Joeu 3:18 - Ritonõpo Omiry: A Bíblia Sagrada na língua Aparai do Brasil

¹⁸ Morarame moro toehse ahtao emory mã tõ pehme exĩko mã kehko uwa zoko ke, onahpoty enahnõko pui tõ mana ypy tõ po, tuna itamurume iporiry tõ ao exĩko Juta tõ nonory po. Ytapyĩ tae tuna tũtãko mana, jakanahmã Akaxia ehxikatohme.

Joeu 3:18 Iomraidhean Croise

Jo 29:6

Ytapyĩ tao suhsu nae nexiase pitiko rokẽ pyra, azeite roropa, azeitona zoko tõ roropa tahtase topu tõ rãnao.

Saumu 46:4

Tuna nae mana, ipokoino tãkye exĩko Ritonõpo patary põkõ mana, Ritonõpo Imehxo Exikety tapyĩ kurã taõkomo.

Exutu 3:8

Morara exiryke tyhtose ywy toto pynanohtohme Ejitu tõ wino, toto arotohme Ejitu poe nono konõto pona, nono kurano. Moroto nono kure mana, otyro zamaro mana. Moroto kananeu tõ nae te, heteu tomo te, amoreu tomo te, perizeu tomo te, heweu tomo te, jepuseu tomo, enara.

Izaja 30:25

Morarame moro ẽmepyry toehse ahtao, oepetõkara totapase ahtao itapyĩ tõ jamihmãkõ tonahkase roropa ahtao, iporiry tõ tuna maro yhtõko mã kehko ypy tõ poe emero, somohmã emory tõ poe roropa.

Izaja 35:6

ahmitatyamo pyhsekyhme ytõko te, wãko roropa mã toto, tõmire pyra exiketõ eremiãko mã toto tãtãkyemarykõme. Tuna enatyry tõ soesoekaneme exĩko nono tonorẽ po, iporiry tõ axĩ serere ãko mã kehko nono tonorẽ kuroko.

Izaja 44:3

Konopo enehpõko ase ona tonorẽ po, iporiry tõ rĩko ase serere katohme nono tonorẽ poro. Moro saaro Juzenu kuãnõko ase opoenõ pona, apakõ pona roropa, kure ehtoh ekarõko roropa ase apakomo a.

Izaja 45:8

“Konopo enehpory sã ya kaino, orẽpyrahxo jehtoh enehpõko ase kapu poe. Nono etapuruhmakãko ase moro zae ehtoh apoitohme, ekutãko sã mana ahno pynanohtoh ke, zae ehtoh ke roropa. Ywy, Ritonõpo, morara tyrĩko ase.”

Izaja 55:1

Ynara ãko Ritonõpo mana: “Etatoko pahne, tuna se exiketomo, osehtoko tuna ẽtokose! Amarokõ roropa tytineruke pyra exiketomo: tonahsẽ epekahtoko, otuhtokose! Osehtoko suhsu epekahtokose, uwa eukuru jehnahpyry roropa, topehke pyra mana!

Izaja 66:11

Enurusenã eny suhsu ekarory sã tumũkuru a, moro sã Jerusarẽ tymõkomory kurã ekarõko oya xine mana, mame tãkye exĩko matose.

Jeremia 31:12

Oehnõko mã toto eremiase tãkye toexirykõke ypy Xião pona; atãkyemãko mã toto ynekarory tõ poko eya xine, tiriiku tõkehko, uwa eukuru, azeite, pui tomo te, kaneru tomo, enara. Tupito tarykasãme exĩko mã toto tuna itamurume nae ahtao, emero ise toto ehtoh nae exĩko mã toto.

Mikeja 6:5

Ypoetory tomo, wenikehpyra ehtoko Parake, Moape tuisary osenetupuhtoh poko oritohkõme te, Paraão, Peoa mũkuru ezuhtopõpyry poko roropa eya. Wenikehpyra ehtoko emero ehtopõpyry poko jakanahmã Akaxia tõ poe oytotopõpyrykõ poko mya oeporehkatopõpyrykõ pona pata Kiukau pona. Wenikehpyra ehtoko oepetõkara poremãkatopõpyry poko ya opynanohtohkõme.

Zakaria 14:8

Mame moro ẽmepyry ae soesoekane ae tuna kurã tũtãko Jerusarẽ poe. Zokonaka ytõko tuna konõto Aorikyhpyry ehtoh pona, zokonaka ytõko tuna Metiteraneu pona. Moro tuna apaipyra exĩko mana, eina ahtao ikonoporyme ahtao, enara.

Numeru 25:1

Mame Izyraeu tõ tehme ahtao jakanahmã Akaxia tõ po, moapita nohpory tõ poko toehpitose Izyraeu tõ orutua kõ nexiase.