Jo 5:6 - Ritonõpo Omiry: A Bíblia Sagrada na língua Aparai do Brasil

⁶ Tupito nonory poe etuarimatoh exipyra mana, popyra ehtoh tamoreme exipyra roropa mana.

Jo 5:6 Iomraidhean Croise

Jo 15:35

Osenetupuhnõko mã toto popyra ehtoh ritohme, zae pyra ehtoh rĩko mã toto. Osenetupuhkehpyra mã toto imehnõ enekunopyry poko.”

Jo 34:29

“Yrome Ritonõpo mynyhme toehse ahtao, ‘Popyra mana,’ kasaromepyra exĩko imehnõ mana. Tõmyty tonẽse ahtao eya takorehmaneke pyra kymarokõ exiry, towomaneke pyra roropa.

Saumu 90:7

Tonahkasẽme ynanase yna zehno awahtao, yna zetũ poko oserehnõko ynanase.

Izaja 45:7

Saerehkatoh rihpõme ase, ikohmamyry roropa, kurãkõ ekaroneme ase, popyra ehtoh tyriponeme roropa ase; ywy Ritonõpo morohne rĩko ase emero porehme.

Ramẽtasão 3:38

Kure ehtoh exĩko mana, popyra ehtoh roropa exĩko, Ritonõpo, Imehxo Exikety omi poe.

Ozeja 10:4

Ajohpe rokẽ mã toto; tõmirykõ etapõko mã toto emero. Yrome tõmirykõ omipona pyra mã toto. Zae ehtoh eya xine owokatõ sã mana; ãtaryka orihmatõ ahtary samo tupito rãnao.

Rewitiku 25:5

Tamoreme tiriiku toperytase ahtao, moro epery anapoipyra ehtoko, uwa amoriry tõ onysahkara ehtoko, uwa epery anapoipyra roropa ehtoko. Jeimamyry oserematohme exĩko mana ipunaka, nono oserematohme.

Amoxi 3:6

Rue etory etaryhtao pata põkomo a epetõkara oepyry enetupuhpotohme, tykytyky ãko mã toto. Popyra ehtoh toehse ahtao pata põkomo a moro popyra ehtoh tonehpose Ritonõpo Kuesẽkomo a.

Teuteronomiu 32:27

yrome toto eunopyry se pyra exiase epetõkara a, ynara kary etary se pyra exiase ajohpe: ‘Ritonõpo poetory tõ typoremãkase kyya xine, Ritonõpo a pyra tonahkase toto.’ ”

Epereu 12:15

Tomeseke ehtoko, Jezu poetory tomo, eramara ropa oehtohkõme Ritonõpo maro ehxĩpo, toeramase ropa ahtao itunety zoko sã exĩko mana. Itunety zoko sã ahtao morararo ahtãko mana, itu ro eperytãko roropa mana. Mame tuhkãkõ iirypyryme exĩko itunety zoko sã toehse mokyro exiryke.

1 Samueu 6:9

Yrome aytory enetoko. Aytoryhtao Izyraeu tõ esaka Pete-Seme pona enetupuhnõko matose, serara tyrohsẽ toehse Ritonõpo poe rahkene. Yrome morotona ytopyra toto ahtao enetupuhnõko sytatose, Ritonõpo poe pyra sẽ tyrohsẽ toehse. Tamoreme rokẽ toehse nase, tykase toto.