Jo 6:10 - Ritonõpo Omiry: A Bíblia Sagrada na língua Aparai do Brasil

¹⁰ Moro riry eya waro jahtao, pyhseky ykary tãkye jehtoh ke jetuhxo toehse jahtao ro. Kure rokẽ Ritonõpo mana. Aomiry onykerekeremapitopyra exiase.

Jo 6:10 Iomraidhean Croise

Jo 11:4

Õsenetupuhtoh zae rokẽ ekarõko mase. Ritonõpo a iirypyryme pyra oehtoh ekarõko roropa mase.

Jo 15:11

“Oemuhkehkary se Ritonõpo mana, yrome moro se pyra mase, oty katohme? Ipoe tõturuse yna amaro tomeseke samo.

Jo 21:33

Ahno tuhkãkõ miu motye mokyro ekepyry ekahmãko mã toto, tomeseke sã ekepyry enyhtõko eutary aka, mame zohzohme sã nono ẽmãko mã toto etapurutohme.’

Jo 22:22

Otatõme exiko ãmoreparyhtao Ritonõpo a, aomiry ikurãkako okurohtao.

Jo 23:11

Esemary ae ytõko ase, inenepohpyry ya ekahmãko ase aomiry omipona, zae ehtoh esemary onurumekara ase.

Jo 23:12

Anamonohpyra ase Ritonõpo nyripohpyry omipona jehtoh poko; ise Ritonõpo ehtoh sehxo hano, ypenetatoh se jehtoh motye.

Jo 3:22

Atãkyemãko mã toto, tãkye exĩko mã toto. Etyhpyryme toorihtohkõ po toehse ahtao.

Jo 9:4

Tuarohxo Exiketyme mã ynororo, Jamihmehxo Exiketyme roropa. Atatapoiry se ahno ahtao imaro, onyporemãkasaromepyra mana.

Saumu 119:13

Jarao imehnõ netaryme onymeropohpyry sekeremãko ase emero.

Saumu 119:50

Jetuarimaryhtao tomuhkehkase exiase, õmiry poe isene toehse jexiryke.

Saumu 37:30

Tuaro exiketõme mã oturũko mã toto, zae ehtoh poko exikehpyra aomirykõ mana.

Izaja 57:15

“Ywy ase Kapuaono, Ritonõpo Kurano, Jũme isene Exikety, ynara ãko ase: Jesary kae exiketyme mana, osa kurãme mana, yrome jesary roropa mana epyrypara exiketõ esaryme, tyyrypyrykõ poko emynyhmaketõ esaryme roropa, toto akorehmatohme jenetupuhtohme roropa apotũkehpyra toto ritohme roropa.

Ozeja 11:9

Awãnohpyra xine ase ozehno xine jehtoh ke. Ypoetory tõ onenahkara ropa ase, Ritonõpome jexiryke ahno rokẽ kara ase; Ywy, Ritonõpo Kurano, ypoetory tõ rãnao ase, toto onenahkara ropa ase.”

Rewitiku 19:2

ynara tyripotohme Izyraeu tomo a: — Zae rokẽ ehtoko, ywy, Ritonõpo Oesẽkõ, zae rokẽ jexiryke.

Apakuke 1:12

Moino ro mase, Ritonõpo, jũme. Jesẽme mase, zae rokẽ Exiketyme mase, Kurano. Yna Ewomaneme mase. Papironio tõ tymenekase oya, jamihme tyripose toto oya yna wãnohtohme.

Apakuke 3:3

Ikurenae Etõ nonory poe Ritonõpo toehse, ypy Parã poe toehse Ritonõpo Kurano. Kapu typehkase mana saereme aehtoh ke, eahmãko sero nono põkõ mã toto, emero porehme.

Atos 20:20

Ãkorehmarykõ se jexiryke yronymyryme erokuase Ritonõpo omiry ekarory poko oya xine, aomipona oehtohkõme. Oximõme awahtao xine kuamorepatose, atapyĩkõ taka ytokehpyra roropa exiase.

Atos 20:27

Ritonõpo nekaropohpyry ekaroase emero oya xine exiryke.

Romanos 8:32

Tumũkuru onypynanohpyra Ritonõpo kynexine. Kypynanohtohkõme Tumũkuru tonehpose tarona aorihtohme, orihpyra kuehtohkõme. Kyya xine Tumũkuru tokarose Ritonõpo a, omomỹke pyra toexiryke. Morara Ritonõpo ahtao tynekarory kurã ekarõko roropa kyya xine mana, emero porehme.

Teuteronomiu 29:20

Mokyro rypyry onykorokara Ritonõpo Kuesẽkõ exĩko mana moro riryhtao eya. Mokyro wãnohnõko yronymyryme moro popyra ehtoh ke, tymerose aexityã sero pape poko, mame mokyro poko wenikehnõko imehnõ mana porehme.

Apokaripxi 3:7

— Jomiry imeroko ynenyokyhpyry neneryme, ypoetory tõ Pirateupia põkõ amorepane neneryme. Ynara kaxiko eya: “Ynymerohpyry moro oneneryme. Ywy ase kurãme. Ajohpe pyra ase ipunaka. Tysorotoke ase, Tawi kyryrỹpyry ke. Osa totapuruhmakase ahtao ya moro anapurupyra imehnõ mana. Tapuruse ya ahtao anapuruhmakara imehnõ mana.

Apokaripxi 4:8

6me taporihke toh nexiase. Tonure tuhke toh nexiase aporirykõ poko, zopino, epoe roropa, enara. Eremiakehpyra toh nexiase saereme, koko, enara. Ynara nase toto: “Kurano, kurano, kurano, Kuesẽkõ Ritonõpo, Imehxo Exiketyme mana. Pake exikety ynororo. Seromaroro nae ro mana. Myarotokoro ynororo jumanatome,” nase toto.

1 Samueu 2:2

Emero motye kurãme Kuesẽkõ mana. Imepỹ pyra mana, ritõ pyra, ewomane pyra. Kuesẽkõ rokẽ Kuewomanekõme mana.