Joeu 3:19 - Ritonõpo Omiry: A Bíblia Sagrada na língua Aparai do Brasil

¹⁹ Ejitu turumekasẽme exĩko, ona tonorẽ samo, Etõ patãpome exĩko Juta nonory typoremãkase eya xine exiryke, ahno kurã totapase roropa eya xine exiryke.

Joeu 3:19 Iomraidhean Croise

Saumu 137:7

Ritonõpo, wenikehpyra exiko etomita tõ nyrihpyry poko Jerusarẽ poremãkatopõpyry poko! Wenikehpyra exiko aomihpyrykõ poko: “Pata Jerusarẽ ikararahtoko emapotohme nono pona,” tykase toto.

Izaja 11:14

Oximaro ytõko mã toto pirixteu tõ poremãkapose xixi omõtoh wino; imehnõ poremãkãko roropa mã toto xixi tũtatoh wino, imõkomory apoitohme tymõkomoryme. Etõ tõ poremãkãko mã toto, Moape tõ roropa te, Amõ tõ roropa, enara.

Izaja 11:15

Mame Sueze tunary apaikapõko Ritonõpo Kuesẽkõ mana, tyryrykane axitunety enyohnõko roropa mana tuna Eupyrati pona. Iporiry 7mãkõ rokẽ oxinomõko, zumõkara exiketomo, tupime pyra ytoytokety akuohtohme.

Jeremia 49:17

Ynara tykase Ritonõpo: — Etõ tõ poremãkatoh popyrahxo exĩko mana. Moro kuroko ytoketõ osenuruhkãko mã toto, enaromỹke exĩko mã toto moro eneryke tyya xine.

Jeremia 51:35

Ynara kahtoko, Xião põkomo: “Papironia põkõ epehmako yna ryhmatopõpyry emetakame!” Kaxitoko roropa, Jerusarẽ põkomo: “Papironia põkõ zuãnohko yna ryhmatopõpyry emetakame!”

Ramẽtasão 4:21

Atãkyematoko, Etõ põkomo, Uze põkõ roropa, exianatoko oexianarykõ se awahtao xine. Yrome okynã pyra oporemãkapotohkõ oehnõko mana, awãnohtohkõme; toetỹse exiketyme sã exĩko matose tupoke pyra ytoytõko roropa matose.

Opatia 1:1

Sero nase Ritonõpo oturutopõpyry Opatia a Etõ tõ poko. Omi arone taropose Ritonõpo a imeimehnõ nonory pona, aomiry totase yna a. Ynara ãko mã ynororo: “Opyrekõ tyritoko! Ehmaropa etonase Etõ tõ maro!”

Apakuke 2:17

Wewe tõ tonahkase oya ypy tõ Ripano po, seromaroro tonahkasẽme exĩko mase. Onokyro tõ totapase oya, seromaroro mokaro zuno exĩko mase. Ahno tõ ryhmatopõpyry oya epehmãko mase, ipatary tõ enahkatopõpyry oya roropa.

Zakaria 10:10

Ejitu poe toto enehpõko ropa ase, Axiria poe roropa. Toto arõko ase Kireate nonory pona, Ripano pona roropa. Tuhkehxo exĩko mã toto, osa mokaro emero pune pyra exĩko mana.

2 Tesaronika 1:6

Zae Ritonõpo exiryke ohtomahpõkõ htomãko roropa mana, ohtomatamitukõme.