Jo 8:9 - Ritonõpo Omiry: A Bíblia Sagrada na língua Aparai do Brasil

⁹ Pake hkopyra tonuruse kymarokomo, tuaro pyrahme sã sytatose. Isene sytatose sero nono po axĩtao rokene jerutumã samo.

Jo 8:9 Iomraidhean Croise

Jenexi 47:9

— 130me jeimamyry nae ase xiaxiake jytoytoh poko rokẽ tytãhpopãse ywy. Tupime roropa nexiase ya, ytamuru tõ ehtopõpyry sã pyra exiase. Tuhke roropa jeimamyry taropose eya xine. Yrome tupime ro nexiase eya xine.

1 Koronika 29:15

Yna waro mase, Ritonõpo, enurũko ynanase, wãtãko, tamuhpõme exĩko, imehnõ nonory po ytoketõ samo, tosake pyra exiketõ samo, yna tamuru tõ ehtopõpyry samo. Ẽmehnõko ynanase, kohmãnõko roropa ynanase zuzenu ytory samo. Mame yna orihtoh toehse ahtao, epasaromepyra ynanase.

2 Koronika 10:6

Mame tamuhpomãkõ maro tõturuse tuisa Ropoão, tumy Saromão akorehmahpõkomo. — Otara ãko ha, Izyraeu tõ ezuhnõko? tykase ynororo.

Jo 14:1

“Jamihme pyra sytatose, emero, kuenurutopõpyry poe ro. Tuhke pyra jeimamyry isene sytatose, yrome popyra ehtoh enẽko sytatose pitiko rokẽ pyra.

Jo 14:2

Ekuru sã sytatose ekutãko, mame aremãnõko sã sytatose. Jerutumã sã exikehnõko sytatose osenepyra exĩko.

Jo 32:7

Ynara osenetuputyase: Ah mokaro tamuhpomãkõ noturũ toto, tuarohxo mã toto, ase.

Jo 7:6

Isene jehtoh axĩ enahnõko mana. Kure ehtoh eraximakehnõko ase.

Jo 8:10

Ah kytamuru tõ noturũ toto oya, ãmorepatohme. Tuaro toehtohkõ poe ynara ãko mã toto:

Saumu 102:11

Isene jehtoh jerutume sã mana kohmãsasaka ahtao; apotũkehnõko ase onahpoty anoryry sã rokene.

Saumu 102:12

Yrome omoro, Ritonõpo Jesemy, jũme tuisame mase; imeĩpo yna pakomotyã tonuruse ahtao, opoko osenetupuhnõko mã toto.

Saumu 144:4

Anonokane sã ynanase, pu katoh samo; isene yna ehtoh jerutumã sã mana axĩtao rokene.

Saumu 39:5

Axĩtao rokẽ isene jehtoh onekarohpyry ya! Oneneryme isene jehtoh okynã pyra ipunaka. Ajohpe pyra, ahnome ehtoh puu katoh sã rokẽ mana.

Saumu 82:5

“Tuaro pyra matose, onenetupuhpyra; xinukutumao rokẽ ytoytõko matose. Zae ehtoh tonahkase sero nono po.

Saumu 90:4

Miume jeimamyry tyoro pyra mana toiro ẽmepyry maro oya, kokonie ehtopõpyry samo taropose ahtao; enetoh koko sã roropa axĩ sã taropose ahtao.