Juize 2:2 - Ritonõpo Omiry: A Bíblia Sagrada na língua Aparai do Brasil

² Naeroro õmirykõ onetapopyra ehtoko sero nono põkomo a. Inyrihpyrykõ apoto apõme ikararahtoko ipahtohme,” ase oya xine repe. Yrome jomipona pyra mexiatose. Enetoko ke onyrihpyrykomo!

Juize 2:2 Iomraidhean Croise

Jenexi 12:18

Mame tuisa a Aparã tonehpose tyya, tuisa a tõturupotohme. Ynara tykase ynororo eya: — Oty katohme jurupyra mexiase opytyme aexiry poko? Oty katoh “Ypyty mose ro” kara mexiase?

Jenexi 4:10

Mame ynara tykase Ritonõpo eya: — Oty katoh sẽ sã mano? Ãkorõ metapano? Nono ae imunuru xitãko mana ynetaryme. Kui ãko sã ya mana tymỹpotohme.

Exutu 32:21

Mame ynara tykase Moeze Arão a: — Otara tykase toto oya, toto arotohme oya tyyrypyrykõ xihpyry poko toto ehtohme?

Jeremia 2:18

Seromaroro otyme kure oya xine oytorykomo Ejitu pona tuna ẽse tuna Niro kuaka? Otyme kure roropa oya xine oytorykohtao Axiria pona tuna ẽse tuna Eupyrati kuaka?

Jeremia 2:36

Oty katohme ytoytõko rokẽ mahno etyorõmatohme popyrahxo oehtohme? Axiria poko oehxirotopõpyry sã ehxirõko roropa mase Ejitu poko.

Jeremia 2:5

Ynara ãko mana: “Oty popyra jehtoh tonese atamuru tomo a jurumekatohme eya xine? Tyneponãmarykõ typahsẽme, isene exiketõ kara toahmase eya xine, mame isaaro toehse roropa toh nexiase typahsẽme sã rokene.

Teuteronomiu 7:16

Mokaro ahno emero enahkatoko, Ritonõpo Kuesẽkõ nekarory tõ oya xine. Toto pyno pyra ehtoko, ineponãmarykõ oneahmara ehtoko, oorikyrykõino.

2 Tesaronika 1:8

Apoto konõto tororokane maro oehnõko mana Ritonõpo waro pyra exiketõ wãnohpotohme. Aomipona pyra exiketõ roropa wãnohpõko mana, ynanekarohpyry Kuesẽkõ Jezu poko totase eya xine exiryke. Yrome onenetupuhpyra toto exiryke toto wãnohpõko Ritonõpo mana.

Jozue 9:7

Yrome ynara tykase Izyraeu tõ orutua kõ eya xine: — Otarame oesarykõ moe pyra mana taroino. Otãtohxo osepeme exĩko sytatou awaro xine pyra yna ahtao?

1 Peturu 4:17

Okynã pyra kuepehmatorỹko Ritonõpo mana kynyrihpyrykõ epehpyryme. Kurã ke zae exiketõ epehmãko mana zae toto ehtopõpyry epehpyryme. Yrome tõmipona pyra exiketõ tuarimapõko mana zae pyra toto ehtopõpyry epehpyryme. Osemazuhme typoetory tõ epehmãko mana. Naeroro kuetuarimarykõ motye kuhse tõmiry kurã onenetupuhpynõ tuarimapõko Ritonõpo mana.

Juize 2:20

Morara exiryke tyekĩtapãse Ritonõpo typoetory tõ Izyraeu tõ poko. Ynara tykase ynororo: — Jomihpyry, ynekarohpyry itamurukomo a jomipona toto ehtohme, moro omipona pyra toehse toto. Naeroro jomiry omipona pyra toto exiryke,

Juize 6:10

Kuruatose, ywy ase Ritonõpo Oesẽkomo. Sero nono põkõ neponãmary oneahmara ehtoko, ase oya xine. Yrome jomiry onetara mexiatose.”

Juize 6:8

urutõ tonehpose eya oturuse toto a ynara kase: — Ynara ãko Ritonõpo, Izyraeu tõ Esemy: “Kuenepyatose Ejitu poe Ejitu põkõ namotome awahtao xine.

Juize 8:27

Moro uuru ke oturukety zupõ panõ tyrise Kiteão a. Moro tyrise eya typatary, Opara po. Mame Izyraeu tomo a Ritonõpo eahmary turumekase morotona toto ytotohme, Kiteão nyrihpyry eahmatohme tyya xine. Morara exiryke Izyraeu tõ typoremãse Kiteão maro ro emero, inyrihpyry eahmaryke eya xine.