Joeu 2:17 - Ritonõpo Omiry: A Bíblia Sagrada na língua Aparai do Brasil

¹⁷ Amarokõ roropa, oturuketomo Ritonõpo Tapyĩ zara po erohketomo, oxitatoko, ynara kahtoko Ritonõpo a: “Opoetory tõ onuãnohpyra exiko, Ritonõpo! Yna onyporemãkapopyra exiko imehnõ ahno neneryme, yna oneunohpyra imehnõ nonory põkõ ehtohme, ynara kara toto ehtohme: ‘Otoko hnae mokyro, Ritonõpo Oesẽkomo?’ ”

Joeu 2:17 Iomraidhean Croise

1 Tuisa 6:3

Moro Tapyi omõtoh esary mosa exiry 4 meturume zokonaka kynexine, ipuroroje 9 meturume kynexine oxisã Tapyi ipuroroje ehtoh maro.

1 Tuisa 9:7

ypoetory tõ Izyraeu tõ syryhmapõko ropa ase toto esary poe, eya xine ynekarohpyry poe. Sero Tapyi rumekãko ropa ase, osa kurã ynymenekahpyry jũme jeahmatohme. Mame Izyraeu tõ eunohnõko imehnõ mana, imeimehnõ pata tõ po.

2 Koronika 7:20

ypoetory tõ Izyraeu tõ oũko ropa ase toto esary poe, ynekarohpyry eya xine. Sero Tapyi rumekãko roropa ase: “Osa kurã sero, jũme jeahmatohme,” karyhtao ro ya. Mame sero Tapyi eunohnõko imehnõ ahno tõ mana, imeimehnõ nonory põkomo.

2 Koronika 8:12

Tynekarory tõ tyahkapose Saromão a okyno zahkatoh po tynyrihpyry po Ritonõpo Tapyĩ myhto.

Neemia 9:36

Seromaroro imehnõ namotome ynanase, sero nono onekarohpyry po, nono kurã, tỹkyryry zamaro exikety, ipoe otuhnõko ynanase.

Saumu 115:2

Oty katohme imehnõ nonory põkõ ynara ekaropõko yna a: “Otoko hnae Ritonõpo Oesẽkomo?”

Saumu 42:10

Yzehpyry jetunu, yyryhmatopo yzehnotokomo a. Onekaropokehpyra mã toto: “Otoko hnae Ritonõpo, oesemy?” ãko mã toto ya.

Saumu 42:11

Oty katohme emynyhmãko ha yronymyryme? Oty katoh torekohmase ywy? Ritonõpo nyriry kurã eraximãko ase, okynã pixo eahmãko ropa ase, Ypynanohneme mana Ritonõpo Jesemy.

Saumu 42:3

Saereme ahtao yxitary poko kohmãnõko ase, koko ahtao moro poko ẽmehnõko ase, yxitary rokẽ ynapyryme mana. Jepetõkara ynara ekaropõko: Otoko hnae Ritonõpo Oesemy? kakehpyra mã toto.

Saumu 42:4

Ukurohtao sam ãko ase josenetuputyryhtao pake ehtopõpyry poko, toytose jahtao imoihmãkõ maro Ritonõpo maro oturutoh taka. Esemazupurume ytoase imaro xine, oximõme atãkyemãko, eremiãko kohtãko Ritonõpo eahmãko.

Saumu 74:10

Ritonõpo oty po ahtao yna eunohkehnõko yna epetõkara nae? Jũme oeunohkehpyra toh exĩko nae?

Saumu 79:10

Otyme kure imehnõ nonory põkõ ynara ekaropory opoko: “Otoko hnae Oesẽkomo?” Ritonõpo, ajohpame sã mokaro wãnopyry enery se ynanase opoetory tõ etapahpõkomo.

Saumu 79:4

Imehnõ nonory põkõ, ynakatonomory, yna poihtõko, exianãko mã toto, yna eunohnõko mã toto.

Saumu 89:41

Ytoytoketõ ikuroko ematonanohnõko mã toto, imõkomory enahkãko mã toto, katonõ eunohnõko mã toto.

Saumu 89:51

Ritonõpo, tuisame onymenekahpyry kerekeremãko oepetõkara! Emero rokẽ pona aytoryhtao eunohnõko mã toto.

Exutu 34:9

Ynara tykase ynororo: — Ritonõpo, ajohpe pyra azamaro jahtao, ajohpãme sã yna maro ytoko. Moxiã mã putupyra exiketõme mã toto. Yrome yna rypyry ikorokako, popyra yna ehtopo. Opoetoryme yna tyriko rahkene.

Izaja 22:12

Oesẽkomo, Ritonõpo Jamihmehxo Exikety okohmatorỹko nexiase oxitatohkõme, ihnamotohme, oũsetykõ sahkatohme, upo amurutohme kamisa risẽ topuxiximano, tãkye pyra oehtohkõ enetupuhpotohme.

Izaja 37:20

Seromaroro yna Esẽme mase, Ritonõpo. Naeroro yna ipynanohko yna onyporemãkapopyra Axiria põkõ ehtohme. Mame imehnõ pata põkõ emero awaro exĩko mã toto. Omoro rokẽ Ritonõpome mase yna Esẽme, tykase, tõturuse Ezekia Ritonõpo a.

Ezekieu 20:9

Yrome toto onenahkara tokurehse ywy juaro exiketõ pokoino, ajohpe jekaroryino, jomiry totapose ya exiryke eya xine imehnõ netaryme: ywy Izyraeu tõ oũko ase Ejitu nonory poe.

Ezekieu 8:16

Imeĩpo jaroase imepỹ zara pona, Tytapyĩ taka. Moroto, Tapyi omõtoh pũto, irãnao apoto apõ nexiase osema tao orutua kõ enease 25mãkomo. Ĩpary tõ Ritonõpo Tapyĩ wino nexiase, xixi tũtatoh enẽko toh nexiase; tosekumurukõ po nexiase toto nono po, xixi tũtary eahmary samo.

Ozeja 14:2

Osehtoko ropa Ritonõpo a, ynara kahtoko eya: “Yna rypyry ikorokako, yna otururu oya etako! Oeahmary yna a ekarõko ynanase oya ynanekaroryme.

Joeu 1:13

Oturuketomo, apoto apõ poko erohketõme matose, upo amurutoko kamisa topuxiximã risemy, oxitatohkõme. Ritonõpo poetory tomo, omõtoko Itapyĩ taka, oxitarykõ poko oẽmehtoko, Ritonõpo Tapyĩ tao ahno nekarotyã pyra toehse exiryke tiriiku tõkehko pyra, eukuru pyra roropa.

Joeu 1:9

Oturuketõ Ritonõpo poetory tõ xitãko mã toto Ritonõpo Tapyĩ tao ahno nekarotyã tonahse exiryke, tonahsẽ pyra eukuru pyra toehse roropa, enara.

Amoxi 7:2

Mame otyro emero tonahkase ahtao taparara tomo a ynara tykase ywy: — Ritonõpo Imehxo Exikety, ajohpãme sã yna rypyry ikorokako. Opoetory tõ jamihme pyra mana; apotũkehnõko ynanase.

Amoxi 7:5

Mame ynara ase Ritonõpo Jesemy a: — Epo hnae, Ritonõpo! Moro onyripyra exiko! Opoetory tõ jamihme pyra mã toto, otãto eanahtõko toh nae?

Mikeja 7:10

Moro eneryhtao kuepetõkara a, ehxirõko mã toto, ynara tykase toto exiryke: “Otoko hnae Ritonõpo Oesẽkomo?” Seromaroro toto poremãkatoh enẽko sytatose, tytũtũmase toto ahtao ikurepato samo osema tao.

Marakia 1:9

Oturuketomo, seromaroro oturutoko Ritonõpo a kure kyritohkõme. Õmirykõ etãko nae, onekarorykõ xihpyry ekaroryhtao oya xine eya?

Numeru 25:6

Imoihmãkõ maro Moeze xitãko nexiase Ritonõpo Tapyĩ omõtoh ẽpataka. Mame nohpo mitianita tonehse Izyraeume exikety a tytapyĩ taka Moeze tõ neneryme.

Mateu 23:35

Morara exiryke awãnohtorỹko Ritonõpo mana kurãkõ etapatamitume oya xine, emero porehme, Apeu etapatopõpyry poe Zakaria etapatopõpyry pona. Mokyro Parakia mũkuru kynexine. Mokyro totapase oya xine Ritonõpo Tapyĩ myhto, onekarorykõ zahkatoh apõ wino.

Mateu 27:43

Tosẽme Ritonõpo tonetupuhse eya. Ritonõpo mũkurume tõsekarose roropa ynororo. Naeroro seraximatone. Otarãme Ritonõpo ipynanopyry se exĩko mana, nary rokene, tykase toto.

Teuteronomiu 28:37

Morotona tarose awahtao xine, moro nono põkõ oserehnõko mã toto zuaro toehse toto ahtao Ritonõpo nyrihpyry poko oya xine. Okerekerematorỹko mã toto oeunohtorỹko roropa mã toto.

Teuteronomiu 32:27

yrome toto eunopyry se pyra exiase epetõkara a, ynara kary etary se pyra exiase ajohpe: ‘Ritonõpo poetory tõ typoremãkase kyya xine, Ritonõpo a pyra tonahkase toto.’ ”

Jozue 7:9

Sero poko mã kananeu tõ tuaro exĩko, emero sero nonory põkõ maro. Yna zomyehmãko mã toto yna etapatohme. Moro sã toehse ahtao otara ãko mah oesety imehxo ritohme yna a, okerekeremara imehnõ ehtohme?