Mikeja 4:12 - Ritonõpo Omiry: A Bíblia Sagrada na língua Aparai do Brasil

¹² Yrome Ritonõpo osenetupuhtoh waro pyra mã toto. Inyriry waro pyra roropa mã toto. Tykohmase mã toto eya toto wãnohtohme, tiriiku sã oximõme tyrise ahtao apotohme apiakatohme ipihpyry maro pyra ehtohme.

Mikeja 4:12 Iomraidhean Croise

Saumu 147:19

Tõmihpyry ekarõko Ritonõpo mana Jako pakomotyamo a, tynyripohpyry tõ Izyraeu tomo a.

Saumu 147:20

Morara onyripyra imepỹ nonory põkomo a; imehnõ ahno aomiry waro pyra mã toto. “Kure mase, Ritonõpo,” sykatone!

Izaja 10:7

“Yrome mokyro Axiria tuisary moro motye se mana; typoe osenetupuhnõko mana imehnõ ryhmary poko. Imehnõ nonory põkõ tuhkãkõ poremãkapory se mã ynororo toto enahkatohme.

Izaja 21:10

Amarokõ, wekyry tomo, tyyryhmase mexiatose tiriiku samo. Yrome omi kurã ekarõko ase oya xine Ritonõpo, Jamihmehxo Exikety, Izyraeu tõ Esẽ poe.

Izaja 29:7

Mame epetõkara emero, Ritonõpo wahtory apõ patary põkõ maro osetapaketomo, soutatu tõ emero pata apuruhpõkomo, opyi tõ maro, emero osenepyra exĩko osenehtoh samo, osenehtopõpyry sã roropa.

Izaja 55:8

Ynara ãko Ritonõpo mana: “Josenetupuhtoh tonõ õsenetupuhtohkõ sã pyra mã kehko, ynyriry onyrirykõ sã pyra roropa mana.

Jeremia 29:11

Ywy ro rokẽ josenetupuhtoh waro ase opoko xine: kure rokẽ oritohkõme, oporemãkapopyra xine roropa jehtohme, imeĩpo kure rokẽ oehtohkõ ekarõko ase oya xine, morohne eraximãko matose. Ywy Ritonõpo oturuno.

Jeremia 51:20

Ynara ãko Ritonõpo Kuesẽkomo: “Papironia, omoro mase maheta sã jemah po etonatohme. Jomi poe imehnõ nonory põkõ typoremãkase oya, tonahkase toto oya.

Jeremia 51:33

Okynã pyra toto sahkãko epetõkara, itũtũmãko mã toto, tiriiku samo itũtũmatoh po. Ritonõpo, Jamihmehxo Exikety, Izyraeu tõ Esẽ noturuno.

Joeu 3:2

Mame imeimehnõ nonory põkõ emero oximõme enehpõko ase toto arotohme jakanahmã Josapa pona, toto apiakatohme. Moro rĩko ase popyra Izyraeu tõ ritopõpyry pokoino eya xine, ynymenekatyã ypoetoryme: sapararahme Izyraeu tõ taropose eya xine imeimehnõ nonory pona, mame ynonory tapiakase eya xine tynonorykõme.

Ruka 3:17

Arexi tõkehko apiakane sã Ritonõpo mana. Arexi kurã kurãkãko esẽ mana tytapyĩ taka. Ipihpyrỹpyry pahnõko mana apoto htaka. Moro saaro kuapiakatorỹko Ritonõpo mana. Tõmipona exiketõ menekãko mana tõmipona pyra exiketõ htae, tõmipona exiketõ jũme tymaro ehtohme. Yrome tõmipona pyra exiketõ pahnõko mana, apoto htaka, ezehpy htaka, tykase João eya xine.