Joeu 3:12 - Ritonõpo Omiry: A Bíblia Sagrada na língua Aparai do Brasil

¹² “Imeimehnõ nonory põkõ emero, akimatoko ooehtohkõme jakanahmã Josapa pona. Moroto ywy, Ritonõpo, ahno tõ emero moro zomye exiketõ apiakãko ase.

Joeu 3:12 Iomraidhean Croise

2 Koronika 20:26

Mame asakoropane ẽmepyry ae tõximõse toto jakanahmã Peraka po Ritonõpo eahmatohme. Morara exiryke moro jakanahmã tosehpase Perakame; Peraka kary: Ritonõpo eahmatohme mana.

Saumu 7:6

Ritonõpo, owõko ty zehno oehtoh ke, jepetõkara yzehno ipunaka, iporemãkapoko toto! Xikihme exiko, kuakorehmako, zae ehtoh se oexiryke.

Saumu 96:13

aepyry ropa ahtao emero Esẽme ehtohme. Zae rokẽ sero nono põkõ rohmanohpõko mana.

Saumu 98:9

Ynara exiryke, oehnõko mana tõmiry omipona sero nono põkõ ritohme! Ahno tõ emero esẽme exĩko mana sero nono po, zae ehtoh ke toto rohmanohpõko mana, zae rokẽ ehtohme sero nono po.

Izaja 2:4

Emero nono põkõ apiakaneme exĩko Ritonõpo mana. Atae pyra ahno ahtao zae ehtoh ekarõko mã ynororo eya xine. Mame typyrekõ tyoromãko mã toto tupito nonory ahkatohme te, tywaratãkõ myakamãko mã toto tiriiku sahkatohme. Jũme osetapara exĩko imehnõ nonory põkõ mana. Etonatoh pyre onyripyra ropa exĩko mã toto.

Izaja 22:1

Ynara ãko Ritonõpo mana Jakanahmã Enepotoh poko: Oty katohme zara kaetokõ pona tõnuhse matou?

Izaja 3:13

Ritonõpo Kuesẽkõ zae ehtoh ekarosasaka mana; typoetory tõ apiakãko mana.

Ezekieu 30:3

Moro ẽmepyry ameke pyra mana, moro ẽmepyry ae popyra ehtoh enehpõko Ritonõpo mana, akurũ xinukutume exĩko mana, imeimehnõ nonory põkõ wãnohtohme.”

Ezekieu 39:11

Ynara tykase Ritonõpo: — Morohne emero toehse ahtao osa ekarõko ase Koke a, ekepyry zonẽtohme Izyraeu nonory po, jakanahmã Ytotoh po, tuna konõto Aorikyhpyry poe xixi tũtatoh wino. Moro zonẽtoh pokoino ytoketõ etypohnõko mã toto. Moroto Koke ekepyry isoutatu tõ maro emero tonẽsẽme exĩko, moro jakanahmã esehpãko mã toto “Koke soutatu tõ Esaryme.”

Joeu 3:14

Tuhkãkõ maro tuhkãkõ moroto mã toto Jakanahmã Atapiakatoh po. Morotona Ritonõpo ẽmepyry oehsasaka mana.

Joeu 3:2

Mame imeimehnõ nonory põkõ emero oximõme enehpõko ase toto arotohme jakanahmã Josapa pona, toto apiakatohme. Moro rĩko ase popyra Izyraeu tõ ritopõpyry pokoino eya xine, ynymenekatyã ypoetoryme: sapararahme Izyraeu tõ taropose eya xine imeimehnõ nonory pona, mame ynonory tapiakase eya xine tynonorykõme.

Mikeja 4:3

Emero nonory põkõ apiakaneme exĩko Ritonõpo mana. Atae pyra ahno ahtao, imoihmãkomo moe toto ahtao roropa zae ehtoh ekarõko mã ynororo eya xine. Mame ahno etapatoh tyoromãko mã toto tupito nonory ahkatoh ke, tywaratã tõ myakamãko mã toto, tiriiku sahkatoh ke. Moromeĩpo jũme osetapara exĩko imehnõ nonory põkõ mana. Osetapatoh pyre onyripyra ropa exĩko mã toto.

Zakaria 14:4

Mame moro ẽmepyry ae xikihme exĩko mana ypy Oriwera tõ po, Jerusarẽ poe xixi tũtatoh wino. Mame jakanahmã konõto xixi tũtatoh wino xixi omõtoh pona moro ypy Oriwera tõ apiakãko asakoro ehtohme. Moro ypy apiakasẽ zokonaka esyryhmãko inikahpozakoxi, etozõpyry roropa esyryhmãko mana ikurenaka.

Apokaripxi 19:11

Mame kapu etapuruhmakary enease. Moroto kawaru karimutumã nexiase. Mokyro kawaru po ytokety esety Kure Exikety. Ajohpãkarame roropa esety akorony, zae imehnõ apiakaryke eya. Imehnõ poremãkapõko roropa mana.