Jo 19:9 - Ritonõpo Omiry: A Bíblia Sagrada na língua Aparai do Brasil

⁹ Ymõkomory emero tupuxihkase eya, ime jehtopõpyry tonahkase roropa eya.

Jo 19:9 Iomraidhean Croise

Jo 12:17

Tuisa tõ tuaro ehtoh puxihkãko ropa Ritonõpo mana. Tamuximãkõ putupyra exiketõ sã tyripõko mana.

Jo 12:19

Oturuketomo, orẽpyra exiketõ roropa imehnõ poetoryme toto rĩko mana.

Jo 16:15

“Jemynyhmaryke upo, topuxiximã risẽ, amuruase. Mame typorohse ywy nono pona, typoremãkase jexiryke.

Jo 30:1

“Yrome seromaroro ahno poetomehxo exiketõ jeunohnõko mã toto. Jũkõ toerokurukõ waro pyra toh nexiase. Akĩme exiketyme toh nexiase. Toto anaropopyra jexihpyryme kaikuxi tõ maro jeky tõ kaneru tõ pynanohtohme.

Saumu 89:39

Õmihpyry totapose oya opoetory a repe, yrome moro tamonohse oya, tuisame aehtoh nuriame tyripose oya, iparimã typahse oya nono pona.

Saumu 89:40

Ipatary apuru tõ tytahkase oya, itapyĩ tõ jamihmãkõ tonahkase oya.

Saumu 89:44

Tuisame pyra mokyro tyripose oya, tuisa apõ tomase oya nono pona.

Porowepio 27:24

omõkomory, kowenu sã roropa jũme pyra exĩko mã toto.

Izaja 61:6

Mame Ritonõpo maro oturuketõme oesehtotorỹko imehnõ mana, Kuesẽkõ poetoryme roropa. Mame imehnõ nonory põkõ mõkomohpyry omõkomorykõme exĩko mana, atãkyemãko matose epyrypãko mõkomo itamurume esẽme oexirykõ poko.

Ramẽtasão 5:16

Yna epyrypatopõpyry emero tonahkase ipunaka, iirypyryme toehse yna exiryke, tuãnohse ynanase yna rypyry epehpyryme.

Ozeja 9:11

Izyraeu tõ imehxo ehtoh ime pyra exĩko mana. Enurupyra ipoenõ exĩko; ipyxiãkõ poetoẽme exipyra exĩko, emũkuara exĩko mã toto.