Joeu 2:2 - Ritonõpo Omiry: A Bíblia Sagrada na língua Aparai do Brasil

² Moro ẽmepyry ikohmamyry sã exĩko mana, koko ehtoh samo, akurũ xinukutumã sã exĩko mana tapure exikety samo. Taparara tõ oehnõko mã toto soutatu tõ ikuhpỹme samo jamihme roropa, akurũ xinukutumã sã ypy tõ po. Sero panõ exipitopyra nexiase moino ro, taroino exipyra ropa exĩko roropa mana.

Joeu 2:2 Iomraidhean Croise

Saumu 10:6

Ynara osenetupuhnõko mokyro mana: Orẽpyra exikehpyra ase; jũme etuarimara exĩko ase.

Saumu 97:2

Mokyro zomye akurũ tõ mana, ikohmamyry xinukutume roropa. Tuisamehxo mana ajohpe pyra exiketyme ipunaka, zae rokẽ exiketyme roropa mana.

Exutu 10:14

Sapararahme toytose toto Ejitu poro porehme, taparara tuhke. Moro panono exipitopyra kynexine moino ro. Mokaro panõ exipyra ropa exiry jumãme.

Exutu 10:6

Atapyĩkõ pehkãko mã toto, otuisary tõ tapyĩ tao roropa, ahno tapyĩ tao roropa. Sero oryhmatoh panõ onenepitopyra omykomo, atamuru tõ roropa moino ro.” Morara tykase Moeze. Mame tutũtase ynororo tuisa tapyĩ tae.

Exutu 20:21

Yrome ameke rokẽ imoihmãkõ kynexine xikihme. Moeze rokẽ toytose akurũ xinukutumã pũtokoxi, Ritonõpo pũtokoxi.

Izaja 5:30

Mame moro ẽmepyry toehse ahtao mokaro soutatu tõ oehnõko mã toto tuna konõto panaikato samo Izyraeu tõ poremãkatohme. Mame Izyraeu tõ nonory pũtokoxi osenuhmaryhtao xinukutumã rokẽ enẽko, emynyhmatoh roropa te, akurũ xinukutumãkõ saerehkatoh zonẽnõko mana.

Izaja 8:22

nono pokoxi osenuhmãko roropa mã toto. Etuarimatoh rokẽ enẽko mã toto, kohmamyry te, sam katopo. Moro erehtoh konõto, xinukutume ehtoh taka taroposẽme exĩko mã toto. Epasaromepyra exĩko mã toto, moro etuarimatoh tao.

Jeremia 13:16

Oorypyrykõ ekarotoko Ritonõpo Oesẽkomo a, onykohmãnohpopyra ynororo ahtao ro, tykohmãse ahtao osetapãko matose ypy tõ pona. Ẽmepyry saereme ehtoh eraximãko matose repe, yrome xinukutume moro tyripõko mana koko samo, saereme pyra tyripõko mana ipunaka.

Jeremia 13:6

Moromeĩpo okynahxo tonyohse ropa ywy Ritonõpo a nakuataka ropa juponỹpyry apoise ropa, aomi poe ynonemyhpyry.

Ramẽtasão 1:12

Ikuroko ytoketomo a Jerusarẽ põkõ ynara ãko: “Kuenetoko ke! Imehnõ etuarimapitopyra nexiase jetuarimary saaro. Zehno toehse toehtoh po tuãnohse ywy Ritonõpo a sero samo.

Ezekieu 32:7

Oenahkaryhtao ya kapu apurũko ase, xirikuato tõ ezehkãko ase. Xixi osenepyra tyripõko ase akurũ mykae, nuno roropa saerehkara exĩko mana.

Ezekieu 34:12

Toky tõ enehse ytõko kaneru ewomananõ mana sapararahme aexityamo, moro sã jeky tõ enehnõko ropa ase emero rokẽ poe, morohne pona sapararahme taropose toto moro ẽmepyry xinukutumã po, iporemãkatopõpyry po, enara.

Ezekieu 38:9

Mame, tysoutatu tõ maro, imehnõ nonory põkõ imaro exiketõ tuhke osetapãko mã toto konopo konõto samo tyryrykane jamihmã maro, nono putoãko mana oxiõtõko mã toto akurũ samo.

Tanieu 12:1

Mokyro Ritonõpo nenyokyhpyry oturũko ro nexiase, ynara tykase ynororo: — Morara ahtao, Ritonõpo nenyokyhpyry Mikeu owõnõko mana, Ritonõpo poetory tõ ewomaneme exikety. Etuarimãko mã toto yronymyryme, moro etuarimatoh panõ exipitopyra mana, ahno exipitory poe. Yrome morara ahtao ro typynanohsẽme exĩko mã toto emero esetykõ tymerose Ritonõpo papẽ pokona.

Tanieu 9:12

Õmihpyry ae ro yna wãnopyry poko, morara tyrise oya. Yna te, yna tuisary tõ maro tuãnohse oya yronymyryme. Moro sã exipitopyra pata tõ po sero nono po, Jerusarẽ wãnohtopõpyry sã oya.

Joeu 1:6

Taparara tõ tooehse toto, tuisa konõto soutatu tõ samo, tuhkehxo, orẽpyrahxo tooehse mã toto ynonory pona. Jery reão zery sã nexiase, taere mana reão zery samo.

Joeu 2:25

Taparara tõ enahkatopõpyry emetakamãko ase, akurũ konõto sã taparara tõ enehpoase, soutatu tõ tuhke exiry samo, anarykatyãkõ enahkatohme.

Joeu 2:31

Xixi kohmãnõko mana, nuno kamirarame exĩko munu samo, Ritonõpo ẽmepyry oehpyra ro ahtao, imehxo ehtopo te, oserehtoh konõto exĩko.”

Joeu 2:5

Pyhsekyhsekyh ãko mã toto ypy tõ emory po, panaikato mã toto kahu tõ ao osetapaketõ samo, apoto po amoriry tõ tonore exiketõ sã roropa. Soutatu tõ ikuhpỹme exiketõ sã mã toto, atakenaka, etonatohme.

Joeu 3:4

— Oty se hmatou ya, Tiro põkomo, Xitõ põkõ roropa, Pirixitea põkõ roropa? Jepehmary kuhnõko matou ynyrihpyry poko oya xihne? Popyra ehtoh riryhtao oya xine ynyrihpyry emetakame, axĩ onyrihpyrykõ emetakamãko ase roropa!

Amoxi 4:13

Ritonõpo mokyro ypy tõ Rihpono, tyryrykane Rihpono roropa. Tõsenetupuhtoh tonõ enepõko mana ahno tomo a; Saerehkatoh rĩko mana ikohmamyryme. Ytoytõko mana ypy tõ poro. Mokyro Esety: Kuesẽkõ Ritonõpo, Jamihmehxo Exikety.

Sowonia 1:7

Moro ẽmepyry oehnõko mana, typoetory tõ apiakatopo Ritonõpo Kuesẽkomo a, toto wãnohtohme. Naeroro mynyhme ehtoko ẽpataka! Typoetory tõ zahkãko sã mana apoto apõ po tynekaroryme samo. Epetõkara toahmase eya takorehmatohme moro riry poko.

Zakaria 14:6

Moro ẽmepyry meĩpo kuenime exipyra exĩko mana, newe pyra roropa exĩko mana.

Mateu 24:21

Ynara exiryke etuarimãko matose itamurume. Moro oetuarimatohkõ panõ onenepitopyra sero põkõ mana sero nono ritopõpyry poe ro. Moro oetuarimatohkõ panõ onenezomopyra roropa exĩko sero põkõ mana.

Maku 13:19

Morara toehse ahtao tõsẽ penery rohnõko mã toto, tyrohsẽ zetunuru rohnõko roropa mã toto. Moro panõ onenepitopyra sytatose, moino ro nono ritopõpyry poe Ritonõpo a. Moromeĩpo moro panõ onenezomopyra sytatose exĩko.

Teuteronomiu 32:7

Osenetupuhtoko pake ehtopõpyry poko, tuhke jeimamyry pake ahtao. Omykomo a ekaropotoko: “Otara toehse pake ahtao?” Ekaropotoko tamuhpomãkomo a pake ehtopõpyry poko.

Epereu 12:18

Izyraeu tõ ehtopõpyry sã pyra tooehse matose Ritonõpo a. Toeporehkase mokaro taposẽ pona, ypy Xinai pona. Moro ypy po apoto tororo ãko kynexine. Orexĩto ke xinukutume toehse, ikohmamyhpyry samo, tyryry tykase konõto, enara.

Juta 1:13

Pohkane konõto sã roropa mã toto tuna konõto kuaõ samo. Ãtaryka arõko pohkane, isawã xikuromãkomo. Moro sã mokaro rypyry osenẽko. Xirikuato ytoytoketyme toehse ahtao, moro sã mã mokaro exĩko. Toto esary menekãko Ritonõpo mana, mya xinukutumao, jũme toto ehtohme moero.

Apokaripxi 9:2

Mame eya joroko tõ eutary totapuruhmakase, eutary konõto. Orexĩto tutũtase itamurume apoto konõto erexĩtory samo. Mame xixi tyarumãse. Kapu roropa xinukutume toehse joroko tõ eutary erexĩtory pokoino.