Mikeja 4:3 - Ritonõpo Omiry: A Bíblia Sagrada na língua Aparai do Brasil

³ Emero nonory põkõ apiakaneme exĩko Ritonõpo mana. Atae pyra ahno ahtao, imoihmãkomo moe toto ahtao roropa zae ehtoh ekarõko mã ynororo eya xine. Mame ahno etapatoh tyoromãko mã toto tupito nonory ahkatoh ke, tywaratã tõ myakamãko mã toto, tiriiku sahkatoh ke. Moromeĩpo jũme osetapara exĩko imehnõ nonory põkõ mana. Osetapatoh pyre onyripyra ropa exĩko mã toto.

Mikeja 4:3 Iomraidhean Croise

Saumu 46:10

“Osetapakehtoko,” ãko ynororo. “Zuaro ehtoko ypoko, ywy ase Ritonõpo. Sero nono põkõ tuisaryme ase. Sero nono esẽme ase, porehme.”

Saumu 46:9

Osetapatoh konõto mynyhpãkãko mana sero nono po porehme; taky tõ tahkãko mana, warata tõ roropa, osewomatoh tonõ zahkãko mana.

Saumu 72:3

Tymõkomoke ononory põkõ tyripoko, opoetory tõ akorehmako zae ehtoh poko toto ehtohme!

Saumu 72:7

Ah zae ehtoh poko exiketõ nemã toto isene ro mokyro ahtao. Ah osetapara nexĩ toto, kure rokẽ toto ehtohme ezurume nuno nae ro ahtao.

Saumu 82:8

Osehko, Ritonõpo, tuisame exiko sero nono Esẽme. Imeimehnõ nonory põkõ emero okyryryme mã toto, opoetoryme roropa.

Saumu 96:13

aepyry ropa ahtao emero Esẽme ehtohme. Zae rokẽ sero nono põkõ rohmanohpõko mana.

Saumu 98:9

Ynara exiryke, oehnõko mana tõmiry omipona sero nono põkõ ritohme! Ahno tõ emero esẽme exĩko mana sero nono po, zae ehtoh ke toto rohmanohpõko mana, zae rokẽ ehtohme sero nono po.

Izaja 2:4

Emero nono põkõ apiakaneme exĩko Ritonõpo mana. Atae pyra ahno ahtao zae ehtoh ekarõko mã ynororo eya xine. Mame typyrekõ tyoromãko mã toto tupito nonory ahkatohme te, tywaratãkõ myakamãko mã toto tiriiku sahkatohme. Jũme osetapara exĩko imehnõ nonory põkõ mana. Etonatoh pyre onyripyra ropa exĩko mã toto.

Izaja 25:3

Morara exiryke ahno jamihmãkõ oeahmãko mã toto, imehxo oexiry enetupuhnõko pata tõ põkõ mana, zehnotokõ nonory po.

Izaja 51:5

Okynã pyra oehnõko ase toto pynanohse, moro ẽmepyry oehsasaka mana tuisame imehxo jehtohme, sero nonory põkõ emero tuisaryme exĩko ase. Moe nono põkõ joepyry eraximãko, jeraximãko mã toto, jenetupuhnõko mã toto typynanohnekõme.

Izaja 60:12

Imehnõ nonory põkõ opoetoryme exipyra ahtao tonahkasẽme exĩko mã toto.

Izaja 65:25

Kaikuxi tõ itu htaõ kõ, kaneru tõ maro otuhnõko mã toto, reão tõ onahpoty enahnõko mã toto pui tõ samo, okoi tõ onesekara exĩko mana. Xião po ypy jesary kurã po ryhmato pyra exĩko mana, popyra ehtoh pyra exĩko roropa mana ipunaka,” ãko Ritonõpo mana.

Izaja 9:7

Tuisa Tawi paryme exĩko mana, imyakãme roropa tuisame. Mame jamihme aexiry wãtãko itamurume mana. Jũme osetapara exĩko ipoetory tõ mana. Zae ehtoh poko tuisame erohnõko mana, kure ehtoh tyripõko roropa mana. Apitorymã poe morara ehtoh exikehpyra exĩko mana jũme. Sero põkõ pyno toexiryke ipunaka, Kuesẽkõ Jamihmehxo Exikety morohne ripõko mana, emero.

Tanieu 2:44

Mame tuisame mokaro ahtao ro, Ritonõpo Kapu Esẽ tuisame toehtoh enepõko mana, jũme tuisame exikehpyra ehtohme; imehnõ mã onyporemãkaposaromepyra exĩko mana. Mãpyra imehnõ tuisa tõ porehme enahkapõko mã ynororo jũme tuisame toehtohme.

Ozeja 2:18

— Moro ẽmepyry toehse ahtao jomiry etapõko ase onokyro tomo a, torõ tomo a te, okoi tomo a roropa ypoetory tõ onesekara toto ehtohme. Taky tõ pyrou roropa itahkãko ase warata tomo, tapema tõ roropa oseosetapara toto ehtohme. Ypoetory tõ osepeme exĩko mã toto, towomasẽme exĩko roropa mã toto.

Ozeja 2:20

Amonohkara exĩko ase oniome. Ywy Ritonõpo, ya rokẽ osekarõko roropa mase.

Joeu 3:2

Mame imeimehnõ nonory põkõ emero oximõme enehpõko ase toto arotohme jakanahmã Josapa pona, toto apiakatohme. Moro rĩko ase popyra Izyraeu tõ ritopõpyry pokoino eya xine, ynymenekatyã ypoetoryme: sapararahme Izyraeu tõ taropose eya xine imeimehnõ nonory pona, mame ynonory tapiakase eya xine tynonorykõme.

Mikeja 5:15

Jomiry omipona pyra exiketõ, emero nono põkõ wãnohnõko ase toto zehno jexiryke, orẽpyra jexiryke.

Zakaria 14:3

Imeĩpo mokaro ahno tõ maro osetapãko Ritonõpo mana, pake tõsetapatopõpyry samo.

Zakaria 8:20

Ynara ãko Ritonõpo Jamihmehxo Exikety: — Ẽmepyry oehnõko mana, imeimehnõ pata tõ põkõ oehnõko mã toto Jerusarẽ pona.

Zakaria 9:10

Kahu tõ etonaketõ kyryry enahkapõko mana Izyraeu nonory po, soutatu tõ kawaru tõ po ytoketõ roropa Jerusarẽ po. Taky tõ, pyrou tõ roropa tonahkasẽme exĩko mã kehko. Etonara ahno tõ tyripõko mana. Tuisame exĩko mana tuna konõto poe imepỹ tuna konõto pona, tuna Eupyrati poe roropa nono etyhpyry tõ pona.

Atos 17:31

Ritonõpo rokẽ tooepyry ropa waro mana. Tooehse ropa tahtao ahno apiakapõko mana emero tynymenekahpyry a, kurãkomo, popyra exiketomo, enara. Tyyrypyhpyke pyra Tumũkuru exiryke ahno apiakaneme tyrise eya, ajoajohpe pyra tõmipona exiryke. Mokyro tõsemãkase ropa Jumy a toorihse ahtao, ajohpe pyra tõmiry enetupuhpotohme kyya xine, tykase Pauru Atena põkomo a.

Apokaripxi 19:11

Mame kapu etapuruhmakary enease. Moroto kawaru karimutumã nexiase. Mokyro kawaru po ytokety esety Kure Exikety. Ajohpãkarame roropa esety akorony, zae imehnõ apiakaryke eya. Imehnõ poremãkapõko roropa mana.

1 Samueu 2:10

Ritonõpo Kuesẽkõ zehno exiketõ enahkapõko mana; konomeru ke toto poremãkapõko mana kapu aeino. Sero nono põkõ apiakãko Kuesẽkõ mana emero porehme. Tyjamitunuru ekarõko mana tuisa a. Tuisamehxo, imehnõ esẽme tynymenekahpyry rĩko mana.