Jo 24:5 - Ritonõpo Omiry: A Bíblia Sagrada na língua Aparai do Brasil

⁵ “Tytineruke pyra exiketõ, jumẽtu tõ tosẽke pyra exiketõ sã, ytoytõko mã toto ona poro tonahsẽ zupiry poko typoenõ napyryme.

Jo 24:5 Iomraidhean Croise

Jenexi 16:12

Mokyro omũkuru, jumẽtu tosẽke pyra exikety sã exĩko mana; etonãko mana imehnõ maro emero porehme, imehnõ mã emero etonãko roropa imaro. Morararo esary moe exĩko mana, ameke exĩko mana tyekyry tomo a.

Jenexi 27:40

Atatapoĩko mase imehnõ maro osewomatohme, isene oehtohme. Ãkorõ poetoryme exĩko mase. Morararo typenekehse awahtao ãkorõ namotome oehtoh rumekãko mase.

Jo 12:6

Omato kõ torẽtyke pyra mã toto tytapyĩkõ tao, Ritonõpo kerekeremananõ roropa. Ritonõpo oneahmara mã toto; tyjamitunuru rokẽ moĩko mã toto.

Jo 24:14

Ahno etapane owõnõko mana tõmehse ahtao tytineruke pyra exiketõ etapatohme. Mame tykohmãse ahtao omatome exĩko mana.

Jo 24:6

Tytineruke pyra exiketõ toerokurukõ se mã toto popyra exiketõ poetoryme, uwa tõ epery apoiry poko.

Jo 5:5

Omise exiketõ mokyro narykahpyry enahnõko mã toto, omoxino rãnao otyro ahtao ro. Imõkomory poko penetãko roropa mã toto.

Saumu 104:23

Mame ahno ytõko mã toto erohse, toerokurukõ poko kohmãnõko mã toto.

Porowepio 4:16

Mokaro nyhsaromepyra popyra ehtoh onyripyra tahtao xine. Tohrame toh repe, yrome nyhpyra mã toto imehnõ onyryhmara ahtao ro.

Jeremia 2:24

Jumẽta sã roropa matose, tosẽke pyra exikety, ona pono, typoko exikety zupiryhtao eya: mokyro onukuremasaromepyra imehnõ mana. Jumẽtu orutua mokyro se exikety, mokyro zupiry se pyra mana: nuno po, moroto mokyro exĩko mana, moroto enẽko mana.

Ozeja 7:6

Tutuisarykõ zehno toehtohkõ apoto sã mana toto kurohtao. Ẽmehnõko mã toto osenetuputyry poko tutuisarykõ ryhmatoh poko. Tõmehse ahtao apoto zukãko sã mã toto.

Ozeja 8:9

Putupyra sã mã toto, jumẽtu samo ekuremara ro ahtao; toiroro toytory se rokẽ mana. Toytose toto Axiria pona tãtakorehmapotohkõme repe, imehnõ ahno topehmase eya xine towomapotohkõme.

Mikeja 2:1

Popyra ehtoh oehnõko mana! Owõpyra ro tarõkõ ahtao osenetupuhnõko mã toto imehnõ rohmanohpory poko, toto ryhmary poko, enara! Mame tõmehse ahtao owõnõko mã toto, typenetatohkõ rĩko mã toto tyriry waro toexirykõke.

Sowonia 3:3

Ituisarykõ reão tõ sã mã toto, aryryãko mã toto. Apiakane tõ jou tõ samo, zehno exiketõ sã mã toto. Okyno tosekase ahtao eya xine tõnõko mã toto etyhpyry pona, akoĩpyry onynomopyra ehtohme ẽmepyry pona.

João 18:28

Morarame Jezu tarose ropa toto a Kaipa tapyĩ tae kowenatu tapyĩ konõto taka. Ẽmehsasaka kynexine. Kowenatu tapyĩ taka omõpyra juteu tõ tuisary kynexine tyyrypyhpyke toexirykõino, Paxikoa pona tõtuhtohkõme.

Atos 23:12

Morarame yrokokoro juteu tõ oximõme toehse Pauru etapary se exiketomo. — Otuhpyra sehtone, eukuru onẽpyra roropa sehtone Pauru etapatoh ponãmero kyya xine, tykase toto.