Jo 24:12 - Ritonõpo Omiry: A Bíblia Sagrada na língua Aparai do Brasil

¹² Tapurose aexityã, orihsasaka exiketõ roropa kohtãko mã toto tãtakorehmapotohkõme repe. Yrome onetara Ritonõpo mana.

Jo 24:12 Iomraidhean Croise

Jenexi 4:10

Mame ynara tykase Ritonõpo eya: — Oty katoh sẽ sã mano? Ãkorõ metapano? Nono ae imunuru xitãko mana ynetaryme. Kui ãko sã ya mana tymỹpotohme.

Jo 24:11

Azeitona tõ akurihmõko mã toto azeite ritohme, uwa tõ purihmãko roropa mã toto uwa eukuru ritohme, popyra exiketõ poetoryme. Yrome orihnõko mã toto tutuna zehnarykõke aerokurukohtao.

Jo 24:13

“Popyra exiketõ saereme ehtoh se pyra mã toto. Toto esemary ao emero, inyriry poko emero rokẽ poko ahtao saereme ehtoh se pyra mã toto.

Jo 9:23

Popyra ehtoh toehse ahtao axiny, ahno kurã orihmapose, Ritonõpo exianãko mana.

Jo 9:24

Sero nono tokarose Ritonõpo a popyra exiketomo a, apiakane tõ enuru tapuruse eya zae ehtoh onenetupuhpyra toto ehtohme. Moro onyripyra Ritonõpo ahtao onoky a morohne tyrise?

Saumu 10:13

Ritonõpo onypoihtosaromepyra popyra exiketõ mana, eunopyryhtao eya xine: “Juãnohpyra Ritonõpo mana,” ãko osenetupuhnõko mã toh repe.

Saumu 109:22

Ywy ase tymõkomoke pyra, omise ase roropa; tapurose ywy ukurohtao.

Saumu 12:5

Yrome ynara ãko Ritonõpo Kuesẽkõ mana: “Seromaroro oehnõko ase, tymõkomokãkara tuarimaporyke imehnomo a, pusuh ãko mã toto sam katoh ke. Toto ewomãko ase towomarykõ se toexirykõke.”

Saumu 50:21

Morohne tyrise oya xine, mame mynyhme rokẽ exiase; naeroro asã xine kuekaroase repe. Yrome seromaroro oupokatorỹko ase; zae pyra oehtohkõ enepõko ase oya xine.

Saumu 69:26

Onuãnohtyã rohmanohpõko mã toto, anapurotyã tuarimary eunohnõko mã toto.

Exutu 22:27

Otarame moro zupõ ke rokẽ oxiõtõko nyhtohme, kõxikene pyra ehtohme. Otarame tãtyke pyra ynororo, tupoke pyra toexiryke. Mame ykohmaryhtao takorehmapotohme aomiry etãko ase, zae jexiryke.

Ekereziaxti 4:1

Morarame osenuhmase ropa imehnõ ryhmary enetohme zae pyra exiketomo a sero nono po. Tuhkãkõ enease tonekunohse exiketomo, tyyryhmase roropa aexityamo. Xitãko toh nexiase yrome toto anakorehmara imehnõ nexiase. Toto anakorehmara topeke iiryhmananõ exiryke jamihmehxo exiketomo.

Izaja 52:5

Seromaroro oty enẽko ywy? Papironio tõ morara tyrĩko roropa mã toto: ypoetory tõ tarose eya xine tynamotokõme, yrome onepehmara toh nexiase. Ypoetory tõ poremãkananõ kohtãko, epyrypãko roropa mã toto orẽpyra toexirykõ poko, jyhtomakehpyra mã toto.

Jeremia 12:1

— Ritonõpo Jesemy, kure jehtoh poko osezukuruhtao ya, zae rokẽ oehtoh enepõko mase ya. Yrome oya ekaropory se ase zae ehtoh poko: Oty katohme popyra exiketõ tytineruke exĩko nae? Oty katoh ajohpe exiketõ orẽpyra toh nae tynyrirykõ poko?

Jeremia 12:2

Otyro sã toto arykãko mase, imity jamihme exĩko; ahtãko mã toto, eperytãko. Oturukehpyra mã toto kure oehtoh poko, yrome ajohpe pyra: oty kara mã toto azamaro ehtoh poko.

Marakia 2:17

Typenekehse mã Ritonõpo õmirykõ etaryke tyya. Yrome ekaropõko matose. Ynara ãko: “Oty tyrise yna a, Ritonõpo typenekehse ehtohme?” ãko matose. Ynara karyke oya xine: “Ritonõpo Kuesẽkõ popyra exiketõ kurãkõme ekarõko mana, popyra ehtoh poko exiketõ se mana,” ãko matose. Ekaropõko roropa matose: “Otoko nah Ritonõpo, Zae Exikety?” ãko matose.

Marakia 3:15

Ynara enẽko ase: epyrypaketõ tãkye mã toto. Popyra exiketomo a emero kure rokẽ exĩko mana. Ritonõpo omipona pyra aexityã onuãnohpyra Ritonõpo mana,” ãko matose.

2 Peturu 3:15

Otarãme okynã sã Kuesẽkõ oehpyra mana imehnõ pynanopyry se toexiryke. Penekehpyra mana kypoko xine. Moro eneryke oya xine ynara enetupuhtoko, kypyno xine toexiryke, kukurãkarykõ se mana. Morararo tymerose kuakorõkõ a, Pauru a onenerykõme, tutuarõtanohpose exiryke Ritonõpo a.

Juize 10:16

Mame tyneponãmarykõ typahse eya xine. Moromeĩpo Ritonõpo toahmase eya xine Tosẽkõme. Morara exiryke toto pyno toehse ropa ynororo toto etuarimary eneryke tyya.