Mikeja 5:10 - Ritonõpo Omiry: A Bíblia Sagrada na língua Aparai do Brasil

¹⁰ Ynara ãko Ritonõpo mana typoetory tõ Izyraeu tomo a: — Moro ẽmepyry toehse ahtao oekykõ kawaru tõ enahkapõko ase, kahu tõ etonatoh tonõ enahkapõko ase roropa.

Mikeja 5:10 Iomraidhean Croise

Izaja 2:7

Izyraeu tõ nonory po itamurume parata nae uuru roropa. Tymõkomoke mã toto ikuhpỹme samo. Tykahuke roropa mã toto ikuhpỹme etonatohme, kawaru tõ roropa.

Jeremia 3:23

Imehnõ neponãmary kuakorehmara xine ipunaka toahmase toto ahtao kyya xine, kui kui karyke ypy tõ emory po. Ritonõpo rokẽ, Kuesẽkomo, Izyraeu tõ akorehmary waro mana.

Ozeja 1:7

Yrome Juta tõ pyno exikehpyra exĩko ase. Ywy roro Ritonõpo Oesẽkõ toto pynanohnõko ase. Yrome moro onyripyra ase etonatoh ke: taky ke pyra, pyrou tõ maro, tapema ke pyra, kawaru tõ ke pyra, kawaru po ytoketõ ke pyra, enara.

Ozeja 14:3

Axirio tõ yna onypynanohsaromepyra mã toto, kawaru tõ yna onewomasaromepyra mã toto. Jũme ynanyrityamo a, ynaneponãmary tomo a ‘Yna Esẽme mase,’ kara ropa exĩko ynanase. Omoro, Ritonõpo, yna pyno mase, tymõkomoke pyra exiketõ etuarimaketõ roropa pynanohnõko mase.”

Ajeu 2:22

Tuisa tõ apõ tõ pahnõko ase, toto jamitunuru enahkapõko ase. Kahu tõkehko etonatoh tahkãko ase, aronanõ enahkapõko ase, kawaru tõ roropa orihnõko mã toto; kawaru po ytoketõ osetapãko mã toto.

Zakaria 9:10

Kahu tõ etonaketõ kyryry enahkapõko mana Izyraeu nonory po, soutatu tõ kawaru tõ po ytoketõ roropa Jerusarẽ po. Taky tõ, pyrou tõ roropa tonahkasẽme exĩko mã kehko. Etonara ahno tõ tyripõko mana. Tuisame exĩko mana tuna konõto poe imepỹ tuna konõto pona, tuna Eupyrati poe roropa nono etyhpyry tõ pona.

Teuteronomiu 17:16

Tuhke kawaru tõ esẽme pyra ynororo tyripõko Ritonõpo mana, soutatu tõ eky tomo, orutua kõ aropory se pyra roropa Ritonõpo mana Ejitu pona kawaru tõ epekahse, ynara tykase Ritonõpo exiryke: “Ypoetory tõ jũme ytopyra ropa exĩko mã toto Ejitu pona.”