Jo 3:5 - Ritonõpo Omiry: A Bíblia Sagrada na língua Aparai do Brasil

⁵ Moro ẽmepyry kohmanohpory se ase, xinukutume rokẽ ehtohme, moro ẽmepyry oxiõtory se ase akurũ tõ ke, xixi ezehkatohme.

Jo 3:5 Iomraidhean Croise

Jo 16:16

Tyxitase ywy itamurume. Jẽmyty tõpire toehse, jenuru tõ tyaose roropa, ikohmamyry samo, xinukutume.

Jo 24:17

Saereme ehtoh zuno mã toto. Yrome ikohmamyryhtao enaromyra mã toto.”

Jo 28:3

Tymaro xine ezuru arõko ahno mana nono zopikoxi; moroto xinukutumao uuru tõkehko zupĩko mã toto.

Jo 3:4

Moro ẽmepyry tyripory se ase ikohmamyryme konõto! Moro ẽmepyry wenikehkapory se ase Ritonõpo a Kapu ao, jũme ẽmehpyra ehtohme, saerehkara roropa ehtohme!

Jo 3:6

Moro koko jũme ẽmehpyra exiry se ase, tykorokase ehtohme karẽtariu poe.

Jo 34:22

Osa pyra mana, otonẽtohme xinukutumehxo exikety, iirypyryme exikety otonẽtohme onenepyra Ritonõpo ehtohme.

Jo 38:17

Omõtoh tonõ aorihtyã esaka tonepose oya imepyny a? Moroto mã xinukutume konõto ikohmamyry enahpỹme mana.

Saumu 107:10

Toitoine ikohmamyry ao toh nexiase, xinukutume ehtoh ao, tyrohmanohpose ãpuruhpyry tao, tymyhse keti kurimene risẽ ke,

Saumu 107:14

Touse toto eya moro kohmamyry poe, tymyhpokase ropa eya, keti tõ tamohse eya.

Saumu 23:4

Jemynyhmaryhtao yronymyryme enaromyra ase ymaro oexiryke, Ritonõpo Jesemy; jewomãko mase, zae tyritoh enepõko mase ya azamaro jehtohme.

Saumu 44:19

Yrome oya tomase yna, akurihmohpyry sã onokyro tõ rãnao, turumekase yna oya xinukuturu htao.

Izaja 9:2

Ezuru konõto enẽko Ritonõpo waro pyra exiketõ mana; orihketõme toh nexiase tyyrypyhpyke toexirykõke. Yrome Ritonõpo nymenekahpyry ytõko eya xine mana. Toto tuarõtanohtorỹko mana,

Jeremia 13:16

Oorypyrykõ ekarotoko Ritonõpo Oesẽkomo a, onykohmãnohpopyra ynororo ahtao ro, tykohmãse ahtao osetapãko matose ypy tõ pona. Ẽmepyry saereme ehtoh eraximãko matose repe, yrome xinukutume moro tyripõko mana koko samo, saereme pyra tyripõko mana ipunaka.

Jeremia 2:6

Yse hkopyra toh nexiase; Yrome ya tonehse toto Ejitu poe. Ya ro tarose toto ona tonorẽ poro, ypy tõ poro, oramã kuroko; tuna pyra ehtoh poro, orihmapotoh poro, morotona ahno ytopyra, ahno esary pyra roropa moroto.

Jeremia 4:28

Moro nono xitãko mana, kapu kohmãnõko mana xinukutume, Ritonõpo tõturuse exiryke, onytyoromara mana. Tynyriry waro toehse ynororo, ekurehpyra mana.

Ezekieu 30:3

Moro ẽmepyry ameke pyra mana, moro ẽmepyry ae popyra ehtoh enehpõko Ritonõpo mana, akurũ xinukutume exĩko mana, imeimehnõ nonory põkõ wãnohtohme.”

Ezekieu 34:12

Toky tõ enehse ytõko kaneru ewomananõ mana sapararahme aexityamo, moro sã jeky tõ enehnõko ropa ase emero rokẽ poe, morohne pona sapararahme taropose toto moro ẽmepyry xinukutumã po, iporemãkatopõpyry po, enara.

Joeu 2:2

Moro ẽmepyry ikohmamyry sã exĩko mana, koko ehtoh samo, akurũ xinukutumã sã exĩko mana tapure exikety samo. Taparara tõ oehnõko mã toto soutatu tõ ikuhpỹme samo jamihme roropa, akurũ xinukutumã sã ypy tõ po. Sero panõ exipitopyra nexiase moino ro, taroino exipyra ropa exĩko roropa mana.

Amoxi 5:8

Xirikuato tõ tyrise Ritonõpo a, Kuesẽkomo, Puripurikane tomo, Oseruao Maria tõ roropa. Koko ehtoh ẽmehkapõko mana, saereme ehtoh kohmãkapõko roropa mana. Tuna konõto zumyhkãko mana aekuãtohme nono pona. Mokyro esety Ritonõpome mana.

Amoxi 8:10

Õseahmatohkõ myakamãko ase aorihtyã tõ hnamotoh samo; xitãko matose, oeremiatohkõ myakamãko ase oxitatohkõ ke. Kamisa topuxiximã risẽ amurũko matose, oũsetykõ sahkãko roropa matose ihnamoryme. Jũkõ sã exĩko matose, tumũkuru toirõ hnamotoh samo. Emero itunetyme exĩko etyhpyryme.

Mateu 4:16

Ritonõpo waro pyra exiketõ ezuru konõto enẽko mana. Orihketõme matose tyyrypyhpyke oexirykõke. Yrome Ritonõpo nymenekahpyry oya xine ytõko mana. Otuarõtanohtorỹko mana,” me tymerose pake Izaja a.

Ruka 1:79

Saereh ãko xixi kapu ae emero pona, sero nono pona. Moro saaro mã Kypynanohnekomo. Emero kuenetorỹko mana. Toorikyrykõ zuno exiketõ pynanohnõko roropa mana. Enaromyra toto rĩko ropa mana, torẽtyke pyra toto rĩko roropa mana, tykase Zakaria tumũkuru a.

Teuteronomiu 4:11

— Mame toytose amarokomo ypy Xinai myhtokoxi eraximase. Moroto ypy emory po xinukutume nexiase toxiõtose akurũ xinukutumã ke. Apoto nexiase ypy emory po onuhnõko kapu pokona.

Epereu 12:18

Izyraeu tõ ehtopõpyry sã pyra tooehse matose Ritonõpo a. Toeporehkase mokaro taposẽ pona, ypy Xinai pona. Moro ypy po apoto tororo ãko kynexine. Orexĩto ke xinukutume toehse, ikohmamyhpyry samo, tyryry tykase konõto, enara.