Jo 7:11 - Ritonõpo Omiry: A Bíblia Sagrada na língua Aparai do Brasil

¹¹ Morara exiryke, mynyhme ehsaromepyra ase. Etuarimãko ase, sekere kary se ase. Ikerekeremary se ase, sam karyke yronymyryme ukurohtao.

Jo 7:11 Iomraidhean Croise

Jenexi 42:21

Oseya rokẽ ynara tykase toto: — Ajohpe pyra. Etuarimãko sytatose seromaroro, kynyrihpyrykõ poko kuakorõkõ poko. Aetuarimary tonese kyya xine, taosanumase kyya xine, aomiry onetapỹ sã toehse kymarokomo. Morara exiryke etuarimãko sytatose seromaroro.

Jo 10:1

“Typenekehse ywy isene jehtoh poko. Emero tyrĩko ase aryhnaka, sam ykary poko, ukurohtao, sekere ãko ase.

Jo 10:15

Iirypyryme jahtao juãnopyry eraximãko rokẽ ase oya; zae jahtao, jupuhpyry anymyry zuno ase, ehxirõko roropa ase jetuarimatoh eneryke ya.

Jo 13:13

“Mynyhme ehtoko, oturuxi aporo, otara exĩko nae ya? ah nexino.

Jo 16:6

Yrome jotururuhtao jetũ jehtoh onymynyhpãkara mana, morararo mynyhme jahtao jetuarimary onymynyhpãkara roropa mana.

Jo 21:25

Mãpyra imehnõ tyoro sã mã toto, tãkye ehtoh onukuhpitopyra, orihnõko mã toto sam karyke tukurohtao xine.

Jo 23:2

“Seroae ro Ritonõpo kerekeremãko ase; pusuh kakehsaromepyra ase.

Jo 36:21

Etuarimãko mase popyra oehtoh pokoino. Tomeseke exiko eramara ropa oehtohme moro poko ropa.

Jo 6:26

Jotururu hxirory se hmatou? Tyryrykane sã rokẽ jomiry ekarõko matou, orutua tyhtomase exiketyme jahtao?

Jo 9:27

Ikuhnõko ase. Wenikehnõko ase mokyro kerekeremary ya. Tãkye pyra jehtoh rumekãko ase, tãkye jehtohme ropa.

Saumu 39:3

torẽtyke toehse ywy ukurohtao. Itamurumehxo jemynyhmaryhtao itamurumehxo ataosanumãko exiase. Mame tõturupopitose ywy:

Saumu 40:9

Ritonõpo, opoetory tõ oximõmãkõ ẽpataka õmiry kurã ekaroase yna pynanopyry poko oya. Moro omi kurã onekarokehpyra ase, zuaro mase.

Izaja 38:15

Ritonõpo a senohne tyrise ahtao ya, onykerekeremasaromepyra ase. Jũme epyrypara ase ypoko sam tykase jexiryke sero samo ukurohtao.

Izaja 38:17

Kure jehtohme morohne ke toetuarimase ywy, zuaro ase. Yrome kypynanopyase orihpyra jehtohme, yyrypyry tõ emero tykorokase oya.

Ruka 22:44

Morarame sam tykase Jezu tukurohtao. Yronymyrymehxo tõturuse Ritonõpo a ynororo. Munume tonãkutase ynororo toemynyhmaryke. Pitahtykase enãkuru nono pona.

2 Korĩtiu 2:4

Moro pape merory se pyra exiase repe ipunaka. Sam tykase ywy. Yxitase roropa moro meroryhtao. Omynyhmaporykõ se pyra exiase repe. Yrome opyno xine jehtoh waro oehtohkõme moro pape ymeroase onenerykõme.

1 Samueu 1:10

Atasamãko yronymyryme Ana nexiase. Tyxitase itamurume tõtururume Ritonõpo a.