Joeu 1:13 - Ritonõpo Omiry: A Bíblia Sagrada na língua Aparai do Brasil

¹³ Oturuketomo, apoto apõ poko erohketõme matose, upo amurutoko kamisa topuxiximã risemy, oxitatohkõme. Ritonõpo poetory tomo, omõtoko Itapyĩ taka, oxitarykõ poko oẽmehtoko, Ritonõpo Tapyĩ tao ahno nekarotyã pyra toehse exiryke tiriiku tõkehko pyra, eukuru pyra roropa.

Joeu 1:13 Iomraidhean Croise

2 Samueu 12:16

Tõturuse Tawi Ritonõpo a ikurãkapotohme ropa repe. Otuhpyra nexiase tõturutohme Ritonõpo a. Tytapyĩ taka tomõse ynororo, imihme nono po tõmehse ynororo tõpatapoe.

1 Tuisa 21:27

Mame tõturukehse Eria ahtao, tupõ tyxihkase Akape a. Tupõ touse roropa eya, kamisa topuxiximã risẽ tamuruse “Iirypyryme ase” katohme. Otuhpyra toehse ynororo. Saku risẽ po rokẽ tynyhse roropa ynororo. Toytoytose toemynyhmaryme, tãkye pyra ipunaka.

Izaja 22:12

Oesẽkomo, Ritonõpo Jamihmehxo Exikety okohmatorỹko nexiase oxitatohkõme, ihnamotohme, oũsetykõ sahkatohme, upo amurutohme kamisa risẽ topuxiximano, tãkye pyra oehtohkõ enetupuhpotohme.

Izaja 61:6

Mame Ritonõpo maro oturuketõme oesehtotorỹko imehnõ mana, Kuesẽkõ poetoryme roropa. Mame imehnõ nonory põkõ mõkomohpyry omõkomorykõme exĩko mana, atãkyemãko matose epyrypãko mõkomo itamurume esẽme oexirykõ poko.

Jeremia 4:8

Naeroro upo amurutoko kamisa topuxiximã risẽ ke tãkye pyra oehtohkõ enetupuhpotohme. Oxitatoko, ihnamotoko awãnohtohkõ poko, kyzehno xine Ritonõpo ehtoh exikehpyra exiryke taro Juta nonory po.

Jeremia 9:10

Ywy Jeremia, ynara ase: “Xitãko ase ypy tõ pokoino, onahpoty pokoino roropa, toorihse exiryke, ytoketõ moro ae ytopyra mã toto. Pui tõ omiry osetara mana moroto; torõ tõ roropa, onokyro tõ toepase, mya toytose mã toto.”

Ezekieu 21:12

Kui kaxiko opore, orihketyme oexiryke; pusuh kaxiko oemynyhmaryme, sero tapema ypoetory tõ etapatohme mana, Izyraeu tõ tuisary tõ maro emero porehme. Orihnõko mã toto ypoetory tõ akoĩpyã maro. Opuropuru etaetapako oemary ke Izyraeu tõ hnamory oya enetupuhpotohme.

Ezekieu 27:31

Opokoino tũsetykõ sahkãko mã toto, upo amurũko mã toto kamisa topuxiximã risemy, xitãko mã toto yronymyryme, sam ãko mã toto.

Ezekieu 7:18

Upo amurũko mã toto topuxiximã kamisa risemy toemynyhmaryme, enaromỹke tykytyky ãko mã toto pyrou zoko exipỹ samo. Zũsetykõ isahkahpyry sã exĩko mana, ehxirõko roropa mã toto emero porehme.

Ozeja 9:5

Morarame oseahmatoh konõto toehse ahtao Ritonõpo eahmatohme otara tyrĩko toh nae?

Joeu 2:12

“Naeroro seromaroro,” ãko Ritonõpo Kuesẽkõ mana, “eramatoko ropa ya yronymyryme, otuhpyra roropa ehtoko õtururukohtao ya te, oxitatoko te, emynyhmatoko.

Joeu 2:14

Otarame Ritonõpo Kuesẽkõ tõsenetupuhtoh myakamãko mana kure rokẽ typoetory tõ ritohme ropa; tykyrysã itamurume ahtanohpõko ropa mana. Mame tonahsẽ ekarõko ropa matose eukuru maro onekarorykõme Ritonõpo a.

Joeu 2:17

Amarokõ roropa, oturuketomo Ritonõpo Tapyĩ zara po erohketomo, oxitatoko, ynara kahtoko Ritonõpo a: “Opoetory tõ onuãnohpyra exiko, Ritonõpo! Yna onyporemãkapopyra exiko imehnõ ahno neneryme, yna oneunohpyra imehnõ nonory põkõ ehtohme, ynara kara toto ehtohme: ‘Otoko hnae mokyro, Ritonõpo Oesẽkomo?’ ”

Numeru 28:14

Uwa eukuru jehnahpyry onekarorykõme ya ynara mana: toiro pui mũkuru maro asakoro riturume uwa eukuru jehnahpyry enehnõko matose, kaneru orutua maro 1½ riturume uwa eukuru jehnahpyry enehnõko matose, kaneru mũkuru maro toiro riturume uwa eukuru jehnahpyry enehnõko matose. Morohne enehnõko matose onekarorykõ zahkatohme tytororo ẽmepyry apitorymã po emero nuno po emero jeimamyry ae.

Numeru 28:4

Toiro mokyro tyahkasẽme exĩko pakeimo te, zakorõ tyahkasẽme exĩko kokonie pukuro.

Numeru 28:7

Kaneru mũkuru maro uwa eukuru jehnahpyry, toiro riturume ekarõko matose. Moro eukuru ikuãnõko matose Osa Kurã pona onekarorykõme Ritonõpo a.

Numeru 29:6

Morohne enehtoko, onekarorykõ maro jahkatohme tytororo ẽmepyry apitorymã po nuno po, onekarorykõ tiriiku tõkehko maro, onekarorykõ maro roropa jahkatohme kokoro rokene tiriiku tõkehko maro, uwa eukuru jehnahpyry maro. Morohne tonahsẽ zahkaryhtao onekarorykõme typoxine mana Ritonõpo a.

1 Korĩtiu 4:1

Kyrixtu akorehmananõ pyno ehtoh sã yna pyno ehtoko, Ritonõpo omiry ekaronanõme yna exiryke. Tokare pyra Ritonõpo osenetupuhtopõpyry kynexine aporo. Yrome seromaroro tõsenetupuhtopõpyry tokarose yna a zuaro yna ehtohme, ekarotohme ropa imehnomo a.

1 Korĩtiu 9:13

Etatoko pahne, Ritonõpo maro oturutoh poko erohketõ tynapyrykõ apoĩko mã toto Ritonõpo tapyĩ taka ytoketõ wino. Tynekarorykõ etapananõ tohkõ apoĩko mã toto imehnõ nekarotyamo.

2 Korĩtiu 11:23

“Kyrixtu poetoryme erohnõko ynanase,” ãko mã toto epyrypãko. Mokaro motye kuhse ywy, Kyrixtu poetoryme erohnõko ase. Rowohpã sã oturũko ase kure jehtoh poko. Yrome oty kara. Mokaro motye Ritonõpo poe erohnõko ase. Mokaro motye tomõse ywy ãpuruhpyry taka. Mokaro motye typitypipohse ywy. Mokaro motye orikyĩse exiase.

2 Korĩtiu 3:6

Ritonõpo rokẽ yna jamihtanohnõko mana, tõmiry kasenato omipona yna ehtohme. Inekarohpyry kasenato Moeze nymerohpyry omipona ehtoh sã pyra mana. Tuzenu omipona rokẽ yna rĩko mana. Moeze nymerohpyry omipona se kuahtao xine ro orihnõko ro sytatose aomipona nymyry pyra kuexirykõke. Yrome Ritonõpo Zuzenu kuesẽkõme ahtao imaro orihpỹme exĩko sytatose jũme.

2 Korĩtiu 6:4

Yna tuarimaryhtao eanahtõko ynanase Ritonõpo poetoryme yna ehtoh enetupuhpotohme imehnomo a. Tyyryhmase yna ahtao, tutuarimase yna ahtao, tupime yna erohtoh toehse ahtao roropa, penekehpyra ynanase.

Apokaripxi 11:3

Mame jomiry ekaronanõ aropõko ase, ypoetory asakoro. Upo topuxiximã risẽ amurũko mã toto: “Emynyhmãko ynanase oorypyrykõ poko,” katohme imehnomo a. Mame Ritonõpo nekarohpyry poko imehnõ zurũko mã toto tuhke ẽmepyry, 1.260me ẽmepyry pona, tykase.