Jo 3:12 - Ritonõpo Omiry: A Bíblia Sagrada na língua Aparai do Brasil

¹² Oty katoh tonao tapoise ywy aja a? Oty katoh tauhpase ywy aja a tysuhsuru ke?

Jo 3:12 Iomraidhean Croise

Jenexi 30:3

Mame ynara tykase Rakeu eya: — Mose ypoetory Pira maro exiko. Toemũkuase ynororo ahtao umũkurume exĩko mana. Morara ahtao tumũkue exĩko ase.

Jenexi 50:23

Eparaĩ mũkuru tõ, ipakomotyã roropa tonese eya. Tonao tapoise toto eya typoenõme, typary Makia mũkuru tõ roropa. Manase mũkurume Makia kynexine.

Jo 3:11

“Oty katohme toorihse enurupyra exiahse? Oty katoh tonuruse jahtao orihpyra exiahse?

Jo 3:13

Toorihse jahtao jenururuhtao, seromaroro oseremakety sã exiry torẽtyke pyra.

Izaja 66:12

Ywy, Ritonõpo, ynara ãko ase Jerusarẽ põkomo a: “Kure ehtoh enehpõko ase oya xine iporiry samo, imeimehnõ nonory poe mõkomo kurã oehnõko oya xine tuna zueme exikety samo, jũme anorypyra exiketyme samo. Mame Jerusarẽ poeto ẽ sã exĩko mana; suhsu ekarõko sã oya xine mana, opuimatorỹko mana syhryme, tomahpo oeahmatorỹko roropa mana.