João 1:41 - Ritonõpo Omiry: A Bíblia Sagrada na língua Aparai do Brasil

⁴¹ Axĩ toytose Ãtare turui zuruse: — Kyrixtu ynaneneno, tykase ynororo eya. (“Kyrixtu” kary “Ritonõpo nymenekahpyry, Kukurãkanekõme” kary.)

João 1:41 Iomraidhean Croise

2 Tuisa 7:9

Yrome ynara tykase toto oseya rokene: — Zae nymyry pyra sytatose! Kure ehtoh enẽko sytatose, Moro poko onekaropyra imehnomo a kuahtao xine popyra exiry. Ẽmepyry eraximaryhtao kyya xine ekarotohme, tuãnohsẽme exĩko sytatose. Ehmaropa seromaroro tuisa akorehmananõ zuruse tuisa tapyĩ konõto taka.

Saumu 2:2

Sero nono põkõ tuisary tõ typyrekõ rĩko mã toto, kowenu poko erohketõ maro atamorepãko mã toto Ritonõpo epeme pyra toehtohkõme, tuisame inymenekahpyry epeme pyra toehtohkõme roropa.

Saumu 45:7

Zae ehtoh pyno mase, popyra ehtoh se pyra mase ipunaka. Morara exiryke Ritonõpo Oesemy a tymenekase mexiase, oya tãkye ehtoh ekaroase imehnõ tuisa tomo a inekarohpyry motye.

Saumu 89:20

Ypoetory Tawi tymenekase ya tuisame ehtohme typopase ynororo azeite ke ykyryry kurã ke.

Izaja 11:2

Imaro Ritonõpo Zuzenu exĩko mana, tuaro ehtoh ekarõko, enetupuhtoh roropa, emese kure ehtoh ekarõko, jamihmehxo ehtoh roropa. Ritonõpo omipona exĩko mana, ise Ritonõpo ehtoh waro exĩko roropa mana,

Izaja 61:1

Ritonõpo Imehxo Exikety a Tuzenu tokarose ya, tymenekase jexiryke eya omi kurã arotohme tymõkomokãkara a. Tonyohse ywy eya typoremãkase aexityã ãkyematohme. Tonyohse ywy eya imehnõ namoto tõ myhpokatoh ropa ekarotohme, ãpuruhpyry taõkõ tũtatoh ekarotohme roropa.

Mateu 1:23

“Oryximã poetoẽme exĩko, orutua maro exipitopyra ro tahtao. Mame enurũko mana orutuame, esety Emanueume exĩko,” tykase ynororo Ritonõpo poe pake. (“Emanueu” kary: “Ritonõpo kymaro xine mana” kary epereu omiry ae.)

Ruka 2:17

Mame mokyro tonese tyya xine ahtao, tãkye toehse toto. Morarame toytose ropa toto. Ritonõpo nenyohtyã oturutopõpyry tokarose eya xine emero netaryme. Poeto enurusẽ roropa tokarose eya xine.

Ruka 2:38

Morarame toeporehkase ynororo. Moroto poeto tonese eya jẽ maro: — Kure rukukuh na Ritonõpo, tykase ynororo. Poeto poko tõturuse roropa ynororo Jerusarẽ põkõ pynanohne eraximananõ netaryme.

João 1:45

Mame Piripe toytose Natanaeu enese. Ynara tykase, eya turuse: — Mokyro ynanenease Ritonõpo nymenekahpyry. Ipoko tymerose Moeze a pake, Ritonõpo nymeropohpyryme. Ipoko tymerose roropa pake urutõ komo a. Jezu mokyro Joze mũkuru, Nazare pono, tykase Piripe Natanaeu a.

João 4:25

Ynara tykase nohpo eya: — Ritonõpo nymenekahpyry oehnõko mana, Kyrixtu oehnõko. Tooehse ynororo ahtao emero kuamorepatorỹko mana, tykase.

Atos 10:38

Seromaroro amarokõ roropa Jezu waro exĩko matose. Ritonõpo a Tuzenu tokarose eya emero zuaro ehtohme. Morarame toytoytose ynororo. Ahno poko toenupunase. Joroko nyryhmatyã tukurãkase ropa eya, kurãkõkara roropa, Ritonõpo imaro exiryke.

Atos 4:27

— Morararo taro nase Jerusarẽ po seromaroro, tykase Peturu Ritonõpo a. — Erote tuisame nase. Põtiu Pirato kowenatume roropa nase. Mokaro oximõme Roma põkõ maro Izyraeu tõ maro Omũkuru zehno.

1 João 1:3

Yna a enetopõpyry poko ourutorỹko ynanase, aomiry etatopõpyry poko roropa ourutorỹko ynanase osepeme kuehtohkõme, Kumykõ maro, Imũkuru Jezu Kyrixtu maro.