Mikeja 1:16 - Ritonõpo Omiry: A Bíblia Sagrada na língua Aparai do Brasil

¹⁶ Juta põkomo oũsetykõ isahkatoko opoenõ hnamoryme, toto pyno oexirykõke. Merehkusasame ehtoko kurumu samo, opoenõ tarosẽme exĩko exiryke owinoino xine oepetõkara esaka, toto namotome ehtohme.

Mikeja 1:16 Iomraidhean Croise

2 Tuisa 17:6

Mame Samaria typoremãkase eya xine, 9me jeimamyry taropose ahtao Ozeja a tuisame ehtoh poko. Mame morotõkõ tarose Axiria tuisary a typoetoryme, Axiria pona. Toto zokonaka taropose eya pata Hara pona te, imehnõ tyripose eya tuna Hapoa pũtokoxi, Kozã nonory po, imehnõ roropa taropose eya pata Metia pona, enara.

Jo 1:20

Mame towõse Jo morara kary etaryke tyya. Toemynyhmaryme tupõ tyxihkase eya, tõximerehkase roropa ynororo. Moromeĩpo tosekumuru po typorohse ynororo tõmyty po nono pokoxi, Ritonõpo toahmase eya.

Izaja 15:2

Tipõ põkõ xitãko mã toto tõnuhse toto ahtao ypy pona tyneponãmarykõ eahmatoh pona. Pata Nepo kararahtopõpyry poko Metepa roropa ihnamõko Moape tomo; toemynyhmarykõme tũsetykõ sahkãko, osetypokãko roropa mã toto.

Izaja 22:12

Oesẽkomo, Ritonõpo Jamihmehxo Exikety okohmatorỹko nexiase oxitatohkõme, ihnamotohme, oũsetykõ sahkatohme, upo amurutohme kamisa risẽ topuxiximano, tãkye pyra oehtohkõ enetupuhpotohme.

Jeremia 16:6

Oxisã orihnõko tytineruke exiketomo, tymõkomokãkara roropa sero nono po. Ekepyrykõ ononẽpyra exĩko mã toto, aorihtyã onyhnamopyra roropa exĩko mã toto. Typihpyrykõ onysahkara exĩko mã toto aorihtyã hnamoryme, tũsetykõ onysahkara roropa exĩko mã toto toemynyhmarykõme.

Jeremia 4:8

Naeroro upo amurutoko kamisa topuxiximã risẽ ke tãkye pyra oehtohkõ enetupuhpotohme. Oxitatoko, ihnamotoko awãnohtohkõ poko, kyzehno xine Ritonõpo ehtoh exikehpyra exiryke taro Juta nonory po.

Jeremia 47:5

Kaza põkõ ihnamõko mã toto toemynyhmarykõme, Axikerõ põkõ emynyhmãko mã toto. Oty pona xitakehpyra mã mokaro pirixteu tõ akoĩpyry?

Jeremia 6:26

Ynara ãko Ritonõpo typoetory tomo a: — Oemynyhmaryme upo amurutoko kamisa topuxiximã risemy, oporohtoko oruno pona. Oxitatoko omũkuru hnamory samo, toirono; xitatoko oehsasaka oenahkaponekõ exiryke.

Jeremia 7:29

Ynara tykase Ritonõpo: “Oxitatoko, Jerusarẽ põkomo. Oũsetykõ isahkatoko ipahtohme; Eremiatoko aorihtyã hnamoryme ypy tõ emory po, ywy Ritonõpo, ozehno xine jexiryke ypoetory tõ turumekase ya.”

Ramẽtasão 2:19

Koko owõko ikohmatohme Ritonõpo a ãkorehmapotohme. Yronymyryme ekaropoko eya, õtururukõme eya opoenõ pynanohtohme eya. Orihnõko mã toto osema tõ ao omise konõto toexirykõke.

Amoxi 7:11

Ynara ãko mana: “Jeropoão orihnõko mana etonatoh poko ahtao, Izyraeu tõ arõko imehnõ mana inonorykõ poe imepỹ pona imehnõ namotome toto ehtohme.”

Amoxi 7:17

Yrome oya ynara ãko Ritonõpo mana: “Opyty imeimehnõ orutua kõ poko exĩko mana sero pata po. Omũkuru tõ oẽxiry tõ roropa orihnõko mã toto etonatoh poko ahtao. Sero nono tapiakasẽme exĩko mana imehnõ esaryme. Orihnõko mase Ritonõpo waro pyra exiketõ nonory po. Izyraeu tõ arõko imehnõ mana tynamotome, mya sero nono poe, imepỹ nonory pona.”

Amoxi 8:10

Õseahmatohkõ myakamãko ase aorihtyã tõ hnamotoh samo; xitãko matose, oeremiatohkõ myakamãko ase oxitatohkõ ke. Kamisa topuxiximã risẽ amurũko matose, oũsetykõ sahkãko roropa matose ihnamoryme. Jũkõ sã exĩko matose, tumũkuru toirõ hnamotoh samo. Emero itunetyme exĩko etyhpyryme.

Teuteronomiu 28:41

Emũkuãko matose omũkuru tomo oẽxiry tõ maro, yrome toto arõko imehnõ nono põkõ mana typoetorykõme.