Mateu 8:1 - Ritonõpo Omiry: A Bíblia Sagrada na língua Aparai do Brasil

¹ Morarame Jezu tyhtose ropa ypy poe. Mame imoihmãkõ toytose imaro.

Mateu 8:1 Iomraidhean Croise

Mateu 12:15

Mame moro poko Jezu tutuarõtase tahtao toytose morotoino imepỹ pona. Mame imoihmãkõ imaro toytose. Mame kurãkõkara tukurãkase ropa eya. Emero porehme tukurãkase ropa eya toto.

Mateu 15:30

Mame imoihmãkõ toytose eya. Tymaro xine ytoytohnõ tarose kurãkõkara, jaxiry kurãkara te, tonurãkara te, jaxiry osetokye exiketomo te, sekere kahnomo te. Imehnõ kurãkara roropa tarose toto a Jezu myhtokoxi. Mame kurãkõkara tukurãkase ropa eya moroto.

Mateu 19:2

Imoihmãkõ imaro toytose. Mame tukurãkase ropa toto eya moroto.

Mateu 20:29

Morarame Jeriko poe tutũtase toto ahtao, Jezu tokahmase imoihmãkomo a.

Mateu 4:25

Morarame imeimehnõ põkomo a Jezu tokahmase, imoihmãkomo a. Karirea põkomo a tokahmase te, Omame Osetoro pata tõ põkomo a te, Jerusarẽ põkomo a te, Jutea põkomo a te, tuna Joatão mõpoẽkomo a roropa Jezu tokahmase, enara.

Mateu 7:29

Moeze omihpyry poko amorepatõkõ sã pyra Jezu namorepatoh kynexine, tuaro toexiryke.

Mateu 8:18

Mame imoihmãkõ eneryke tyya, ynara tykase Jezu typoetory tomo a: — Ehmaropa ikuhpo mõpozakoxi, tykase.

Mateu 8:2

Mame imepỹ toytose tupũ motaryke eya. Tosekumuru po typorohse Jezu ẽpataka. Ynara tykase eya: — Jukurãkary se awahtao jukurãkary waro mase, tykase eya.

Maku 3:7

Morotoino toytose ropa Jezu typoetory tõ maro ikuhpo pona, Karirea pona. Mame tokahmase ynororo imoihmãkomo a Karirea põkomo a, Jutea põkomo a,

Ruka 5:15

Yrome Jezu poko totase toto a moro põkõ punero. Mame tuhke ahno tooehse eya aomiry etase. Tuhke roropa kurãkõkara tooehse ekurãkapose ropa eya.