Jo 27:2 - Ritonõpo Omiry: A Bíblia Sagrada na língua Aparai do Brasil

² “Jomiry etapõko ase Ritonõpo Jamihmehxo Exikety netaryme, zae jyriry se pyra mã ynororo, itunety rokẽ ekarõko ya mana, ukurohtaka.

Jo 27:2 Iomraidhean Croise

2 Samueu 2:27

Ynara tykase Joape eya: — Oturupyra awahtao tyekyry tõ onetapakehpyra toh exiry kokoro ẽmehtoh ponãmero, tykase.

1 Tuisa 17:1

Mame Eria urutõ kynexine Ritonõpo poe, Tixipe pono Kireate nonory po. Ynara tykase ynororo tuisa Akape a: — Ajohpe pyra Ritonõpo omi poe konopo oehpyra onahpoty onehxikara roropa axitaku exĩko mana asakoro jeimamyry motye, tykase. Tonehpose ropa ahtao rokẽ ya konopo oehnõko ropa mana Ritonõpo enetupuhtohme oya xine, ipoetoryme jenetupuhtohme roropa oya xine, tykase Eria.

1 Tuisa 18:15

Ynara tykase Eria: — Ritonõpo Imehxo Exikety poetoryme ase. Inetaryme ynara ãko ase oya, Seroae osenepõko ase tuisa a, tykase.

2 Tuisa 4:27

Yrome toeporehkase tahtao Eriseu a, tosekumuru po typorohse ynororo, Eriseu myhtokoxi. Ipupuru tapoise eya. Morara eneryke tyya ipurohmary se Keazi toehse repe. Yrome ynara tykase Eriseu eya: — Ah nexino. Onenepyra hma? Atasamãko mana yronymyryme. Kara roropa Ritonõpo ya mana sero poko.

Jo 10:3

Omoro ro kyriase. Kure oya nae yyryhmary? Jyhtomary roropa? Kure roropa oya jyhtomary popyra exiketomo a?

Jo 16:11

Ritonõpo jekaroase ajoajohpãkomo a, popyra exiketõ emahpokoxi tokarose ywy.

Jo 19:6

“Tuaro ehtoko zae pyra Ritonõpo toehse ypoko. Ahno apoitoh tyrise eya japoitohme.

Jo 23:16

Ikohmamyry a tonurẽkara sã tyrise ywy; yrome Ritonõpo Jamihmehxo Exikety mã jerehpõko mana, ikohmamyry a jerehpopyra mana.

Jo 34:5

“ ‘Zae rokẽ ase,’ ãko Jo mana; ‘Ya zae ehtoh onyripyra Ritonõpo mana,’ ekarõko roropa mana.

Jo 35:2

“Jo, zae pyra mase, zae rokẽ exiketyme osekaroryhtao Ritonõpo a.

Jo 40:8

Jyhxirory se hma zae pyra jexiry poko, iirypyryme jehtoh poko, zae rokẽ õsekarotohme?

Jo 9:17

Tyryrykane konõto ke jetapãko Ritonõpo mana, popyra ehtoh poko pyra jahtao ro jutuarimãko mana itamurumehxo.

Jo 9:18

Joseremanohpopyra mana. Sam kakehpyra ase isene ro jahtao.

Izaja 40:27

Izyraeu tomo, oty katohme ykerekeremãko matou? Ynara ãko: “Kuetuarimatohkõ poko oty kara Ritonõpo mana. Kyyryhmatopõpyrykõ zae pyra exiketomo a: moro poko oty kara mana.”

Jeremia 12:16

Mame mokaro emero amorepapory se ase jenetupuhtohme ypoetory tõ samo juaro toto ehtohme, ypoko ynara katohme: “Ritonõpo Isene Exikety kuakorehmatorỹko mana,” katohme eya xine ypoetory tõ tamorepase sã eya xine Paau poko. Moro sã toto ahtao ypoetoryme exĩko mã toto. Kure rokẽ toto rĩko ase.

Jeremia 4:2

Mame ajohpe pyra õmirykõ etaporyhtao oya xine, zae rokẽ awahtao xine: “Ritonõpo netaryme te, Ritonõpo neneryme,” ãko matose. Mame imehnõ nonory põkõ emero kure toto ripõko mã toto ya, jeahmãko roropa mã toto.

Jeremia 5:2

“Ritonõpo eahmãko ynanase,” ãko matose repe. Yrome ajohpe rokẽ matose.

Ezekieu 33:11

Mame ynara kaxiko eya xine: Ywy, Ritonõpo Oesẽkõ, jũme isene Exiketyme ase. Iirypyrymãkõ orikyry yzamaro pyra mana. Tyyrypyrykõ rumekary sehxo hano eya xine isene toto ehtohme. Izyraeu tomo, oorypyrykõ poko oehtohkõ etypohkatoko. Oty katohme oorikyrykõ se rokẽ hmatou?

Numeru 14:21

Yrome isene jexiryke, taro jexiryke roropa amaro, imehxo jehtoh sero nono pehkaryke, jomiry etapõko ase:

Ruti 3:13

Taro exiko ẽmehtoh pona, tõmehse ahtao zuaro exĩko sytase. Opynanopyry se ynororo ahtao typytyme otara kara; yrome, moro se pyra ynororo ahtao, ynara ãko ase Ritonõpo netaryme, ywy roro opynanohnõko ase. Synyhne ropa.

1 Samueu 14:39

Ynara ãko ase Ritonõpo Kuesẽkõ netaryme, Izyraeu tõ Ewomane netaryme, tyyrypyhpyke exikety etapãko ase umũkurume ahtao ro, tykase. Yrome onezuhpyra toh nexiase emero.

1 Samueu 14:45

Yrome soutatu tomo a tozuhse: — Arypyra! Orihpyra mana. Jonata pokoino kypynanohtou Ritonõpo. Yna omiry etapõko ynanase Ritonõpo netaryme, mose ewomãko ynanase onyryhmara oehtohme. Inyrihpyry tyrise eya takorehmase Ritonõpo a exiryke, tykase toto. Morara karyke Jonata typynanohse mokaro soutatu tomo a.

1 Samueu 20:21

Morarame poeto aropõko ase pyrou zupitohme. Mame ynara karyhtao eya: “Eneko seroino. Taro mã kehko. Enehko xiaro,” karyhtao, enetupuhnõko mase. Kure rokẽ otũtary, typynanohse oexiryke. Ozehno pyra toehse mã toto. Morara ãko ase oya Ritonõpo netaryme.

1 Samueu 25:26

Seromaroro Ritonõpo a takorehmase omoro imehnõ onetapara oehtohme, emỹpopyra amoreme oehtohme. Ynara se ase Ritonõpo a ozehnotokõ emero tuãnohsẽme, mokyro Napau ehtoh samo.

1 Samueu 25:34

Mãpyra oehpyra awahtao ya seroae ro, orutua kõ Napau poetory tõ emero totapase toh exiry, tykase Tawi.