Jo 18:5 - Ritonõpo Omiry: A Bíblia Sagrada na língua Aparai do Brasil

⁵ “Popyra exiketõ orihnõko mã toto, saerehkatoh ezehkary samo, apoto sã roropa tozehse ahtao.

Jo 18:5 Iomraidhean Croise

Jo 15:30

Mokyro popyra exikety, xinukutume ehtoh wino epara mana, orihnõko. Wewe amoriry sã exĩko mana tyahse ahtao apoto ke, ekuru tomo tyryrykane a tarosẽme exĩko.

Jo 18:4

Onyetũ ke atapurõko rokẽ mase. Tohne oexiryke sero nono patãpome exĩko nae? Opokoino ypy tõ syryhmapõko Ritonõpo nae? Nary.

Jo 20:5

Popyra exiketõ axĩtao rokẽ tãkye exĩko mã toto. Okynã pyra tãkye toto ehtoh enahnõko ropa mana.

Jo 21:17

“Otara ahtao popyra exiketõ ezuru tozehse nexiase? Otara ahtao toiro popyra exikety tonahkase, tuãnohse Ritonõpo a, zehno toexiryke?

Porowepio 13:9

Zae ehtoh poko exiketõ saerehkatoh sã mã toto, yrome popyra exiketõ azawa ezehsasaka exikety sã mã toto.

Porowepio 20:20

Popyra ehtoh enehporyhtao oya omykõ pona, isene oehtoh enahnõko mana nãparina ezehkety samo koko ahtao.

Porowepio 21:4

Popyra exiketõ epyrypãko mã toto imehnõ motye kure toexiry poko, orẽpyra toexiry poko roropa, morara ehtoh iirypyryme mana.

Porowepio 24:20

Popyra exiketõ kure ehtoh oneraximara mã toto. Nãparina ezehkety sã rokẽ mã toto.

Porowepio 4:19

Yrome popyra ehtoh poko exiketõ esemary xinukutumã sã mana koko exikety samo. Epukãko rokẽ mã toto tosemarykõ onenepyra toexirykõke.

Izaja 50:11

Enetoko ke amarokomo imehnõ enahkapory poko atamorepaketomo, osenahkapõko rokẽ matose onyrihpyrykomo a. Ynara tyripõko Ritonõpo mana awãnohtohkõme; sam katoh konõto oeraximatorỹko mana.

Izaja 57:20

Yrome popyra ehtoh poko exiketõ tuna konõto pohkane sã mana mynyhme pyra pohkane tõ ahtao, ikurepato xikurome onenehkehpyra mana, nuriame ehtoh maro nono pona.

Ezekieu 32:7

Oenahkaryhtao ya kapu apurũko ase, xirikuato tõ ezehkãko ase. Xixi osenepyra tyripõko ase akurũ mykae, nuno roropa saerehkara exĩko mana.