Joeu 3:14 - Ritonõpo Omiry: A Bíblia Sagrada na língua Aparai do Brasil

¹⁴ Tuhkãkõ maro tuhkãkõ moroto mã toto Jakanahmã Atapiakatoh po. Morotona Ritonõpo ẽmepyry oehsasaka mana.

Joeu 3:14 Iomraidhean Croise

Saumu 37:13

Yrome pohnõ eneryke tyya, exianãko Kuesẽkõ mana, okynã pyra enahnõko mã toto. Moro waro Kuesẽkõ mana.

Izaja 13:4

Panaikato osetãko, ahno imoihme ypy tõ po! Soutatu tõ imoihmãkõ oximõnõko mã toto! Soutatu tõ imehnõ nonory poe tuhke, oximõnõko mã toto tõsetapatohkõme; Ritonõpo jamihme Exikety toto enehnõko mana oximõme, aetonatohkõme.

Izaja 22:1

Ynara ãko Ritonõpo mana Jakanahmã Enepotoh poko: Oty katohme zara kaetokõ pona tõnuhse matou?

Joeu 1:15

Moro ẽmepyry oehnõko, myhẽ mana! Kuesẽkõ ẽmepyryme exĩko. Sero enahkapõko Kuesẽkõ Jamihmehxo Exikety mana. Oserehtoh konõto exĩko moro ẽmepyry ae mana!

Joeu 2:1

Rue tõ etotoko ypy Xião po, toto tuarõmatoh etotoko ypy kurã po! Tykytyky kahtoko enaromỹke oehtohkõke Juta tomo! Ritonõpo ẽmepyry oehnõko oya xine exiryke.

Joeu 2:11

Konomeru sã soutatu tõ tyripõko Ritonõpo mana; ipoetory tõ osetapaketõ ikuhpỹme mã toto, orẽpyra aomiry omipona exiketõ mana. Ritonõpo ẽmepyry enaroximatoh imehxo mana, orekohmato konõto. Onoky moro eanahtõko nae?

Joeu 3:12

“Imeimehnõ nonory põkõ emero, akimatoko ooehtohkõme jakanahmã Josapa pona. Moroto ywy, Ritonõpo, ahno tõ emero moro zomye exiketõ apiakãko ase.

Joeu 3:2

Mame imeimehnõ nonory põkõ emero oximõme enehpõko ase toto arotohme jakanahmã Josapa pona, toto apiakatohme. Moro rĩko ase popyra Izyraeu tõ ritopõpyry pokoino eya xine, ynymenekatyã ypoetoryme: sapararahme Izyraeu tõ taropose eya xine imeimehnõ nonory pona, mame ynonory tapiakase eya xine tynonorykõme.

Sowonia 1:14

Moro Ẽmepyry imehxo Ritonõpo Ehtoh moe pyra mana, oehsasaka mana! Moro ẽmepyry oserehtohme exĩko mana, soutatu tõ jamihmãkõ kui ãko oserehnõko mã toto!

Piripo 3:2

Tomeseke ehtoko popyra ehtoh poko exiketõ poko. Kaikuxi sã oryhmarykõ se rokẽ mã toto. “Aĩkõpotapihpyry isahkatoko kure oehtohkõme Ritonõpo a,” ãko mã toto. Opũkõ sahkapory se toh mã repe. Tuaro ehtoko mokaro poko. Zae pyra exiketõ mokaro.

2 Peturu 3:7

Yrome seromaroro Ritonõpo poe ro kapu tõkehko enahpyra ro mana. Sero nono roropa enahpyra mana. Imeĩpo kapu enahkapõko mana apoto ke. Tõmiry ke sero nono roropa enahkapõko mana. Senohne enahkaporyhtao tyya tõmipona pyra exiketõ tuarimapõko mana iirypyrymãkomo. Toto enahkapõko mana, enara. Moro waro se pyra mokaro mana.