Mikeja 3:12 - Ritonõpo Omiry: A Bíblia Sagrada na língua Aparai do Brasil

¹² Morara exiryke opokoino xine Jerusarẽ tumuhxihmasẽme exĩko mana, topu tõ rokene, ypy Xião po takorokasẽme exĩko tupito samo, Ritonõpo Tapyĩ Kurã esahpyry itume exĩko mana.

Mikeja 3:12 Iomraidhean Croise

Saumu 107:34

nono kurã tyrise eya patãpome, sautu ke tyõtose moro põkõ popyra ehtoh pokoino.

Saumu 79:1

Ritonõpo, ononory pona tomõse opoetory tõ kara. Atapyĩ Kurã tyripose nuriame eya xine, Jerusarẽ takuhmopose eya xine, tonahkase mana.

Izaja 32:14

Tuisa tapyĩ kurã turumekasẽme exĩko mana. Pata roropa turumekasẽme exĩko. Tapyi tõ jamihmãkõ, soutatu tõ pata ewomananõ esary tõ tykararahsẽme exĩko, typahsãme kaetokohxo ehtohme jũme. Jumẽtu tõ tosẽke pyra exiketõ moroto ytoytõko rokẽ mã toto, kaneru tõ onahpoty enahnõko roropa moroto.

Jeremia 17:3

ypy tõ po te, jakanahmã po roropa. Ynara tyripõko ase, otinerũkõ ematonanohpõko ase oepetõkara a, omõkomory kurã maro oorypyrykõ pokoino, onyrityã popyra tyrise oya xine emero rokẽ po.

Jeremia 22:5

Yrome jomiry omipona pyra awahtao xine, ywy roro ynara etapõko ase oya xine, sero tapyi konõto tykararahsẽme exĩko, topu tõ kaetokohxo exĩko mana. Ywy Ritonõpo oturũko ase.

Jeremia 22:6

— Sero tapyi, Juta tõ tuisary tapyĩ konõto enekure mana Kireate nonory samo, ypy tõ Ripano sã roropa, yrome ona tonorẽ sã moro rĩko ase, patãpome tyrĩko ase roropa.

Jeremia 26:18

— Ezekia tuisame ahtao Juta esẽme, urutõ Mikeja, Moresete pono tõturuse ahno a emero Kuesẽkõ, Jamihmehxo Exikety omiryme. Ynara tykase ynororo: “Jerusarẽ ypyme exĩko topu tõ rokẽ kaetokohxo, ypy Xião tahkasẽme exĩko tupito samo, Ritonõpo Tapyĩ esary itume exĩko mana.”

Jeremia 35:17

Naeroro, ywy, Ritonõpo Jamihmehxo Exikety, Izyraeu tõ Esemy, oenahkapotorỹko ase Juta tomo, Jerusarẽ põkõ roropa jomihpyry ae ro. Moro rĩko ase jomiry omipona se pyra oexirykõke turuse awahtao xine ya, Jezukuru se pyra ropa oexirykõke tykohmase awahtao xine ya.

Jeremia 44:2

Ritonõpo, Jamihmehxo Exikety, Izyraeu tõ Esemy ynara tykase: — Pata Jerusarẽ enahkatopõpyry tonese oya xine, imehnõ pata tõ roropa emero Juta nonory po. Seromaroro patãpome ro mã kehko, tytaõke pyra,

Jeremia 52:13

Ritonõpo Tapyĩ Kurã tyahkase eya te, tuisa tapyĩ konõto roropa te, tamuxime exiketõ tapyĩ tõ roropa emero tyahkase eya.

Jeremia 9:10

Ywy Jeremia, ynara ase: “Xitãko ase ypy tõ pokoino, onahpoty pokoino roropa, toorihse exiryke, ytoketõ moro ae ytopyra mã toto. Pui tõ omiry osetara mana moroto; torõ tõ roropa, onokyro tõ toepase, mya toytose mã toto.”

Jeremia 9:11

Ynara tykase Ritonõpo: “Pata Jerusarẽ rĩko ase ypyme topu tõ osepona, kaikuxi panõ esaryme. Juta patary tõ rĩko ase patãpo tõme, tytaõke pyra exĩko mana.”

Ramẽtasão 5:18

Ypy Xião turumekase exiryke, raposa tõ ytoytõko mã toto typahsã poro.

Mikeja 1:6

Morara exiryke ynara ãko Ritonõpo mana: — Pata Samaria ripõko ase ipapyhpyryme ona po; tupito sã tyripõko ase, uwa zoko tõ arykatoh esaryme. Topu tõ pata ritoh tonõ, emãko ase ypy myhtokoxi jakanahmã pona, mame Samaria tapyi tõ apõ tõ osenẽko mã kehko.

Mateu 24:2

— Ỹ, repe, tykase Jezu. — Etatoko pahne, senohne topu risẽ etohtohkãko mana, emero porehme, tykase Jezu eya xine.