Jo 5:7 - Ritonõpo Omiry: A Bíblia Sagrada na língua Aparai do Brasil

⁷ Kypokoino xine popyra ehtoh oehnõko kyya xine mana. Ajohpe pyra ikarany poko samo, apoto poko ahtao ikarany pisarara onuhnõko kakoxi mana.

Jo 5:7 Iomraidhean Croise

Jo 14:1

“Jamihme pyra sytatose, emero, kuenurutopõpyry poe ro. Tuhke pyra jeimamyry isene sytatose, yrome popyra ehtoh enẽko sytatose pitiko rokẽ pyra.

Jo 7:1

“Isene ehtoh sero nono po tupime mana, soutatu tõ erohtoh samo; erohnõko mã toto emero porehme yronymyryme,

Saumu 90:10

70me jeimamyry rokẽ aropõko ynanase isene exiketõme, jamihmehxo exiketõ otarame 80me aropõko toorihtohme, yrome morara ahtao etaehnõko ynanase, kure pyra exĩko roropa. Okynã pyra orihnõko, osenepyra exĩko ropa ynanase.

Ekereziaxti 1:8

Senohne emero erohnõko mana: etaehnõko sytatose morohne eneryhtao kyya xine. Morohne emero onekarosaromepyra sytatose. Kuenurukõ penekehpyra mã kehko tõsenuhmarykõ poko, kypanarykõ penekehpyra roropa mã kehko etary poko.

Ekereziaxti 2:22

Erohnõko sytatose, torẽtyke exĩko sytatose kuorikyrykõ ponãmero oty apoitohme epehpyryme?

Ekereziaxti 2:23

Kynyrihpyrykõ emero isene ro kuahtao xine, epehpyry onenehpyra kyya xine mana, torẽtyke ehtoh rokene, sam katoh roropa kukurohtao xine. Oseremasaromepyra sytatose, tykohmãse ahtao roropa. Toiparo rokẽ mana.

Jeremia 20:18

Oty katoh jenuruase? Otarame tãkye pyra jehtohme rokene, jetũ roropa jehtohme, orihtohme roropa yporemãkatopõpyry ke.

1 Korĩtiu 10:13

Tukuhse awahtao xine ynara zuaro matose imehnõ roropa morararo tyyrypyrykõ poko tukuhse mã toto. Yrome jamihmehxo Ritonõpo mana. Tõmihpyry ae ro ãkorehmatorỹko mana tukuhse awahtao xine. “Epo nase,” ãko mana. Okuhnekõ aropõko roropa mana owinoino xine. Jamihme pyra awahtao xine ajamihtanohtorỹko mana oorypyrykõ poko pyra oehtohkõme. Ajamihtanohtorỹko mana oorypyrykõ rumekatohme oya xine.