Jo 14:1 - Ritonõpo Omiry: A Bíblia Sagrada na língua Aparai do Brasil

¹ “Jamihme pyra sytatose, emero, kuenurutopõpyry poe ro. Tuhke pyra jeimamyry isene sytatose, yrome popyra ehtoh enẽko sytatose pitiko rokẽ pyra.

Jo 14:1 Iomraidhean Croise

Jenexi 3:17

Mame Atão a ynara tykase Ritonõpo: — Omoro Atão azahkuru makene jomipona pyra makene, opyty omi poe moro wewe epery menahno. Naeroro zae pyra toehse oexiryke popyra nono ripõko ase. Naeroro yronymyryme erohnõko mase otyro arykary poko tynahke oehtohme.

Jenexi 47:9

— 130me jeimamyry nae ase xiaxiake jytoytoh poko rokẽ tytãhpopãse ywy. Tupime roropa nexiase ya, ytamuru tõ ehtopõpyry sã pyra exiase. Tuhke roropa jeimamyry taropose eya xine. Yrome tupime ro nexiase eya xine.

2 Tuisa 4:19

Mõtoino rokẽ tyxitapitose poeto tumy netaryme. — Jupuhpyry jetuhxo! Jupuhpyry jetuhxo! tykase poeto. — Mose aroko jeny a, tykase typoetory a, poeto zumy.

Jo 10:20

Orihsasaka ywy. Naeroro kurumekako ty! Tãkye pixo ehxi,

Jo 15:14

“Otara ãko mah: iirypyryme pyra ahno exĩko nae Ritonõpo a? Ahnome aenuruhpyry kure nymyry exĩko nae? Arypyra.

Jo 25:4

Zae rokẽ ehsaromepyra sytatose Ritonõpo neneryme. Ahno nae, sero nono po tyyrypyhpyke pyra exiketyme?

Jo 25:5

Ritonõpo a nuno roropa saerehkarahme sã mana. Xirikuato tõ roropa saerehkarahme sã mana.

Jo 5:7

Kypokoino xine popyra ehtoh oehnõko kyya xine mana. Ajohpe pyra ikarany poko samo, apoto poko ahtao ikarany pisarara onuhnõko kakoxi mana.

Jo 7:1

“Isene ehtoh sero nono po tupime mana, soutatu tõ erohtoh samo; erohnõko mã toto emero porehme yronymyryme,

Jo 7:6

Isene jehtoh axĩ enahnõko mana. Kure ehtoh eraximakehnõko ase.

Jo 8:9

Pake hkopyra tonuruse kymarokomo, tuaro pyrahme sã sytatose. Isene sytatose sero nono po axĩtao rokene jerutumã samo.

Jo 9:25

“Ẽmepyry tõ ytõko mana axihxo, tururume ytokety motye epãko mã kehko tãkye ehtoh onenepyra ro ahtao.

Saumu 39:5

Axĩtao rokẽ isene jehtoh onekarohpyry ya! Oneneryme isene jehtoh okynã pyra ipunaka. Ajohpe pyra, ahnome ehtoh puu katoh sã rokẽ mana.

Saumu 39:6

Ytoytõko mana jerutu sã rokene. Otyme kure yronymyryme aerokuru? Tineru apoitohme repe, yrome imeĩpo onoky tinerũme exĩko nae?

Saumu 51:5

Ajohpe pyra, popyra ywy jenurutopõpyry poe ro; jenurutopõpyry poe ro iirypyryme exiketyme ase.

Saumu 89:47

Wenikehpyra exiko okynã pyra isene jehtoh nase; wenikehpyra exiko ahno emero onyrityã orihnõko mana.

Ekereziaxti 2:17

Morara exiryke isene ehtoh otyme kure? Arypyra ipunaka! Jerohtopõpyry pokoino popyra ehtoh rokẽ toehse ya. Toiparo rokẽ erokuase; tururume tyryrykane ekahmãko sã rokẽ exiase.

Ekereziaxti 2:23

Kynyrihpyrykõ emero isene ro kuahtao xine, epehpyry onenehpyra kyya xine mana, torẽtyke ehtoh rokene, sam katoh roropa kukurohtao xine. Oseremasaromepyra sytatose, tykohmãse ahtao roropa. Toiparo rokẽ mana.

Jeremia 20:18

Oty katoh jenuruase? Otarame tãkye pyra jehtohme rokene, jetũ roropa jehtohme, orihtohme roropa yporemãkatopõpyry ke.

Mateu 11:11

Etatoko pahne, João ahno ẽpurihkane imehnõ motye mana. Imehnõ aenurutyã sero nono po mokaro motye João mana. Yrome Ritonõpo enetuputyryhtao oya xine oesẽkõme tuisame pyra awahtao xine ro João motye matose, João omihpyry motye Ritonõpo nekarohpyry oya xine exiryke.