Jo 42:3 - Ritonõpo Omiry: A Bíblia Sagrada na língua Aparai do Brasil

³ Mekaropono ya: ‘Onoky mose ro, aotururu enetupuhpõko nae tuaro hkopyra jekarõko nae?’ Ywy tuaro pyra exiketyme rokẽ ase. Sekere ãko exiase tuaro pyra jehtoh poko, josenuruhkatoh tonõ poko roropa, morohne onenetupuhsaromepyra jahtao.

Jo 42:3 Iomraidhean Croise

Jo 11:7

“Imehxo Ritonõpo ehtoh tonẽse mana. Moro enery se mahno? Emero Ritonõpo Jamihmehxo Exikety ehtoh poko zuaro ehsaromepyra mase.

Jo 11:9

Sero nono zumo ehtoh motye mana, tuna konõto zumo ehtoh motye roropa.

Jo 13:1

“Morohne emero enease jenuru ke; etase roropa emero ypanary ke, morohne emero zuaro ase.

Jo 38:2

“Õtururu mã tuaro pyra oehtoh enetupuhpõko; onoky mahno, tuaro jehtoh onenetupuhpyra tyripõko mah?

Jo 5:9

Inyriry tõ osenuruhkatoh enetupuhsaromepyra sytatose. Inyrihpyry tõ tyjamitunuru ke enahpỹme mã kehko.

Saumu 131:1

Ritonõpo Jesemy, imehnõ motye tuisame jehtoh poko epyrypara ase; imehxo jehtopõpyry turumekase ya, yamene se pyra jexiryke. Tuaro pyra jehtoh tonõ poko torẽtyke pyra ase, morohne poko onenetupuhsaromepyra jahtao.

Saumu 139:6

Juaro oehtoh poko osenuruhkãko ase; tuaro jehtoh motye kuhse mã õsenetupuhtopo.

Saumu 40:5

Ritonõpo, yna Esemy, tuhke kurãkõ tyrise oya yna akorehmatohme. Apanõ pyra mana! Õsenetupuhtoh mã tuhke, kure yna ritohme. Emero õsenetupuhtoh kukuruhtao ya tuhke exiry waro jehtohme ekuhpỹme mana.