Jo 4:11 - Ritonõpo Omiry: A Bíblia Sagrada na língua Aparai do Brasil

¹¹ Tyere pyra reão ahtao urakanara mana, orihnõko mana omise exiryke. Imũkuru tõ sapararahme ytõko mã toto.

Jo 4:11 Iomraidhean Croise

Jenexi 49:9

Aimo Juta, reão mũkurume sã mase, tõsẽ tosekase ahtao, mame tosaka ytõko ropa mana. Tohrame exĩko reão samo, reão nohpory sã roropa. Ipoko toexiry zuno imehnõ mana emero.

Jo 1:19

Morotoino tyryrykane konõto noehno ona tonorẽ poe. Wirikane a tapyi tomase. Toepukase opoenõ pona. Emero toorihse toto. Ywy rokẽ epano moro ekarotohme oya.

Jo 20:10

Imõkomohpyry ekarõko ropa imũkuru tõ mana tymõkomokãkara a, inematonanopyhpyry, inapoihpyry imehnõ enekunohtopõpyry ke.

Jo 29:17

Imehnõ ryhmananõ jamitunuru tonahkapose ya, iiryhmatyã typynanohse ya.

Jo 38:39

“Omoro hma kaikuxi tamuru tõ nahpãko mah tuesapare ipoenõ ehtohme,

Jo 5:15

Tymõkomokãkara pynanohnõko Ritonõpo mana orihpyra toto ehtohme; etuarimaketõ pynanohnõko mana orẽpyra exiketõ winoino.

Jo 5:4

Imũkuru tõ osewomasaromepyra mã toto; apiakane tõ ẽpataka tuãnohsẽme mã toto, zae ehtoh poko toto ahtao ro, toto onewomara roropa imehnõ mana.

Saumu 34:10

Reão tõ omise exĩko, emitapãnõko mã toto, yrome Kuesẽkõ omiry omipona exiketõ mã emitapãpyra mana.

Saumu 34:11

Osehtoko, jepe tõ poetohti, kuetatoko ke, ãmorepatorỹko ase kure Ritonõpo Kuesẽkõ ritoh poko oya xine.

Saumu 7:2

Reão sã jarory se mã toto ypynanohsaromepyra imehnõ ehtoh pona, moroto yxihxihkatohme.

Jeremia 4:7

Reão tũtary sã tõtonẽtoh tae, imehnõ nonory põkõ enahkane oehnõko Juta tõ enahkase. Juta patary tõ tonahkasẽme exĩko, patãpome exĩko mana.

Ozeja 11:10

— Ywy opore omitaryhtao, reão samo jepetõkara enepanohpotohme, ymaro ypoetory tõ ytõko mã toto. Xixi omõtoh wino ypoetory tõ oehnõko mã toto tururume.

Numeru 23:24

Izyraeu owõnõko mana reão nohpory samo, reão sã roropa oseremara mana tykarimory onõpyra ro tahtao, imunuru onẽpyra ahtao roropa.”

Numeru 24:9

Reão jamihmã sã Izyraeu mana: tynyhse ynororo ahtao ipakary zuno mã toto. Kure rokẽ Izyraeu tõ ripory se exiketõ, kure rokẽ exĩko mã toto. Popyra Izyraeu tõ riponanõ, popyra tyriposẽme exĩko mã toto.”

2 Timoteu 4:17

Yrome Kuesẽkõ jurumekara ymaro monexiano. Yjamihtanopyase Jezu Kyrixtu poko ekarotohme juteutõkara a. Typynanohse Kuesẽkomo a jexiryke jeatãpyra toh kynexine.