Jo 17:4 - Ritonõpo Omiry: A Bíblia Sagrada na língua Aparai do Brasil

⁴ Osenetupuhsaromepyra mokaro tyrise oya, ypoihtonanomo, onenetupuhpyra toto ehtohme senohne poko; yporemãkapopyra exiko eya xine.

Jo 17:4 Iomraidhean Croise

2 Samueu 15:31

Mame Tawi zuaro toehse Aitopeu roropa Apisarão akorehmaneme ehtoh poko, naeroro ynara tykase ynororo: — Ritonõpo Kapuaono, Aitopeu tuaro ehtoh tyriko tuaro pyra exikety omiry samo, Apisarão otupitohme rokẽ rahkene, tykase Tawi Ritonõpo a.

2 Samueu 17:14

Mame ynara tykase Apisarão tomo, Izyraeu tõ maro: — Husai omiry kurehxo. Aitopeu omihpyry kure hkopyra, tykase. Aitopeu omiry kurã riry se Ritonõpo nexiase tuaro pyra exikety omiry samo, aomipona pyra toto ehtohme, Apisarão wãnohtohme.

2 Koronika 25:16

Yrome urutõ tymynyhpãkapose tuisa a, ynara karyke: — Otara ahtao tuisa amorepaneme kyriase? Mynyhme exiko oorihmaporyino ya, tykase. Naeroro mynyhme toehse urutõ ynara kaxĩpo: — Oenahkapõko Ritonõpo mana, zuaro ase morohne tyrise oya exiryke, jomiry onetara roropa oexiryke, tykase ynororo.

Jo 12:20

Zae ehtoh poko imehnõ amorepananõ rĩko mynyhme Ritonõpo mana osepeme toto ahtao ro. Tamuhpõme exiketõ tuaro ehtoh enahkapõko mana.

Jo 17:5

Tuaro aexihpyry omihpyry samo: ‘Mokyro mũkuru tõ omise exĩko mã toto, tineru poko tope tõ towokase exiketyme ahtao.’

Izaja 19:14

Ritonõpo poe otupĩko mã toto; morara exiryke Ejitu põkõ emero rĩko mã toto azahkuru rokene, oseosetapãko mã toto etỹketõ samo, epuepukãko sã mã toto tonarurukõ pona.

Mateu 11:25

Morarame ynara tykase Jezu Tumy a: — Papa Kapuaono, kapuaõkõ esẽme mase. Sero nono põkõ esẽme roropa mase. Kure mase Papa tuaro pyra exiketõ amoreparyke oya õsenetupuhtoh poko. Opoe zuarohxo exĩko toh mana. Tuaro exiketõ motye exĩko toh mana. Atamorepaketõ motye roropa tuaro exĩko toh mana. Opoe roropa tuaro exiketõ zuaro pyra toehse ropa mana.

Mateu 13:11

Ynara tykase Jezu eya xine: — Oesẽkõme Ritonõpo exiry poko ãmorepatorỹko ase. Yrome mokaro tuaro pyra ro mana.

Romanos 11:8

Ynara tymerose Ritonõpo omiryme: “Ritonõpo poe otato pyra toehse toto. Onenetupuhpỹme roropa tyrise toto eya. Moro saaro seromaroro Izyraeu pakomotyã onenetupuhpyra mã toto. Etaryhtao eya xine otato pyra mã toto,” tykase.

1 Korĩtiu 1:20

Morara exiryke otara ãko zuarohxo exiketõ nae Ritonõpo a? Otara ãko orẽpyra oturuketõ roropa nae? Imehnõ ezuezuhnanõ roropa? Otara ãko toh nae Ritonõpo a? Arypyra: “To! Zuarohxo mã toto,” ãko Ritonõpo onenetupuhpynomo sero nono põkomo. Yrome Ritonõpo a zuaro pyra mã toto ipunaka. “Zae ynanase Ritonõpo a zuarohxo yna exiryke,” ãko toh mã repe. Azahkuru rokẽ morara ãko mã toto.