Mateu 2:2 - Ritonõpo Omiry: A Bíblia Sagrada na língua Aparai do Brasil

² — Otoko hko enurusenã nae? juteu tõ tuisaryme aenuruhpyry nae? Ikyryry ynanenease xirikuato, tõnuhse ahtao xixi tũtatoh wino. Moro eneryke yna a aenururu waro toehse yna. Moro xirikuato tokahmase yna a. Morara exiryke mokyro enese ynanoehno xiaro kure tyritohme, tykase toto Jerusarẽ põkomo a.

Mateu 2:2 Iomraidhean Croise

Saumu 2:6

Ynara ãko mana: “Ynymenekahpyry yriase tuisame japõ po, moroto Jerusarẽ po, ypy Xião kurã po.”

Saumu 45:11

Oryxime potu mase, morara exiryke opyno exĩko tuisa mana; kure rokẽ aomiry omipona exiko oniome exiryke.

Izaja 60:3

Mapetekere tõ oepyry sã saerehkatoh pona, moro sã Jerusarẽ exĩko mana, sero nono põkõ oehnõko mã toto oya; orẽpyra oexiryke tuisa tõ oehnõko mana.

Jeremia 23:5

Ynara ãko roropa Ritonõpo mana: — Imeĩpo zae exikety menekãko ase, Tawi paryme tuisame ehtohme. Mokyro tuisa tuaro exiketyme exĩko mana. Zae ehtoh rĩko mana ajohpe pyra ipunaka sero nono po porehme.

Jeremia 30:9

Yrome, ywy Ritonõpo, toto Esemy omipona exĩko mã toto, Tawi pary poetoryme roropa exĩko mã toto, ynekarohpyry eya xine toto esẽme.

Zakaria 9:9

Atãkyematoko, Xião põkomo! Jerusarẽ põkomo, oeremiatoko ãtãkyemarykõme! Otuisarykõ oehnõko mana. Orẽpyra Exiketyme oehnõko mana, Imehxo Exiketyme roropa, yrome epyrypara mana, jumẽtu po tõtyrise mana, jumẽtu zumõkara, imũkurumano.

Numeru 24:17

Imeĩpo ehtoh enẽko ase, Izyraeu tõ enẽko. Tuisa konõto, xirikuato saeremehxo exikety sã exĩko mana mokaro wino. Tonesã samo oehnõko mana Izyraeu tõ poe. Moape tõ tuisamãkõ poremãkapõko mana. Mokaro ahno epyrypaketõ enahkapõko mana.

Mateu 2:3

Mame mokaro xirikuato ekahmahpõkõ omiry etaryke tyya xine tutuisarykõ turuse toto a, Erote turuse. Mame toto omiry etaryke tyya torẽtyke toehse Erote imepỹ tuisa se pyra toexiryke tymyakãme. Morararo Jerusarẽ põkõ emero torẽtyke toehse toto.

Mateu 21:5

“Xião põkõ zurutoko. Ynara kahtoko eya xine: ‘Oesẽkõ ytõko oya xine mana. Tuisa imehxo exikety sã pyra mana. Jumẽtu po ytoytõko mana, zumõkara po. Jumẽtu mũkuru po ytõko mana,’ kahtoko.” Morara tymerose pake urutono a.

Mateu 27:11

Morarame Jezu kowenatu ẽpataka tooehse ahtao ynara tykase kowenatu eya: — Juteu tõ tuisary mahno? tykase tõturupose. — Ỹ, ywy ase, tykase Jezu.

Ruka 19:38

— Kure yna tuisaryme tyriko, Ritonõpo. Kuesẽkõ omi poe aepyhpyry ynororo. Torẽtyke pyra ehtoko, kapuaõkomo. Kure rokẽ Ritonõpo syritone, tykase toto.

Ruka 2:11

Sero koko tao nenuruno, opynanohnekomo. Atamurukõ Tawi enurutopõpyry po nenuruno. Ritonõpo nymenekahpyry Kyrixtu mokyro. Kuesẽkõme inymenekahpyry.

Ruka 23:3

Mame ynara tykase Pirato Jezu a: — Juteu tõ tuisary mahno? tykase. — Ỹ, ywy ase, tykase Jezu.

Ruka 23:38

Mame epoe ynara tymerose kynexine: “Mose juteu tõ tuisaryme mana.”

João 1:49

— To! Urutõme mase, tykase Natanaeu eya. — Ritonõpo mũkuru nymyryme mase. Izyraeu tõ esẽme mase, tykase ynororo Jezu a.

João 12:13

Morara exiryke marariary panõ tysahkase eya xine. Morarame toytose toto Jezu ẽpatakãmase. Ynara tykase toto: — Kure Ritonõpo mana. Kure roropa inenehpohpyry mana. Ritonõpo Kapuaono, kure rokẽ Izyraeu tõ tuisary tyriko, tykase toto, tõturuse toytorykõme.

João 18:37

Ynara tykase Pirato: — Tuisame nymyry mah? tykase. Ynara tykase Jezu eya: — Zae morara mykano, tuisame jexiry poko. Morome ro tooehse ywy sero nono pona, zae rokẽ imehnõ zurutohme. Zae exiketõ jomiry etãko, emero porehme.

João 19:19

Morarame wewe tymerose Pirato a rahkene. Jezu apõ pokona tynymerohpyry tyrise eya emero tonesẽme. “Jezu Nazare pono juteu tõ tuisary,” me tymerose eya.

João 20:28

— Jesẽ mase. Ritonõpome mase, tykase Tome.

João 5:23

emero porehme Imũkuru ime exiry enetupuhtohme, Jũ ime exiry roropa enetupuhtohme eya xine. Imũkuru ime exiry onenetupuhpynõ Jũ ime exiry onenetupuhpyra roropa toh mana.

João 9:38

— Ỹ, enetupuhnõko ase, tykase. Tosekumuru po typorohse ynororo Jezu ẽpataka, tuisame imehxo enetuputyryke tyya. Morara exiryke tosekumuru po typorohse ynororo Jezu ẽpataka tonuremỹpokara.

Epereu 1:6

Ynara roropa tykase Ritonõpo Tumũkuru tooehse ahtao sero nono pona: “Ynenyohtyã emero kure Umũkuru rĩko mana. ‘Kure mase, tuisa imehxo,’ ãko toh mana eya,” tykase Ritonõpo.

Apokaripxi 22:16

— Ywy ase Jezu. Ynenyokyhpyry aropoase morohne ekarotohme oya xine tõximõse ypoetory tõ ahtao. Tuisa Tawi paryme ase. Maparukawa enery sã oya xine ẽmehsasaka ahtao, moro sã jeneryhtao oya xine ẽmehnõko sã matose, tyrisenã sã exĩko matose.