Jo 16:9 - Ritonõpo Omiry: A Bíblia Sagrada na língua Aparai do Brasil

⁹ “Zehno toexiryke tyxihkase ywy Ritonõpo a; jenẽko mana yse pyra toehtoh ke. Onokyro samo jekahmãko mana, jenaroximãko.

Jo 16:9 Iomraidhean Croise

Jo 13:24

“Oty katohme otonẽnõko mah ywinoino? Oty katohme oepekara sã jyhxirõko mah?

Jo 13:27

Keti ke upupuru tõ myhnõko mase, jesemary tõ emero enẽko mase. Yputahpyry tõ enẽko mase ynutumahpyry osema tao.

Jo 18:4

Onyetũ ke atapurõko rokẽ mase. Tohne oexiryke sero nono patãpome exĩko nae? Opokoino ypy tõ syryhmapõko Ritonõpo nae? Nary.

Jo 19:11

Yzehno toehse ynororo, tyahse sã ywy; topekarame jekaroase.

Jo 30:21

Yyryhmaneme toehse mase, ajamitunuru ke yrohmanohpõko mase.

Jo 33:10

Ritonõpo ikonehmãko rokẽ mana etonatohme ymaro. Topekarame jekarõko mana.

Jo 6:4

Ritonõpo Jamihmehxo Exikety pyre ke tuose ywy, opi orihmatõ ke topinohse toto. Juzenu aka moro opi omõnõko mana. Tõsetaparyke ymaro tonaroximase ywy Ritonõpo a.

Saumu 35:16

Pakaihkapỹ poihtory ahno a, moro sã jeunohnõko mokaro nexiase. Xihpyryme jenẽko toh nexiase, yse pyra sã ipunaka.

Saumu 37:12

Popyra exiketõ mã atamorepãko mã toto kurãkõ poremãkatohme tyya xine. Zehno sã toto enẽko mã toto.

Saumu 50:22

Etatoko pahne, jenetupuhpyra exiketomo, jomiry onetara awahtao xine oenahkatorỹko ase. Mame opynanohnekõ pyra exĩko mana.

Ramẽtasão 2:16

Emero oepetõkara ohxirõko mana, oeunohnõko mã toto. Ozehno toexirykõke ynara ãko mã toto: “Jerusarẽ tonahkase yna a! Sero ẽmepyry eraximãko sexiatose! Morohne ynanenease porehme,” ãko mã toto!

Ramẽtasão 3:10

Reão sã jeraximãko Ritonõpo mana, uuso sã roropa toehse mana jeraximãko, jesekatohme.

Ozeja 5:14

Reão sã Izyraeu tõ maro etonãko ase, Juta tõ maro roropa. Toto kararahnõko ase, imeĩpo ytõko ase mya, toto arõko ase ymaro. Toto onypynanohsaromepyra exĩko imehnõ mana.

Ozeja 6:1

Ynara ãko Izyraeu tõ mana: — Ehmaropa emero Ritonõpo a ropa, Kuesẽkomo a. Tapurose sexiatose eya, yrome kukurãkatorỹko ropa mana. Tuãnohse sexiatose eya repe, yrome kyyrypyrykõ korokãko ropa mana.

Mikeja 7:8

Epetõkara, yna oneunohpyra ehtoko! Ajohpe pyra, toepukase ynanexiase, yrome owõnõko ropa ynanase. Seromaroro tykohmãse yna zomye, yrome ezurume Ritonõpo saereh kamexipõko ropa mana yna pona.

Atos 7:54

Morara kary etaryke tyya xine tyekĩtapãse toto. Exitewão ẽpataka tyerykõ totose toto a tynyetũkõke.