Jo 9:4 - Ritonõpo Omiry: A Bíblia Sagrada na língua Aparai do Brasil

⁴ Tuarohxo Exiketyme mã ynororo, Jamihmehxo Exiketyme roropa. Atatapoiry se ahno ahtao imaro, onyporemãkasaromepyra mana.

Jo 9:4 Iomraidhean Croise

2 Koronika 13:12

Ritonõpo yna maro mana yna akorehmãko, yna esemazupurume ytõko mana. Ipoetorykõ oturuketõ rue etosasaka mã toto, yna osetapapitotohme. Izyraeu tomo, osetapara ehtoko Ritonõpo, atamurukõ Esẽ maro. Onyporemãkaposaromepyra matose!

2 Koronika 20:6

tõturuse ynororo Ritonõpo a, ynara tykase: — Ritonõpo yna tamuru tõ Esemy! Ritonõpome mase, kapu Esemy, sero nono roropa emero nonory põkõ Esẽme mase. Jamihme mase, orẽpyra mase, imehnõ emero poremãkãko mase.

Jo 11:6

Ãmorepary roropa tuaro ehtoh poko, tokare pyra ro ahtao ro, itamurume zuaro ehtoh nae ro mana. Yrome zuaro ehsaromepyra sytatose. Tamorepase awahtao eya ynara enetupuhnõko mase: zokonaka rokẽ awãnohnõko Ritonõpo mana onyrihpyry emetakame.

Jo 15:13

Oty katohme Ritonõpo zehno mexino okurohtao? Oty katohme ikerekeremãko mah?

Jo 23:6

Otarame tyjamitunuru ke yporemãkãko mana. Otarame arypyra! Ynara enetupuhnõko ase: jotururuhtao jomiry etãko mana.

Jo 24:22

Tyjamitunuru ke popyra exiketõ enahkapõko Ritonõpo mana; tyripõko mana, mame tyyrypyhpyke exiketõ orihnõko mana.

Jo 25:2

“Ritonõpo jamihme mana. Imehxo aexiry senetupuhtone; Ritonõpo poe osepeme emero kapuaõkomo.

Jo 28:23

Ritonõpo rokẽ zuaro mana tuaro ehtoh esemary poko. Ynororo rokẽ tuaro ehtoh esary waro mana.

Jo 36:5

“Jamihmehxo Ritonõpo mana! Imehnõ onyhtomara mana. Emero ehtoh waro mana.

Jo 37:23

Ritonõpo Jamihmehxo Exikety jamihme kuhse mana, naeroro oehsaromepyra sytatose ipũtokoxi, zae rokẽ mana, ahno onyryhmara mana.

Jo 38:36

Onoky a torõ tõ tuaro tyripose, ipi tomo a, poroporo roropa, zueme tuna kumary ehtoh ekarotohme? Morararo onoky kuratiri orutua zurũko konopo oepyry poko?

Jo 38:37

Onoky akurũ tõ kukuru waro nae? Onoky konopo enehpory waro roropa nae nono ehxikatohme tũpore toehse ahtao?

Jo 40:9

Ajamitunuru ekarõko mah yjamitunuru samo? Õmiry ke konomeru riry waro mahno panaikato konõto, jomiry samo?

Jo 41:2

Eutary aka eunary ae eary riry waro hma, jematary posohkary waro mahno oka konõto ke?

Jo 6:10

Moro riry eya waro jahtao, pyhseky ykary tãkye jehtoh ke jetuhxo toehse jahtao ro. Kure rokẽ Ritonõpo mana. Aomiry onykerekeremapitopyra exiase.

Jo 9:19

Jamihme ehtoh kuhnõko ha? Jamihme Exiketyme mana. Ikohmaryhtao apiakane ẽpataka, onoky Ritonõpo enehpõko nae apiakane ẽpataka?

Saumu 104:24

Ritonõpo, onyrityã tuhke rokẽ rahkene, tuaro oehtoh ke morohne tyrise oya. Sero nono pehme mana onyrityã ke.

Saumu 136:5

Tuaro toehtoh ke kapu Rihpõme mana; kypyno xine exikehpyra mana.

Exutu 15:7

Emero motye orẽpyra mexino. Oepetõkara poremãkapory poko, toto zehno oexiryke jahkãko mase onahpoty samo tonore ahtao.

Exutu 9:7

Enenanõ tonyohse tuisa a tuaro toehtohme. Turuse ynororo, Izyraeu eky tõ orihpyra tokurehse toto porehme. Yrome aosenetupuhtoh tũpore ro kynexine. Izyraeu tõ anaropopyra kynexine ynororo.

Porowepio 28:14

Ritonõpo omiry omipona awahtao tãkye exĩko mase, yrome aomiry omipona se pyra awahtao, popyra ehtoh oehnõko oya mana.

Porowepio 29:1

Tuhke rokẽ tupokase awahtao, otato pyra rokẽ toehse roropa awahtao, mõtoino rokẽ toatãkasẽme exĩko mase, osepynanohsaromepyra exĩko mase.

Izaja 45:9

Tumeri riryhtao orino risemy tyrine maro oseosezuhpyra tyrine maro mana. Orino onekaropopyra tyrine a: “Oty rĩko mahno?” Ynara kara roropa mana: “Emese popyra mase,” kara mana.

Jeremia 50:24

Amarokõ Papironia põkõ tuaro pyra awahtao xine tomõse matose ynyrihpyry taka, ãpoitohkõ aka. Tapoise matose, ãpuruhpyry aka tõsetapase oexirykõke ymaro.

Tanieu 2:20

ynara tykase: — Ritonõpo Kuesẽkõ seahmatone. “Kure mase,” kakehpyra sehtone eya, jũme. Tuaro exiketyme mã ynororo, jamihme exiketyme roropa!

Naum 1:3

Inehmỹke pyra Ritonõpo mana, axĩ pyra tohne exĩko, yrome jamihme mana, popyra exiketõ enẽko mana, toto wãnopyry eya ekurehpyra mana. Tyryrykane konõto maro ytoytõko mana, tyryrykane jamihmãkomo; akurũ putoh kane sã mana tanỹse ipupuru a.

Romanos 11:33

Kure kuhse Ritonõpo mana imehnõ motye emero. Tuaro kuhse roropa ynororo. Emero ehtoh waro mana. Ritonõpo osenetupuhtoh waro pyra sytatose ipunaka. Ayaytory waro pyra roropa sytatose ipunaka.

1 Korĩtiu 10:22

Zumoxike Kuesẽkõ onyripyra sehtone. “Orẽpyra ase Jezu motye,” karyhtao kyya xine joroko tamuru akorehmaneme exĩko sytatose. Mame joroko tamuru akorehmaneme kuahtao xine zumoxike exĩko Kuesẽkõ kypoko xine mana.

Epezu 1:19

jamihme kuhse oexiry waro roropa toto ehtohme,” ãko ase. Tyjamitunuru ke kuakorehmatorỹko mana kukurohtao xine, enetuputyryke kyya xine. Tyjamitunuru ke ro

Epezu 1:8

Naeroro kure kyriatosene. Tuaro toexiryke tuaro kyritorỹko roropa mana.

Epezu 3:10

Seromaroro emero Jezu enetupuhnõko toh mana, juteu tomo, juteutõkara, enara. Moro eneryke tyya xine, ynara ãko tuisamãkõ kapuaõkomo, “To! Emese kure mase Ritonõpo,” ãko toh mana moro eneryke tyya xine.

Epezu 3:20

Mame tyjamitunuru ke kynekaropohpyrykõ motye tyriry waro Ritonõpo mana. Kynenetuputyhpyrykõ motye tyriry waro roropa mana, kukurohtaka xine.