Jo 7:21 - Ritonõpo Omiry: A Bíblia Sagrada na língua Aparai do Brasil

²¹ Oty katohme yyrypyry onykorokara mah, popyra jehtopõpyry onukurikara mah? Okynã pyra tonẽsẽme exĩko ase nono aka; jupiryhtao jenepyra exĩko mase, arypyra jexiryke.”

Jo 7:21 Iomraidhean Croise

2 Samueu 24:10

Moromeĩpo Izyraeu tõ tuhke ehtoh kuhxĩpo Tawi a, toehxiropitose ynororo. Ynara tykase ynororo Ritonõpo a: — Iirypyryme toehse ywy, Izyraeu tõ kuhporyke ya. Ajohpãme sã yyrypyry ikorokako, ajoajohpe exikety sã yriase, tykase Tawi Ritonõpo a.

Jo 10:14

Jenery se mexiase iirypyryme toehse jahtao, moromeĩpo popyra jehtoh onykorokara oehtohme.

Jo 10:9

Wenikehpyra exiko orino risẽme kyriase; ikurepatome jyrĩko ropa mahno?

Jo 13:19

“Yrome Ritonõpo ynara karyhtao: ‘Onoky mose ro tõsezusezukuru zuno pyra hnae ymaro, apiakane ẽpataka?’ Morara ahtao mynyhme rokẽ exĩko ase, orihnõko ase.

Jo 14:10

Yrome ahno toorihse ahtao, arypyra exĩko mana; orihnõko exino mana, mame otara exĩko nae?

Jo 17:14

Jekepyry zonẽtoh papame ekarõko ase, moromoro ajame ekarõko ase, woryxiry tõme roropa, morara ahtao

Jo 20:8

Osenehto sã osenepyra exĩko ropa mana, koko osenehtopõpo sã, jũme onenepyra ehtohme.

Jo 27:19

Etyhpyryme ataxikãko mokyro mana itamurume tineru esẽme mã repe, yrome typakase ropa ynororo ahtao pake itinerũ tõtuenikase.

Jo 3:13

Toorihse jahtao jenururuhtao, seromaroro oseremakety sã exiry torẽtyke pyra.

Jo 33:9

‘Iirypyryme pyra ase, popyra ehtoh poko pyra jexiryke ipunaka. Zae rokẽ ase; azahkuru pyra ipunaka

Jo 7:8

Jenẽko mase seromaroro, yrome zomory jenekehnõko mase. Jupĩko mase repe, yrome ywy tonahse.

Jo 8:1

Mame Piutate, Sua pono tõturupitose. Ynara tykase ynororo:

Jo 9:28

Yrome jetuarimatoh tonõ jenẽko mana, ynara zuaro jexiryke: zae pyra jekarõko Ritonõpo mana.

Saumu 103:15

Isene kuehtohkõ onahpoty sã mana; ahtãko mana ekutãko roropa mana ona po.

Saumu 37:36

Yrome imeĩpo esary kuroko toytose jahtao onenepyra exiase; upiase repe, yrome mokyro onenesaromepyra exiase.

Ekereziaxti 12:7

Mame kuekepyrykõ nonome exĩko ropa mana nono risẽme exiryke, kuzenukõ ytõko ropa mana Ritonõpo a tokarose eya exiryke kyya xine.

Izaja 26:19

Izyraeu tõ aorihtyã ẽsemãnõko ropa mã toto; ekepyrykõ owõnõko ropa mã toto. Nono ao aorihtyã ekepyry tõ pakãko roropa, atãkyemãko mã toto, eremiãko roropa mã toto. Axitaku onenehpohpyry otyro ehxikãko, ahtanohpõko roropa mana. Moro sã aorihtyã ẽsemãkapõko ropa mase, Ritonõpo, nono ae itũtatohkõme ropa.

Izaja 64:9

naeroro yna zehno exikehko, yna rypyry poko owenikehko. Wenikehpyra exiko opoetoryme yna ehtoh poko.

Tanieu 12:2

Aorihtyã tuhke isene exĩko ropa mã toto: tuhkãkõ jũme orihpyra ropa ehtohme, imehnõ tuãnohsẽme exĩko mã toto jũme etuarimatoh tao.

Ozeja 14:2

Osehtoko ropa Ritonõpo a, ynara kahtoko eya: “Yna rypyry ikorokako, yna otururu oya etako! Oeahmary yna a ekarõko ynanase oya ynanekaroryme.

João 1:29

Yrokokoro Jezu oepyry tonese João a. Ynara tykase ynororo: — Kaneru mũkuru kurã etapãko mã toto Ritonõpo maro oturuketomo. Yrome Ritonõpo nymenekahpyry mose ro, kaneru mũkuru sã mose orihnõko mana, nono põkõ rypyry korokatohme.

Titu 2:14

Mokyro tõsekarose toorihtohme kymyakãkõme, kyjamihtanohtohkõme, kyyrypyrykõ poko pyra kuehtohkõme, kukurohtao xine kukurikatohkõme roropa, ipoetoryme nymyry kuehtohkõme, mãsa rokẽ pyra aomipona kuehtohkõme.

1 João 1:9

Mãpyra kyyrypyrykõ ekaroryhtao Ritonõpo a kyyrypyrykõ korokãko mana. Kure rokẽ kyritorỹko roropa mana kypyno xine toexiryke. Zae roropa ynororo ipunaka.

1 João 3:5

Kyrixtu tooehse kyyrypyrykõ korokase. Tyyrypyhpyke pyra ipunaka ynororo. Zuaro matose.