Joeu 2:18 - Ritonõpo Omiry: A Bíblia Sagrada na língua Aparai do Brasil

¹⁸ Mame tynonory pyno toexiry tonepose Ritonõpo a, typoetory tõ pyno tonepose roropa mana.

Joeu 2:18 Iomraidhean Croise

2 Tuisa 19:31

Jerusarẽ po ahno tuhke exĩko ropa toh mana, ypy Xião po roropa. Morara se Ritonõpo exiryke tyripõko mã ynororo.

Saumu 103:13

Poetohti tõ zũ typoenõ pyno ehtoh sã kypyno xine Kuesẽkõ mana, aomipona se exiketomo.

Saumu 103:17

Yrome kypyno xine Ritonõpo Kuesẽkõ ehtoh jũme mana, tosẽkõme enetupuhnanomo a, kure toehtoh enepõko mana kypoenõkõ poenomo a,

Izaja 37:32

Jerusarẽ po ahno tõ exĩko mana, ypy Xião po roropa. Morara se Ritonõpo Jamihmehxo Exikety exiryke tyripõko mã ynororo.

Izaja 42:13

Ritonõpo ytõko mana etonakety samo, emero tyrikehse eya etonatoh taka toytotohme. Kohtãko mana toetonatohme, topetõkara poremãkapõko mana tyjamitunuru ke.

Izaja 60:10

Ynara ãko Ritonõpo Jerusarẽ põkomo a: “Imehnõ nonory põkõ apatary apuru rĩko ropa mã toto, ituisary tõ erohnõko mã toto opoetorykõme. Ozehno xine jehtopõpyryke kuãnopyatose, yrome opyno xine ase, awãnohpyra ropa exĩko ase.

Izaja 63:15

Ritonõpo, yna eneko kapu poe, oesary kurã poe. Otoko hnae ajamitunuru, yna pyno oehtoh roropa? Yna pyno exikehpyra exiko, yna onurumekara exiko,

Izaja 63:9

toto etuarimatoh wino. Eya nymyry typynanohse toto, inenyokyhpyry kara, imepỹ urutõ a pyra roropa. Toto pyno toexiryke toto wãnopyry se pyra toexiryke roropa typynanohse toto eya; kokoro rokẽ tanỹse toto eya, tonao tanỹse roropa toto eya, jeimamyry punero.

Jeremia 31:20

“Izyraeu tomo, amarokõ matose umũkurume nupunato, opyno xinehxo ase ipunaka. Oesehtoryhtao ya opoko osenetupuhnõko ase, opyno jexiryke. Ukurohtao oeahmary se ase, awãnohpyra exĩko ase rahkene. Ywy Ritonõpo oturuno.

Ramẽtasão 3:22

Kypyno xine Ritonõpo ehtoh enahpỹme mana. Kure aexiry jũme enahpỹme roropa mana.

Zakaria 1:14

Mame mokyro Ritonõpo nenyokyhpyry, ymaro oturukety ynara tykase ya: — Ynara kaxiko opore emero rokẽ netaryme: Sero omi Ritonõpo Jamihmehxo Exikety omiryme mana: “Pata Jerusarẽ pyno ase yronymyryme, ypatary kurãme mana.

Zakaria 8:2

— Jerusarẽ põkõ pyno ase ipunaka, toto pyno jexiryke epetõkara zehno ase.

Ruka 15:20

Morotoino toytose ropa ynororo tumy a ropa. — Mame amekeino tumũkuru tonese jũ a ahtao, nupunato tonese tumũkuru. Tururume toytose ynororo tumũkuru eahmase.

Teuteronomiu 32:16

Imehnõ neponãmarykõ ke Ritonõpo tyhtomapose eya xine. Tynyrityã xihpyry eahmaryke eya xine tohne Ritonõpo tyripose eya xine.

Teuteronomiu 32:36

Typoetory tõ pynanohnõko Ritonõpo mana, tyjamihkehse toto ehtoh eneryhtao eya. Typoetory tõ pyno exĩko mana typoremãkase toto exiryke.

Teuteronomiu 32:43

Atãkyematoko imeimehnõ nono põkomo, Ritonõpo poetory tõ maro! Imỹpõko Ritonõpo mana, typoetory tõ etapahpõkõ wãnohnõko mana. Imỹpõko mana, topetõkara wãnohnõko mana. Yrome typoetory tõ rypyry korokãko mana.

Tiaku 5:11

Tãkye rokẽ toh mana seromaroro, zae rokẽ Ritonõpo omipona toehse toexirykõke orihpyra ro tahtao xine. Toetuarimase toto itamurume Ritonõpo omipona toexirykõke. Yrome onurumekara toto. Morararo toehse Jo. Toetuarimaryhtao penekehpyra toehse ynororo, Ritonõpo a kure tyripory ropa eraximary poko. Imeĩpo kure Jo tyrise ropa Ritonõpo a tõseanahtose itamurume exiryke. Morara exiryke soseanahtotone ropa. Kypyno xine ipunaka Ritonõpo mana. Kuãnopyrykõ se pyra roropa mana.

Juize 10:16

Mame tyneponãmarykõ typahse eya xine. Moromeĩpo Ritonõpo toahmase eya xine Tosẽkõme. Morara exiryke toto pyno toehse ropa ynororo toto etuarimary eneryke tyya.