Joeu 3:16 - Ritonõpo Omiry: A Bíblia Sagrada na língua Aparai do Brasil

¹⁶ Ypy Xião poe opore Ritonõpo oturũko mana, aomiry konomeru sã mana Jerusarẽ poe; nono tykytyky ãko, kapu roropa! Yrome typoetory Izyraeu tõ ewomãko mana.

Joeu 3:16 Iomraidhean Croise

Saumu 18:2

Ritonõpo ytopũme konõto nase, jeraseme nase, ytapyĩ jamihmano. Ypynanohneme roropa nase, imaro jexiryke yporemãkasaromepyra jepetõkara mana. Ritonõpo Jesemy jewomãko nase tõsewomatohke jehtohme; ytapyĩme nase, imaro enaromyra ase.

Saumu 29:11

Typoetory tomo a tyjamitunuru ekarõko Ritonõpo mana, kure rokẽ toto rĩko roropa mana; eya xine kurãkõ emero ekarõko roropa mana.

Saumu 61:3

Omoro mase jewomaneme exiryke, jamitu mase, jewomane, ypoko pyra yzehnotokõ ehtohme.

Porowepio 18:10

Tapyi jamihmã sã Kuesẽkõ mana, moro taka zae ehtoh poko exiketõ ytõko mã toto tõsewomatohkõme.

Izaja 33:16

Moro sã ahtao towomasẽme exĩko mana, tapyi jamihme exikety tao sã exĩko mana, topu risẽ tao; tonahsẽ nae exikehpyra mana, tuna roropa enahpỹme aukurume exĩko.

Izaja 33:21

Moroto saeremehxo Exiketyme osenepõko Kuesẽkõ mana kyya xine. Jerusarẽ po tuna konõto tõ nae exĩko, iporiry tõ roropa, yrome epetõkara kanary tõ ytopyra exĩko mã kehko morohne ae, wapu konõto tõ roropa ytopyra exĩko morohne ae.

Izaja 42:13

Ritonõpo ytõko mana etonakety samo, emero tyrikehse eya etonatoh taka toytotohme. Kohtãko mana toetonatohme, topetõkara poremãkapõko mana tyjamitunuru ke.

Izaja 51:16

Kapu tyrise ya taunuhmapose roropa, sero nono tyrise ya roropa. Ynara ãko ase Jerusarẽ põkomo a: ‘Ypoetoryme matose, jomihpyry ekaroase oya xine, jemary ke oewomatorỹko ase.’ ”

Jeremia 16:19

Ynara tykase ywy: — Ritonõpo Jesemy, Jewomaneme mase, yjamitunuru ekarõko mase ya; jakorehmãko mase popyra ehtoh toehse ahtao ya. Sero nono etyhpyry tõ poe imehnõ ahno oehnõko oya ynara kase: “Yna tamuru tõ tyneponãmarykõ ajohpe rokẽ nae nexiase; tyneponãmarykõ typahsẽme rokẽ nae toh nexiase.

Jeremia 17:17

Jerehpyra exiko; jesary kurã jewomatohme mase, popyra ehtoh toehse ahtao.

Ezekieu 38:19

Zehno jehtoh ke, zumoxike roropa jexiryke ynara ãko ase: Moro ẽmepyry ae sero nono tykytyky ãko mana jamihme samo Izyraeu tõ nonory po.

Ozeja 11:10

— Ywy opore omitaryhtao, reão samo jepetõkara enepanohpotohme, ymaro ypoetory tõ ytõko mã toto. Xixi omõtoh wino ypoetory tõ oehnõko mã toto tururume.

Amoxi 1:2

Ynara tykase Amoxi: “Ypy Xião poe, Jerusarẽ po, opore oturũko Ritonõpo mana, aomiry konomeru sã mana. Onahpoty orihnõko mana, tonore toehse ypy Karameru po porehme.”

Amoxi 3:8

Reão aryry karyhtao etananõ zuno exĩko mã toto. Moro saaro Ritonõpo otururuhtao, mynyhme ipoetory tõ ehsaromepyra exĩko, aomiry ekarõko urutõ mana imehnõ netaryme.

Naum 1:7

Kure Ritonõpo Kuesẽkõ mana. Popyra ehtoh toehse ahtao, typoetory tõ pynanohnõko mana. Mokaro pyno exĩko mana tupise ahtao eya xine osewomapotohme.

Ajeu 2:6

— Ywy, Ritonõpo, Jamihmehxo Exikety ynara ãko ase: Okynã pyra kapu tykytyky kamexipõko ase, nono maro, tuna konõto te, nono tonorẽ roropa.

Ajeu 2:7

Imeimehnõ nonory põkõ tykytyky kamexipõko ase emero porehme. Mame imõkomory kurã tonehsẽme exĩko mana Ytapyĩ taka tarona Jerusarẽ pona. Morohne ke Ytapyĩ kure potu exĩko ropa mana.

Zakaria 10:12

Ypoetory tõ jamihtanohpõko ase, mame yjamitunuru ke isene exĩko mã toto jomipona. Ywy Ritonõpo oturuno.”

Zakaria 10:6

Ynara ãko Ritonõpo Oesẽkõ mana: “Jamihme Juta tõ tyripõko ase. Izyraeu tõ pynanohnõko ase. Toto pyno jexiryke toto enehnõko ropa ase imehnõ nonory tõ poe, imehnõ namotome toto ehtoh poe. Ymaro osepeme exĩko ropa mã toto, toto onurumekapitopyra jehtopõpyry samo, Ritonõpome jexiryke toto Esẽme. Toto ezuhnõko ase aotururukohtao ya.

Zakaria 9:12

Osehtoko ropa, namoto tomo, oewomatohkõ jamihmã pona; osehtoko ropa opynanohtohkõ eraximananomo. Ynara ãko ase oya xine, itamurumehxo kurã ke oepehmatorỹko ase, asakoro oetuarimatopõpyrykõ emetakame.

Epereu 12:26

Tõturuse Ritonõpo ahtao sero nono tykytyky tykase. Yrome seromaroro ynara tykase ynororo: “Zomory sero nono rokẽ kara, kapu roropa tykytyky kamexipõko ase, toiro,” tykase.

Apokaripxi 11:13

Mame morara ahtao nono kywyh kywyh tykase jamihme samo, pata zokonaka tyyryhmase. Omame porehme tapyi ahtao toiro toepukase. Ahno roropa totapase nono kywyh kywyh karyke, 7 miume totapase toto. Imehnõ tõserehse itamurume. — Kure Ritonõpo Kapuaõ mana. Imehxo mana. Orẽpyrahxo roropa mana, tykase toto.

Apokaripxi 11:19

Mame Ritonõpo maro oturutoh kurã totapuruhmakase kapu ao. Ritonõpo nymeropohpyry ẽ tonese moro tao. Typoetory tõ pyno Ritonõpo exiry enetupuhtoh moro. Mame neneneh tykase, takararah tykase, panaikato, konomeru maro. Nono kywyh kywyh tykase, konopoimo itamurume topu sã xiriri tykase, enara.

Apokaripxi 16:18

Mame neneneh tykase, panaikato, konomeru, nono kywyh kywyh tykase, enara. Moino ro ahno ritopõpyry poe ro sero nono kywyh kywyh katopõpyry sã pyra kynexine. Jamihme sero nono kywyh kywyh tykase.

1 Samueu 15:29

Ritonõpo Imehxo Exikety, Izyraeu tõ Esẽ ajohpe pyra mana. Tõsenetupuhtoh onytyoromara mana. Ahnome pyra toexiryke, tõmiry onytyoromara mana.