Joeu 2:11 - Ritonõpo Omiry: A Bíblia Sagrada na língua Aparai do Brasil

¹¹ Konomeru sã soutatu tõ tyripõko Ritonõpo mana; ipoetory tõ osetapaketõ ikuhpỹme mã toto, orẽpyra aomiry omipona exiketõ mana. Ritonõpo ẽmepyry enaroximatoh imehxo mana, orekohmato konõto. Onoky moro eanahtõko nae?

Joeu 2:11 Iomraidhean Croise

Saumu 18:14

Pyrou tokomase eya, sapararahme topetõkara taropose toto eya; nenenehkane ke tonepanohpose toto.

Saumu 46:6

Imehnõ nonory põkõ oserehnõko mã toto, mokaro kowenu tõ tyjamihkehkasẽme mã toto. Oturũko mã Ritonõpo konomeru samo, tuname sero nono exĩko mana.

Saumu 68:18

Tõnuhse ynororo kakoxi, tynamoto tõ tuhkãkõ tarose tymaro; ahno nekarotyã tapoise eya, aomiry onymoipyra exiketõ nekarotyã roropa tapoise eya. Moroto Ritonõpo Kuesẽkõ ehse exĩko mana.

Izaja 13:4

Panaikato osetãko, ahno imoihme ypy tõ po! Soutatu tõ imoihmãkõ oximõnõko mã toto! Soutatu tõ imehnõ nonory poe tuhke, oximõnõko mã toto tõsetapatohkõme; Ritonõpo jamihme Exikety toto enehnõko mana oximõme, aetonatohkõme.

Izaja 42:13

Ritonõpo ytõko mana etonakety samo, emero tyrikehse eya etonatoh taka toytotohme. Kohtãko mana toetonatohme, topetõkara poremãkapõko mana tyjamitunuru ke.

Izaja 7:18

Moro ẽmepyry toehse ahtao Ritonõpo Kuesẽkõ etakinãko sã mana Ejitu tõ soutatu tõ oehtohme, moromoro samo, moino osa tõ tuna Niro poe. Etakinãko roropa mana axirio tõ, ano zũ tõ samo, oehtohme tynonorykõ poe.

Jeremia 25:30

— Omoro, Jeremia, jomiry emero ekaroko eya xine, ynara kaxiko eya xine: “Konomeru rĩko Ritonõpo mana moroto kapu ao oturũko mana osa kurã poe, tosary poe. Konomeru rĩko mana typoetory tõ pona, kohtãko mana mokaro uwa epery amuhnanõ samo, uwa eukuru riryhtao. Mokyro etãko mã toto sero nono põkõ emero.

Jeremia 30:7

Moro ẽmepyry, popyrahxo ehtoh oehnõko mana! Imepỹ ẽmepyry moro ẽmepyry sã pyra mana ipunaka. Jako pakomotyã etuarimãko yronymyryme, yrome typynanohsẽme exĩko mã toto moro poe.”

Jeremia 50:34

Yrome mokaro pynanohne jamihme mana; esety mã Ritonõpo Jamihmehxo Exikety. Mokaro ewomãko mana. Osetapara moro nono põkõ tyripõko mana. Yrome Papironia põkõ orẽnõko mã toto, otupĩko mã toto.

Ezekieu 22:14

Osenetupuhtoko: orẽpyra osekarõko ro matou, oemarykõ anỹnõko ro matou tõtyhkase jahtao awãnopyry poko? Ywy, Ritonõpo, oturuno. Jomihpyry ae tyrĩko ase.

Joeu 1:15

Moro ẽmepyry oehnõko, myhẽ mana! Kuesẽkõ ẽmepyryme exĩko. Sero enahkapõko Kuesẽkõ Jamihmehxo Exikety mana. Oserehtoh konõto exĩko moro ẽmepyry ae mana!

Joeu 1:6

Taparara tõ tooehse toto, tuisa konõto soutatu tõ samo, tuhkehxo, orẽpyrahxo tooehse mã toto ynonory pona. Jery reão zery sã nexiase, taere mana reão zery samo.

Joeu 2:1

Rue tõ etotoko ypy Xião po, toto tuarõmatoh etotoko ypy kurã po! Tykytyky kahtoko enaromỹke oehtohkõke Juta tomo! Ritonõpo ẽmepyry oehnõko oya xine exiryke.

Joeu 2:2

Moro ẽmepyry ikohmamyry sã exĩko mana, koko ehtoh samo, akurũ xinukutumã sã exĩko mana tapure exikety samo. Taparara tõ oehnõko mã toto soutatu tõ ikuhpỹme samo jamihme roropa, akurũ xinukutumã sã ypy tõ po. Sero panõ exipitopyra nexiase moino ro, taroino exipyra ropa exĩko roropa mana.

Joeu 2:25

Taparara tõ enahkatopõpyry emetakamãko ase, akurũ konõto sã taparara tõ enehpoase, soutatu tõ tuhke exiry samo, anarykatyãkõ enahkatohme.

Joeu 2:31

Xixi kohmãnõko mana, nuno kamirarame exĩko munu samo, Ritonõpo ẽmepyry oehpyra ro ahtao, imehxo ehtopo te, oserehtoh konõto exĩko.”

Joeu 3:14

Tuhkãkõ maro tuhkãkõ moroto mã toto Jakanahmã Atapiakatoh po. Morotona Ritonõpo ẽmepyry oehsasaka mana.

Joeu 3:16

Ypy Xião poe opore Ritonõpo oturũko mana, aomiry konomeru sã mana Jerusarẽ poe; nono tykytyky ãko, kapu roropa! Yrome typoetory Izyraeu tõ ewomãko mana.

Amoxi 1:2

Ynara tykase Amoxi: “Ypy Xião poe, Jerusarẽ po, opore oturũko Ritonõpo mana, aomiry konomeru sã mana. Onahpoty orihnõko mana, tonore toehse ypy Karameru po porehme.”

Amoxi 5:18

Ritonõpo ẽmehtoh poko penetãko matose, myhene! Otyme kure exĩko moro ẽmepyry oya xine nahe? Ẽmepyry tykohmãse sã exĩko mana saereme pyra.

Amoxi 5:20

Moro ẽmehtoh Ritonõpo ẽmepyry saereme pyra exĩko mana, ikohmamyry sã exĩko, koko ehtoh sã ipunaka.

Opatia 1:15

Ritonõpo Kuesẽkõ ynara tykase: “Ẽmepyry oehnõko mana, imehnõ nonory põkõ emero wãnohnõko ase. Amarokõ, etomita tõ, tuãnohsẽme exĩko matose onyrihpyrykõ emetakame; onyrihpyrykõ imehnomo a tyrisẽme exĩko oya xine mana.

Naum 1:6

Zehno Ritonõpo ahtao xikihme ẽpataka ehsaromepyra mã toto, isene ro ehsaromepyra sytatose emero. Zehno aexiry kuãnõko mana iporiry sã apotoimo, ẽpataka topu tõ ehmõko rokene.

Marakia 3:2

Yrome onoky oseanahtõko nahe moro ẽmepyry toehse ahtao mokyro oepyryhtao? Onoky orẽpyra exĩko nae tooehse mokyro ahtao? Apoto sã exĩko mana uuru kurãkatoh samo, kymarokõ kurãkatohme. Sahpau sã exĩko roropa mana kukurikatohkõme.

Numeru 24:23

Ynara tykase roropa Paraão: “Onokãkõ mokaro ahno oximõnõko inikahpozakoxi?

1 Tesaronika 4:16

Ritonõpo nenyokyhpyry imehxo exikety omitãko mã opore. Ritonõpo rue etõko mana. Mame Kuesẽkõ yhtõko kapu ae. Aorihtyã emero Kyrixtu enetupuhnanõ ẽsemãnõko ropa toh mana.

Apokaripxi 18:8

Morara exiryke mokyro wãnohtoh oehnõko mana toiro ẽmepyry ae. Tyrohsẽ oehnõko mana, etuarimatopo. Emitapãnõko roropa mana. Tyahkasẽme exĩko mana, tuãnohsẽme exĩko, orẽpyra Ritonõpo exiryke, nase ynororo.

Apokaripxi 6:17

Yna zehno toto ehtoh toehse exiryke poremãnõko rokẽ ynanase, ãko toh kynexine.