Mikeja 7:11 - Ritonõpo Omiry: A Bíblia Sagrada na língua Aparai do Brasil

¹¹ Jerusarẽ põkomo, ẽmepyry oehnõko mana pata apuru tõ ritohme ropa te, myahme sã nono etyhpymatohme ropa.

Mikeja 7:11 Iomraidhean Croise

Neemia 2:17

Yrome ynara tykase ywy eya xine: — Enetoko ke! Etuarimãko sytatose! Kypatarykõ Jerusarẽ tytohtohkase mana. Omõtoh tonõ tyahkase kehko. Ehmaropa apuru tõ ritohme ropa ehxiropyra kuehtohkõme.

Neemia 2:8

Pape ekaropoase roropa Asape neneryme, itu erasemy, wewe ekaropotohme eya tapyi jamihmã omõtoh ritohme Ritonõpo Tapyĩ ewomatohme te, pata apuru ritohme roropa, ytapyĩ roropa ritohme jesaryme. Morohne emero tokarose tuisa a ya ynekaropohpyry eya, ymaro Ritonõpo exiryke.

Neemia 4:3

Imaro Topia nexiase Amõ pono. Ynara tykase ynororo: — Oty rĩko toh nae pata apurume? Onokyro pitiko, raposa itohtohkãko mana! tykase Topia.

Neemia 4:6

Mame erohkehpyra ynanexiase pata apuru tõ riry poko. Okynã pyra apuru zokonaka tõtyhkase, kae exiry. Yronymyryme toerohse toto, tãkye toto exiryke.

Izaja 54:11

Ynara ãko Ritonõpo mana: “Pata Jerusarẽ, etuarimãko mase, tuãnohse tyryrykane a, oemuhkehkananõ pyra mã amaro. Orĩko ropa ase topu kurã ke, ãpõ tõ rĩko ase sapira tõkehko ke.

Izaja 54:2

Atapyĩ zumohxo tyriko, oesary zumo ehtohme, omomỹke pyra exiko moro poko. Eary tõ mosa xine tyriko, atapyĩ kyryry wewe inepuru tõ ixixihmako nono aka!

Izaja 58:12

Pata tõ typahse aexityã tyrĩko ropa matose, esahpyry tõ pona ropa. Awaro xine exĩko imehnõ mana: ‘Pata apuru rihpõkõme ropa,’ oesehtõko mã toto. ‘Tapyĩpo tõ rihpõkõme ropa,’ oesehtõko roropa mã toto.”

Izaja 61:4

Tapyi tõ rĩko ropa mã toto aepukatyamo, patãpo tõ roropa okynahxo typahse aehtyamo, tuhke jeimamyry turumekase aehtyamo.

Tanieu 9:25

Etako pahne Tanieu, enetupuhtohme oya. Omi taropose ahtao Jerusarẽ ritohme ropa 7me 7 jeimamyry taroposẽme exĩko Ritonõpo nymenekahpyry oehtohme tuisame. Pata apuru tõ, esemary roropa okynahxo exĩko 7me 62 jeimamyry aropõko mana, yrome etuarimãkohxo mã toto.