Mikeja 1:4 - Ritonõpo Omiry: A Bíblia Sagrada na língua Aparai do Brasil

⁴ Mame ipupuru tõ zopino ypy tõ tunatãko mã kehko; moronapu sã mã kehko apoto htao; sararakame ytõko mã jakanahmã pona tuna sararakaneme samo.

Mikeja 1:4 Iomraidhean Croise

Saumu 46:6

Imehnõ nonory põkõ oserehnõko mã toto, mokaro kowenu tõ tyjamihkehkasẽme mã toto. Oturũko mã Ritonõpo konomeru samo, tuname sero nono exĩko mana.

Saumu 68:2

Orexĩto aropory sã tyryrykane a, moro sã toto aropõko mana. Popyra exiketõ osenahkãko mã toto Ritonõpo ẽpataka, mopuku epukuru tunatary samo apoto ke.

Saumu 97:5

Ypy tõ tunatãko mã kehko moronapu samo Kuesẽkõ ẽpataka, sero nono emero esẽ ẽpataka.

Amoxi 9:5

Ritonõpo, yna Esemy, Jamihmehxo Exiketyme mase, sero nono tapose ahtao oya, tykytyky ãko mana, sero nono põkõ emero xitãko mã toto toemynyhmarykõme. Sero nono onuhnõko mana, yhtõko roropa mana tuna Niro tunary samo.

Naum 1:5

Ritonõpo ẽpataka, ypy tõ tykytyky ãko mana, somohmã tõ atakuhmõko mã kehko. Oseneporyhtao nono tykytyky ãko, ipõkõ emero nono pona epukãko mana.

Apakuke 3:10

Ypy tõ oeneryke tykytyky tykase kehko; tuna tukuãse kapu aeino. Tuna tõ nono zopino panaikatome toehse sororokane samo, pohkane konõto samo tõnuhse mã kehko.

Apakuke 3:6

Totypohse ynororo ahtao, nono tykytyky ãko mana; ahno enẽko mana imeimehnõ nono põkomo, enaromỹke exĩko mã toto. Ypy tõ pake exiketõ kywyh kywyh ãko mã kehko, somohmã epukãko mã kehko, moino ro exiketomo, aytoryhtao moro po, apitorymã poe.

Zakaria 14:4

Mame moro ẽmepyry ae xikihme exĩko mana ypy Oriwera tõ po, Jerusarẽ poe xixi tũtatoh wino. Mame jakanahmã konõto xixi tũtatoh wino xixi omõtoh pona moro ypy Oriwera tõ apiakãko asakoro ehtohme. Moro ypy apiakasẽ zokonaka esyryhmãko inikahpozakoxi, etozõpyry roropa esyryhmãko mana ikurenaka.

Apokaripxi 20:11

Morarame tuisa apõ konõto enease, karimutumano. Tapõ po typorohse exikety enease roropa. Ewinoino sero nono toepase samo, kapu roropa toepase samo, osenepyra toehse.

Juize 5:4

Ritonõpo Imehxo Exikety ypy Seia poe tutũtase awahtao, tooehse awahtao roropa Etõ nonory poe, nono tykytyky tykase. Konopo itamurume tooehse kapu ae.