Juize 8:3 - Ritonõpo Omiry: A Bíblia Sagrada na língua Aparai do Brasil

³ Mitianita tõ tuisary Orepe, Zeepe maro tokarose oemahpokoxi xine Ritonõpo a. Otara tyrise ya? Ynyrihpyry moro sã pyra mana, tykase. Morara tykase Kiteão ahtao zehno hkopyra toehse Eparaĩ tomo.

Juize 8:3 Iomraidhean Croise

Saumu 115:1

Oya rokene, Ritonõpo yna Esemy, oya rokene, yna a pyra, “Kure mase,” ãko ynanase eremiãko, yna pyno oehtoh anamonohpyra oexiryke.

Saumu 44:3

Typyrekõ ke pyra moro nono typoremãkase opoetory tomo a; tyjamitunurukõke pyra topetõkara typoremãkase eya xine. Yrome ajamitunuru ke orẽpyra oexiryke typoremãkase toto eya xine, imaro xine oehtoh poko tutuarõtanohpose toto oya exiryke roropa. Moro eneryke tyya xine typyno xine oehtoh waro toh kynexine.

Porowepio 15:1

Zehno exikety ezukuruhtao tomeseke samo zehno hkopyra exĩko mana, yrome õmiry ke jamihme ezukuruhtao ihtomapõko sã mase.

Porowepio 16:32

Kurehxo penekehpyra awahtao, jamihmehxo ehtoh motye; kure roropa zae ehtoh poko menekary oya pata poremãkary motye.

Porowepio 25:11

Emese kure sã omi kurã ekaroryhtao, uuru risẽ sã mana epery kuhtoh samo tyrise parata risẽ pokona.

Porowepio 25:15

Inehmỹke pyra awahtao, axĩ pyra imehnõ tuarõtanohpõko mase ise oehtoh se roropa toto ehtohme, tuisa tõ osenetuputyry tyoromãko roropa mase.

João 4:37

Zae ro ahno oturutopõpyry ynara karyhtao: “Toiro arykãko, imepỹ anỹnõko.”

Romanos 12:3

Ritonõpo a tyjamitunuru tokarose ya imehnõ amorepaneme jehtohme. Naeroro ynara ãko ase oya xine, kure oehtohkõ poko õsenetuputyrykohtao onymotyẽkara ehtoko. Zae osenetupuhtoko oehtohkõ poko, oerohtohkõ poko, enara, Ritonõpo poe tonetupuhse oya xine exiryke.

Romanos 12:6

Kypyno xine Ritonõpo mana ipunaka. Naeroro tyjamitunuru tyripose eya kukurohtaka xine tyotyoro kuerohtohkõ poko kuehtohkõme Ritonõpo nyrohmanohpotopõpyry poko. Tõmiry poko urutõme Ritonõpo nekarohpyry kyya xine ahtao, moro poko sehtone yronymyryme, Kuesẽkõ enetuputyryke kyya xine.

Piripo 2:3

“Imehxo ase, imehnõ motye,” kara ehtoko. Imehnõ motye kure oexirykõ poko epyrypara ehtoko. Toto maro oxiekyryme sã ehtoko. Kure tyritoko toto, otuisarykõme samo.

Juize 8:2

Yrome ynara tykase ynororo: — Ynyrihpyry kuepekõkara maro pitiko rokẽ nexiase. Onyrihpyrykõ itamurumehxo, ynyrihpyry motye kuhse. Onyrihpyrykõ, Eparaĩ tomo, pitiko nase oya xine repe, yrome Apieze ekyry tõ nyrihpyry emero motye nase.

Juize 8:4

Morarame Kiteão tõ toytose 300mãkõ maro tuna Joatão pona. Tãtakuohse toto. Totaehse toh kynexine repe. Yrome topetõkara ekahmãko ro toh kynexine.