Mikeja 5:5 - Ritonõpo Omiry: A Bíblia Sagrada na língua Aparai do Brasil

⁵ Osetapara ehtoh enehnõko mana. Axirio tõ oepyryhtao kynonorykõ pona, soutatu tapyĩ tõ jamihmãkõ taka aomomyryhtao eya xine, kutuisarykõ imehxo exiketõ aropõko sytatose etonatohme imaro xine.

Mikeja 5:5 Iomraidhean Croise

Jo 5:19

Tuhke ẽmepyry ae opynanohnõko Ritonõpo mana popyra ehtoh wino, oryhmapopyra roropa mana popyra ehtoh oryhmaryino.

Saumu 72:7

Ah zae ehtoh poko exiketõ nemã toto isene ro mokyro ahtao. Ah osetapara nexĩ toto, kure rokẽ toto ehtohme ezurume nuno nae ro ahtao.

Porowepio 30:18

Asakoropane exiketõ nae onenetupuhsaromepyra jehtopo:

Porowepio 30:29

Asakoropane isene exiketõ nae aytorykohtao toto enery se osenuhmaketõ mana:

Porowepio 6:16

Sero 7mãkõ Ritonõpo zamaro pyra ipunaka: epyrypakety ẽmyty te, omi ajohpano te, imehnõ zae exiketõ etapananomo te, popyra ehtoh riry poko osenetupuhkety te, tupupuru ke axĩ ytokety popyra ehtoh rise te, ajohpe rokẽ imepỹ hxirory se exikety te, imehnõ akorekehkapone osepeme pyra toto ehtohme.

Ekereziaxti 11:2

Otinerũ ke imeimehnõ toerohtoh poko akorehmako, oerohtoh tonõ osehta ahtao kure roropa mana, imeĩpo ehtoh waro pyra oexiryke, sero nono po.

Izaja 14:25

Axiria põkõ enahkapõko ase Izyraeu tõ nonory po. Toto tũtũmãko ase ypy tõ po ynonory po. Ypoetory tõ pynanohnõko ase axirio tõ namotome pyra toto ehtohme, onyrohmanohpopyra axirio tõ ehtohme.

Izaja 44:28

Ywy ase ynara ãko Xiro a: ‘Jomi poe tuisame erohnõko mase kowenume, ise jehtoh tyrĩko mase. Pata Jerusarẽ ripõko ropa mase te, Ytapyĩ apõ kehko ripõko roropa mase.’ ”

Izaja 59:19

Ahno emero, xixi tũtatoh wino xixi omõtoh pona Kuesẽkõ zuno exĩko mã toto, ijamitunuru roropa. Ynara exiryke: tuna zueme exikety sã oehnõko mana tyryrykane jamihme exikety a taropose ahtao.

Izaja 65:8

Ynara ãko Ritonõpo mana: “Toitoine uwa kurã eneryhtao ahno a popyra exiketõ maro: ‘Onypahpyra sehne, kure ehtoh nae ro mana, euhkãko sytase, eukuru ritohme,’ ãko mana. Moro sã ypoetory tõ pyno jexiryke, emero onenahkapopyra exĩko ase.

Izaja 7:14

Naeroro typoero Ritonõpo enetupuhpotoh ekarõko oya xine mana: oryximã, orutua maro exipitopỹ, poetoẽme exĩko mana, emũkuãko mana orutuame, mame esehpãko mana Emanueume (Ritonõpo kymaro xine mana.)

Jeremia 33:15

Moro ẽmepyry toehse ahtao Tawi paryme nymyry enehpõko ase, zae ehtoh rokẽ tyrĩko mana, zae imehnõ apiakãko roropa mana.

Amoxi 1:3

Ynara ãko Ritonõpo mana: — Pata Tamaxiku põkõ iirypyryme toehse itamurume, morara exiryke toto wãnohnõko ase. Kireate põkõ tyyryhmase eya xine exiryke, toto pona kahu tõ tarose eya xine ipupuru parihmã typohke kurimene risẽ ke.

Amoxi 1:6

Ynara ãko Ritonõpo mana: — Kaza põkõ iirypyryme toehse itamurume, morara exiryke toto wãnohnõko ase. Ahno tapoise eya xine imepỹ nono põkõ porehme tynamotokõme, toto ekamotohme Etõ tomo a.

Zakaria 10:11

Tuna konõto Tahpiremã akuotyryhtao oya xine, ywy, Ritonõpo, pohkane tõ mynyhpãkapõko ase. Tuna Niro zueme ehtoh anorymapõko ase. Axirio tõ epyrypakehnanohpõko ase. Ejitu jamitunuru enahkapõko ase.

Zakaria 10:3

Ynara ãko Ritonõpo mana: — Tohne ase imeimehnõ nonory põkõ tuisary tõ poko ypoetory tõ tuisaryme toehse toto ahtao. Mokaro wãnohnõko ase yronymyryme. Juta tõ ypoetoryme mã toto; ywy, Ritonõpo Jamihmehxo Exikety, toto pynanohnõko ase. Mokaro rĩko ase jekyme kawaru osetapakety jamihmã samo, orẽpyra toto ehtohme.

Zakaria 12:6

Moro ẽmepyry ae Juta põkõ oxiekyrymãkõ rĩko ase ikarã samo apotopokõ kaetokohxo exikety ao, apoto sã roropa tiriiku rãnao. Ahno tõ tomye exiketõ emero enahkãko mã toto. Mame Jerusarẽ põkõ towomasẽme exĩko mã toto pata po.

Zakaria 9:10

Kahu tõ etonaketõ kyryry enahkapõko mana Izyraeu nonory po, soutatu tõ kawaru tõ po ytoketõ roropa Jerusarẽ po. Taky tõ, pyrou tõ roropa tonahkasẽme exĩko mã kehko. Etonara ahno tõ tyripõko mana. Tuisame exĩko mana tuna konõto poe imepỹ tuna konõto pona, tuna Eupyrati poe roropa nono etyhpyry tõ pona.

Zakaria 9:13

Juta tõ rĩko ase taky samo etonatoh kyryryme, Izyraeu tõ pyrou sã exĩko mã toto. Orutua kõ, Jerusarẽ põkõ ytapemãme exĩko mã toto, mokaro maro osetapãko ase Kerexia põkõ maro.”

Ruka 2:14

— Kure kuhse mase Ritonõpo, kapuaono. Nono põkõ torẽtyke pyra riponeme mase. Kure rokẽ toto riponeme mase roropa, tykase toto toremiarykohtao, kapuaõkomo.

João 14:27

— Torẽtyke pyra oripotorỹko ase. Torẽtyke pyra ypoe exĩko matose. Jenetupuhpynõ poe torẽtyke pyra exipyra matose. Ypoe rokẽ torẽtyke pyra exĩko matose. Torẽtyke pyra ehtoko. Emynyhmara roropa ehtoko. Oserehpyra roropa ehtoko.

João 16:33

Morara exiryke kuurutou moro poko, torẽtyke pyra oehtohkõme, ypoetoryme oexirykõke. Jenetupuhpynõ õsanumatorỹko repe. Orẽpyra ehtoko. Jenetupuhpynõ esẽ poremãkapõko ase.

Apokaripxi 17:14

Kaneru mũkuru maro tõsetaparykõ se mã toto. Yrome toto poremãkapõko kaneru mũkuru mana, tynymenekatyã maro, tosẽkõ onurumekara exiketõ maro. Kuesẽkõme mana, imehnõ esã esẽme imehxo mana. Sero põkõ tuisary tõ esẽme roropa mana.

Apokaripxi 19:14

Mokyro mykapo tuhkãkõ toytose, kapuaõkomo, soutatu tomo. Kawaru po toytose toto, karimutumã po. Tupoke kurã ke toh nexiase, ikurikasenã sã roropa.