Jo 21:5 - Ritonõpo Omiry: A Bíblia Sagrada na língua Aparai do Brasil

⁵ Kuenetoko osenuruhkatohme, oemary tyritoko õtarykõ pona.

Jo 21:5 Iomraidhean Croise

Jo 13:5

Mynyhme rokẽ toehse awahtao xine, kurehxo exiry, tuaro oekarõko imehnõ mana!

Jo 17:8

Jeneryke zae ehtoh poko exiketõ osenuruhkãko mã toto. ‘Ritonõpo turumekase eya,’ ãko mã toto ypoko.

Jo 2:12

Ameke ro toto ahtao Jo onenetupuhpyra toh nexiase, yrome imeĩpo, tonetupuhse ynororo ahtao eya xine tyhnamopitose eya xine, tyxitase toto yronymyryme. Jo eneryke tupõkõ tyxihkase eya xine toemynyhmarykõke. Nono tomase eya xine tupuhpyrykõ pona, sam karyke yronymyryme.

Jo 29:9

Ahno tuisary tõ tymynyhpãse toh nexiase, sekere kara toehse;

Jo 40:4

“Otara ãko ywy? Oezuhsaromepyra ase. Kurehxo mynyhme rokẽ jexiry.

Saumu 39:9

Mynyhme ase, oturupyra ase, oya sam tykamexipose jexiryke sero samo.

Porowepio 30:32

Putupyra exiketyme toehse awahtao, orẽpyra osekaroryke popyra ehtoh riry se toehse awahtao apoaporo, osenetupuhko aporo:

Izaja 52:15

Yrome tuhkãkõ imeimehnõ nonory põkõ kurãkãko mana; mokyro eneryke tyya xine ynara ãko mã toto ipoko: ‘To, tuisamehxo mana,’ ãko. Tuisa tõ osenuruhkãko roropa mã toto. Mokyro eneryke zurupitopyra exiketõ enẽko mã toto, enetupuhnõko mã toto onetapitopyra ro aexityã ipoko.”

Amoxi 5:13

Naeroro tuaro exiketõ mynyhme exĩko mã toto popyra ehtoh toehse ahtao sero samo!

Mikeja 7:16

Moro eneryke imehnõ nonory põkomo a, jamihmãkomo a, ehxirõko mã toto. Imehnõ ahno tõ enaromỹke exĩko, tỹtarykõ apurũko mã toto, typanarykõ apurũko roropa mã toto.

Romanos 11:33

Kure kuhse Ritonõpo mana imehnõ motye emero. Tuaro kuhse roropa ynororo. Emero ehtoh waro mana. Ritonõpo osenetupuhtoh waro pyra sytatose ipunaka. Ayaytory waro pyra roropa sytatose ipunaka.

Juize 18:19

Ynara tykase toto eya: — Mynyhme exiko. Oturupyra exiko. Yna maro eropa oturuketyme Ritonõpo a, yna amorepaneme roropa zae ehtoh poko. Yna ekyry tõ emero amorepaneme se pyra hma, oturuketyme roropa? Taro awahtao toiro tapyĩ taõkõ rokẽ oturuketyme mase.