Jo 7:16 - Ritonõpo Omiry: A Bíblia Sagrada na língua Aparai do Brasil

¹⁶ Isene jehtoh se pyra ase ipunaka; jorikyry se ase. Kurumekako, toiparo rokẽ isene ase.

Jo 7:16 Iomraidhean Croise

Jenexi 27:46

Mame tõturuse Repeka Izake maro, ynara tykase ynororo eya: — Typenekehse ywy mokaro Ezau pyxiã heteu tõ poko. Typytase Jako ahtao nohpo heteu maro, kurehxo ya jorikyry, tykase.

1 Tuisa 19:4

Mame tykohmãse ynororo ytoytory poko ona poro. Totypohse ynororo, typorohse wewe myhtokoxi jerutume exiryke. Toorikyry se rokẽ kynexine. — Epo hnae! Ritonõpo, kuorihmapoko seromaroro. Torẽse rokẽ ywy, ytamuru tõ ehtopõpyry saaro, tykase ynororo.

Jo 10:1

“Typenekehse ywy isene jehtoh poko. Emero tyrĩko ase aryhnaka, sam ykary poko, ukurohtao, sekere ãko ase.

Jo 10:20

Orihsasaka ywy. Naeroro kurumekako ty! Tãkye pixo ehxi,

Jo 14:6

Yna enẽko mase, osenuhmakehko yna pona. Yna irumekako toiroro yna ehtohme, ẽmepyry etyhpyry pona, erohkety samo toerohtoh tõtyhkase ahtao kokonie pukuro.

Jo 6:9

Jetapary se ase eya, jorihmapotohme jũme rokene.

Jo 7:15

Kurehxo ya josesenamyry; joorikyry kurehxo, isene jehtoh sero joko ao popyra mana.

Jo 7:7

Ritonõpo, wenikehpyra exiko, isene jehtoh puu katoh sã rokẽ mana. Jenuru ke jũme tãkye ehtoh onenepyra ropa exĩko ase.

Jo 9:21

Zae ase, yrome moro poko oty kara ase; typenekehse ywy isene jehtoh poko.

Saumu 144:4

Anonokane sã ynanase, pu katoh samo; isene yna ehtoh jerutumã sã mana axĩtao rokene.

Saumu 39:10

Ritonõpo, kuãnohkehko, orihsasaka ywy ypipohtoh tonõ ke oya!

Saumu 39:13

Ajohpame sã jenepyra exiko aporo jatãkyematohme ya ytopyra ro jahtao taroino jenahkatoh pona.

Saumu 39:6

Ytoytõko mana jerutu sã rokene. Otyme kure yronymyryme aerokuru? Tineru apoitohme repe, yrome imeĩpo onoky tinerũme exĩko nae?

Saumu 62:9

Ahno tomo, tymõkomokẽkara roropa, imehxo exiketõ roropa, otyme kure sytatou? Puu katoh sã rokẽ sytatose. Omoxinety kuhtoh po kuahtao xine zohzohme sã kuexirykomo, puu katoh sã rokene.

Saumu 78:33

Morara exiryke tonahkase toto eya, tyryrykane tyryry katoh samo, mõtoino rokẽ popyra ehtoh oehtopõpyry samo.

Saumu 78:39

Wenikehpyra toehse ynororo, ahnome rokẽ toexirykõ poko, tyryrykane sã rokẽ toh nexiase, toytose ahtao eramara ropa mana.

Ekereziaxti 2:17

Morara exiryke isene ehtoh otyme kure? Arypyra ipunaka! Jerohtopõpyry pokoino popyra ehtoh rokẽ toehse ya. Toiparo rokẽ erokuase; tururume tyryrykane ekahmãko sã rokẽ exiase.

Jeremia 8:3

Mame mokaro popyra exiketõ akoĩpyry, sapararahme taropose aexityã ya toorikyrykõ sehxo exĩko mã toto. Ywy Ritonõpo Jamihmehxo Exikety oturuno.

Jona 4:3

Naeroro ajohpãme sã kuorihmapoko, kurehxo ya joorikyry mana, isene jehtoh kure hkopyra mana, tykase Jona.

Jona 4:8

Imeĩpo tõnuhse xixi ahtao tyryrykane tonehpose Ritonõpo a, axitunety, xixi tũtatoh wino. Tapotũkehse sã Jona nexiase axitũ xixi exiryke zupuhpyry pona. Naeroro tohne toexiryke toorikyry se toehse Jona nexiase. Ynara tykase ynororo Ritonõpo a: — Ajohpãme sã joorikyry sehxo hano. Popyra ya serara jehtoh nase.