Juize 1:4 - Ritonõpo Omiry: A Bíblia Sagrada na língua Aparai do Brasil

⁴ Juta tõ maro topekõkara poremãkapose oximaro. Mame orẽpyra tyripose toto Ritonõpo a, kananeu tõ typoremãkapose eya xine, perizeu tõ roropa. 10 miume orutua kõ totapase eya xine Pezeke po.

Juize 1:4 Iomraidhean Croise

1 Tuisa 22:15

Mame toeporehkase Mikaia ahtao tuisa tõ ẽpataka, ynara tykase Akape eya: — Mikaia, tuisa Josapa ymaro zuaro se ynanase. Zae yna ytory etonase Ramote põkõ maro? Zae pyra hnae? tykase. — Ytoko etonase, mokaro poremãkapõko mase. Orẽpyra orĩko Ritonõpo mana.

1 Tuisa 22:6

Mame urutõ kõ tykohmase Akape a, 400mãkomo ekaropotohme: — Oty zae exiry? Yna ytory etonase Ramote põkõ maro? Ytopyra yna exiry? — Ytoko etonase. Orẽpyra orĩko Ritonõpo mana, Ramote põkõ poremãkapõko mase, tykase toto.

Saumu 44:2

Ajamitunuru ke imehnõ ahno maropoase opoetory tõ esaryme moroto ehtohme. Turuse yna imehnõ ahno wãnohtopõpyry poko oya. Moro tyrise oya kure rokẽ opoetory tõ ritohme, toto emãtohme.

Saumu 78:55

Moro nono põkõ taropose eya moro nono poe, moro taka ipoetory tõ omomyryhtao. Moro nono tapiakase eya ekamotohme typoetory tõ esaryme, Izyraeu tõ osesaritohme mokaro tapyinỹpyry tao.

Teuteronomiu 7:2

Mokaro ekarõko Ritonõpo oya xine mana toto poremãkatohme, toto enahkatohme porehme. Õmirykõ onetapopyra ehtoko eya xine, osepeme oehtohkõme toto maro. Toto pyno pyra ehtoko ipunaka.

Teuteronomiu 9:3

Yrome seromaroro tuaro ehtoko, Ritonõpo Oesẽkõ ytõko osemazuhme oesemarykõ ae apoto samo, emero enahkatohme. Ahno tõ poremãkãko mana, toto enahkãko roropa mana. Mame aomihpyry ae ro oya xine, ytõko matose oepetõkara aropose, toto etapase roropa axiny.

Juize 1:3

Mame ynara tykase Juta tõ Ximeão tomo a: — Ehmaropa oximaro Ritonõpo nekarohpyry yna a apoise, Kanaã põkõ poremãkapose. Imeĩpo ytõko sytatose oximaro Ritonõpo nekarohpyry pona oya xine ononorykõme. Moro sã Ximeão tõ toytose

Juize 1:5

Moro po tõseporyse toto Atoni-Pezeke maro, tõsetapase toto imaro. Mame kananeu tõ typoremãkapose eya xine, perizeu tõ maro.

Juize 11:32

Mame tuna takuohse Jepete a etonatohme amonita tõ maro, orẽpyra tyrise ynororo Ritonõpo a.

Juize 3:5

Morara exiryke tõsesarise Izyraeu tomo kananeu tõ rãnao te, heteu tõ maro, amoreu tõ maro, perizeu tõ maro, heweu tõ maro, jepuseu tõ maro, enara.

1 Samueu 11:8

Mame oximõme tarose toto Sauu a Pezeke pona. Izyraeu tõ soutatu tõ 300 miume nexiase, Juta tõ soutatu 30 miume nexiase.

1 Samueu 14:10

Yrome: “Osehtoko xiaro,” karyhtao, morotona ytõko sytase. Moro ke rokẽ enetupuhnõko sytase, Ritonõpo Kuesẽkõ mokaro poremãkapõko mana, tykase ynororo.

1 Samueu 14:6

Ynara tykase Jonata tymaro ytokety a: — Eropa, mokaro Ritonõpo omipona pyra exiketõ esaka, Ritonõpo a takorehmase kuahtao orẽpyra exĩko sytase tuhke pyra kuahtao ro.