Jo 7:7 - Ritonõpo Omiry: A Bíblia Sagrada na língua Aparai do Brasil

⁷ Ritonõpo, wenikehpyra exiko, isene jehtoh puu katoh sã rokẽ mana. Jenuru ke jũme tãkye ehtoh onenepyra ropa exĩko ase.

Jo 7:7 Iomraidhean Croise

Jenexi 42:36

Mame ynara tykase Jako: — Ypoenõ enahkãko matose emero? Joze arypyra. Ximeão roropa arypyra toehse. Ãko ropa mya roropa amarokomo. Seromaroro Pẽjamĩ arory se amarokomo. Onoky sam ãkohxo? Ywy!

Neemia 1:8

Wenikehpyra exiko õmihpyry poko eya: “Jurumekaryhtao oya xine, Izyraeu tomo, amarokõ pahnõko ase imehnõ nonory poro.

Jo 10:20

Orihsasaka ywy. Naeroro kurumekako ty! Tãkye pixo ehxi,

Jo 10:9

Wenikehpyra exiko orino risẽme kyriase; ikurepatome jyrĩko ropa mahno?

Jo 7:16

Isene jehtoh se pyra ase ipunaka; jorikyry se ase. Kurumekako, toiparo rokẽ isene ase.

Jo 9:25

“Ẽmepyry tõ ytõko mana axihxo, tururume ytokety motye epãko mã kehko tãkye ehtoh onenepyra ro ahtao.

Saumu 39:6

Ytoytõko mana jerutu sã rokene. Otyme kure yronymyryme aerokuru? Tineru apoitohme repe, yrome imeĩpo onoky tinerũme exĩko nae?

Saumu 4:6

Imehnõ ynara ãko oya: Kure ehtoh ekaroko yna a itamurumehxo, Ritonõpo, nupunato yna eneko, yna pyno exiko!

Saumu 74:18

Ritonõpo yna Esemy, wenikehpyra exiko oeunohkehpyra oepetõkara exiry poko. Popyra ehtoh poko mã toto, opoihtõko mã toto.

Saumu 74:22

Owõko, Ritonõpo, onyriry ewomako! Wenikehpyra exiko, awaro pyra exiketõ oeunopyry poko kohmãnõko mã toto.

Saumu 78:39

Wenikehpyra toehse ynororo, ahnome rokẽ toexirykõ poko, tyryrykane sã rokẽ toh nexiase, toytose ahtao eramara ropa mana.

Saumu 89:47

Wenikehpyra exiko okynã pyra isene jehtoh nase; wenikehpyra exiko ahno emero onyrityã orihnõko mana.

Saumu 89:50

Wenikehpyra exiko, Ritonõpo, ywy opoetory eunohnõko mã toto, eanahtõko ase ypoihtory ahno a, awaro pyra exiketomo a.

Jeremia 15:15

Mame ynara tykase ywy: — Ritonõpo, zuaro mase. Wenikehpyra exiko ypoko, kuakorehmako roropa. Yyryhmananõ poe kymỹpoko. Jepetõkara pyno pyra exiko jetaparyino eya xine. Tuaro mase õmiry omipona jexiryke ykerekeremãko mã toto.

Tiaku 4:14

Ynara exiryke, yrokokoro otara tyko kuehtohkõ onenetupuhpyra sytatose. Kuorikyrykõ onenetupuhpyra roropa sytatose. Akurũ sã sytatose. Pakeimo ke akurũ mana. Mame okynã pixo toehse ahtao akurũ osenepyra exĩko mana. Moro sã rokẽ sytatose, akurũ samo, axĩtao rokene.