Joeu 2:21 - Ritonõpo Omiry: A Bíblia Sagrada na língua Aparai do Brasil

²¹ “Tupito tomo, enaromyra ehtoko, atãkyematoko, ynyrihpyry imehxo ehtoh pokoino! Ywy ase Ritonõpo.

Joeu 2:21 Iomraidhean Croise

Jenexi 15:1

Moromeĩpo tõsenepose Ritonõpo Aparã a, ynara tykase ynororo eya: — Aparã, enaromyra exiko. Oewomãko ase oryhmara oepetõkara ehtohme, kurã ke rokẽ oepehmãko ase.

Saumu 71:19

Ritonõpo, zae oehtoh anamonohpyra mana, kae exikety sã mana kapu poko. Onyrityã imehxo mã kehko, imepỹ pyra mana asã exikety.

Saumu 98:8

Tuna tomo, tahtah kahtoko! Ypy tomo, oeremiatoko tãkye oehtohkõke Ritonõpo ẽpataka.

Izaja 35:1

Ona tonorẽ atãkyemãko mana, ekutãko ropa mana nono tonorẽ po;

Izaja 41:10

Enaromyra ehtoko amaro xine jexiryke; oserehpyra ehtoko, Oesẽkõme jexiryke. Ajamihtanohtorỹko ase, ãkorehmatorỹko roropa; oewomatorỹko ase, opynanohtorỹko ase japotunuru ke.

Izaja 44:23

Okohtatoko oseahmarykõme, kapuaõkomo! Okohtatoko nono ao exiketomo! Okohtatoko atãkyemarykõme ypy tomo te, wewe tõ te, emero itu htaõ kõ maro! Imehxo toexiry tonepose Ritonõpo a typoetory tõ Izyraeu tõ pynanopyryke eya.

Izaja 54:4

Enaromyra exiko, ehxiropyra roropa exiko; oserehpyra exiko, iiryhmazomopỹme exĩko mase. Wenikehnõko mase ohtomatopõpyry poko oryxime awahtao, omuhpe oehtopõpyry poko roropa pytỹpome toehse awahtao.

Izaja 55:12

“Tãkye rokẽ esyryhmãko ropa matose Papironia poe, tarosẽme ropa exĩko matose kure rokẽ ononorykõ pona. Ypy tomo te, emorymã tõ roropa eremiãko mã kehko tãtãkyemaryke; wewe tõ emero tahtah ãko sã mã kehko.

Jeremia 33:3

— Jeremia, ykohmaryhtao oya oezuhnõko ase, ourũko ase zuaro pyra oehtoh poko, kurãkõ poko, zuaro exipitopyra aehtyamo.

Ozeja 2:21

Moro ẽmepyry toehse ahtao ypoetory tõ Izyraeu omiry etãko ase. Konopo enehpõko ase nono pona otyro ehxikatohme.

Joeu 2:20

Mya mokaro taparara tõ inikahpoe aehtyã aropõko ropa ase owinoino xine. Ona tonorẽ pona toto aropõko ase. Osemazuhme aehtyã tõmasẽme exĩko mã kehko tuna konõto Aorikyhpyry kuaka xixi tũtatoh wino, mokaro mykapo aehtyã epukãko mã toto tuna konõto Metiteraneu kuaka. Mokaro taparara ekepyry tõ tymoke exĩko mana, su ãko mã kehko. Toto enahkapõko ase yjamitunuru ke.

Joeu 2:26

Tonahsẽ nae exĩko matose, tuesapare exĩko, ise pyra oehtohkõ pona. Ritonõpo Oesẽkõ eahmãko matose, kure ehtoh tuhke tokarose eya exiryke oya xine. Mame ypoetory tõ onyporemãkapopyra ropa exĩko mã toto jũme.

Zakaria 8:15

Seromaroro kure rokẽ Jerusarẽ põkõ rĩko ase, Juta tõ roropa. Onytyoromara exĩko ase. Naeroro enaromyra ehtoko.

Teuteronomiu 4:32

— Atamorepatoko pake ehtopõpyry poko, ahno ritopõpyry poe sero nono po. Imeimehnõ nonory po porehme ekaropotoko imehnomo a sero panõ tonese ahtao eya xine, sero panõ kurã poko otururu totase ahtao roropa eya xine.

1 Samueu 12:16

Naeroro moroto rokẽ ehtoko aporo Ritonõpo jamitunuru enetohme oya xine.

1 Samueu 12:24

Ritonõpo zuno ehtoko, aomihpyry omipona oehtohkõme yronymyryme. Ipyno ehtoko roropa okurohtao xine. Wenikehpyra ehtoko inyrihpyry kurã poko, ãkorehmatohkõme.