe, ahmõta tõ poe, enara.

Izaja 11:16

Mame pake Izyraeu tõ esemahpyry sã tutũtase toto ahtao Ejitu poe, osema kurã exĩko Axiria nonory poe, ypoetory tõ akoĩpyry isene ro exiketõ ytotohme.

Izaja 43:6

Inikahpoẽkomo a ynara tyripõko ase: ‘Ah mokaro nytõ toto,’ Ikurenaẽkomo a roropa: ‘Mokaro anapoipyra ehtoko.’ Moino nono moe exiketõ poe ah umũkuru tõ noehno ropa toto, jẽxiry tõ roropa tosaka xine!

Izaja 49:12

Oehnõko ropa mã toto moino, imehnõ nonory poe, inikahpoe te, xixi omõtoh wino te, Asuã poe roropa ikurenaino.”

Jeremia 23:3

Ypoetory tõ akoĩpyry enehpõko ase imehnõ nonory tõ poe. Morotona toto taropose ya, inonorykõ pona toto enehnõko ropa ase. Emũkuãko mã toto tuhke, emãnõko mã toto.

Jeremia 3:18

Izyraeu tõ maro oximõnõko Juta tõ mana. Oximaro oehnõko mã toto inikahpoe tosarykõ pona, nono ynekarohpyry pona itamurukomo a.

Jeremia 31:8

Toto enehnõko ase inikahpoe, imehnõ nono tõ poe, moino sero nono etyhpyry poe. Imaro xine tonurẽkara oehnõko mã toto, ahmitatyã roropa, nohpo tõ poetoẽme exiketõ maro enurusasaka exiketõ roropa. Oehnõko ropa mã toto imoihmãkomo, tynonoke imehxo exiketõme.

Jeremia 46:27

“Ypoetory Jako pakomotyamo, enaromyra ehtoko! Izyraeu tomo oserehpyra ehtoko! Opynanohtorỹko ase moro nono poe, moe otũtatohkõme ropa, moroto imehnõ poetoryme matose. Oehnõko ropa matose oesaka xine kure rokẽ ehse, torẽtyke pyra, towomase. Mame imehnõ oerehpyra xine exĩko mã toto.

Ezekieu 29:21

— Morara toehse ahtao Izyraeu tõ jamihme ripõko ase. Omoro Ezekieu õtary kurãkãko ase jomiry ekarotohme imehnõ netaryme emero porehme. Mame zuaro exĩko mã toto, ywy ase Ritonõpo.

Ezekieu 37:21

Mame kaxiko eya xine: ywy, Ritonõpo Oesẽkomo, Izyraeu tõ enehnõko ase, imeimehnõ nonory poe, toto ytotopõpyrykõ poe. Mame toto enehnõko ropa ase oximõme arotohkõme ropa esarykõ pona ropa.

Ozeja 11:11

Torõ tõ sã oehnõko mã toto Ejitu poe, utuku tõ sã oehnõko Axiria poe. Mame toto ripõko ase toto nonory pona ropa, moroto aehtohkõme ropa. Ywy Ritonõpo oturuno.