Jo 11:7 - Ritonõpo Omiry: A Bíblia Sagrada na língua Aparai do Brasil

⁷ “Imehxo Ritonõpo ehtoh tonẽse mana. Moro enery se mahno? Emero Ritonõpo Jamihmehxo Exikety ehtoh poko zuaro ehsaromepyra mase.

Jo 11:7 Iomraidhean Croise

Jo 22:12

“Ritonõpo kaehxo mana kapu ao; zopikoxi osenuhmãko mana xirikuato tõ pona, kae kuhse kehko ahtao ro kyya xine.

Jo 26:14

Yrome moro enetupuhpotoh pitiko rokẽ mã kehko, puti puti katoh sã rokẽ inyriry waro kuehtohkõme. Ijamitunuru nymyry imehxo ehtoh waro ehsaromepyra ahno mana.”

Jo 27:11

“Ãmorepatorỹko ase Ritonõpo Imehxo Exikety jamitunuru poko, mokyro Jamihmehxo Exikety osenetupuhtoh ritoh ekarõko ase oya xine.

Jo 33:12

“Yrome ynara ãko ase oya: Azahkuru mase, tynyrihpyry ahnomãkõ motye Ritonõpo mana.

Jo 33:13

Oty katohme Ritonõpo hxirõko mah, ynara karyke: ‘Tykerekeremary kyya xine onetara mana?’

Jo 35:5

“Kakoxi osenuhmako kapu enetohme akurũ tõ roropa. Kaehxo mã kehko omotye.

Jo 36:26

Ritonõpo imehxo kuhse mana. Zumo aexiry waro ehsaromepyra sytatose. Otãto jeimamyry nae ynororo? Moro onukuhsaromepyra sytatose.

Jo 37:23

Ritonõpo Jamihmehxo Exikety jamihme kuhse mana, naeroro oehsaromepyra sytatose ipũtokoxi, zae rokẽ mana, ahno onyryhmara mana.

Jo 37:5

Ritonõpo omiry takararahãko mana; tyjamitunuru ke imehxo exiketõ rĩko mana, morohne onenetupuhsaromepyra sytatose.

Jo 42:3

Mekaropono ya: ‘Onoky mose ro, aotururu enetupuhpõko nae tuaro hkopyra jekarõko nae?’ Ywy tuaro pyra exiketyme rokẽ ase. Sekere ãko exiase tuaro pyra jehtoh poko, josenuruhkatoh tonõ poko roropa, morohne onenetupuhsaromepyra jahtao.

Jo 5:9

Inyriry tõ osenuruhkatoh enetupuhsaromepyra sytatose. Inyrihpyry tõ tyjamitunuru ke enahpỹme mã kehko.

Saumu 139:6

Juaro oehtoh poko osenuruhkãko ase; tuaro jehtoh motye kuhse mã õsenetupuhtopo.

Saumu 145:3

Imehxo Kuesẽkõ mana, eahmary kyya xine kure mana; imehxo aexiry kuosenetupuhtohkõ motye mana.

Saumu 77:19

Pohkane kuroko xikihxikihme mytoase, osema myriase zue kuroko, yrome oputahpyry onenepyra toh nexiase.

Porowepio 30:4

Onoky nae tuaro exiketyme kapu ehtoh poko emero? Onoky nae tyryrykane apoihpono tomary ke? Onoky nae tuna ãtyhtõko kamisa ke? Onoky nae sero nono ehpiry tõ meroneme? Mokyro esety waro hma? Imũkuru esety waro roropa hma? Kaxiko zuaro awahtao.

Ekereziaxti 3:11

Ritonõpo nyrityã emero kure potu mana, toto ehtoh toehse ahtao. Isene exikehpyra ehtoh tyrise roropa eya kukurohtaka xine. Yrome inyrityã emero onenetupuhpyra sytatose.

Ekereziaxti 7:24

Otãto zuaro exĩko sytatou: oty katoh isene kuexirykomo? Moro tupime ya, enetuputyry morohne poko tupime rahkene.

Izaja 40:28

Zuaro pyra hmatou? Onetapitopyra hmatou sero poko? Kuesẽkõme mã Ritonõpo, jũme exikehpyra Exikety. Tytororo sero nono rihpõme mã ynororo. Etaehpyra mã ynororo, apotũkehpyra roropa; tuaro aexiry onukuhsaromepyra imehnõ mana.

Mateu 11:27

Ynara tykase roropa Jezu eya xine: — Emero Papa kynekarone ya. Ritonõpo mũkuru waro pyra matose repe. Papa rokẽ juaro mana. Papa waro pyra roropa matose. Ywy imũkurume jexiryke zuaro ase. Ynymenekatyamo a roropa Papa enepõko ase zuaro toto ehtohme.

Romanos 11:33

Kure kuhse Ritonõpo mana imehnõ motye emero. Tuaro kuhse roropa ynororo. Emero ehtoh waro mana. Ritonõpo osenetupuhtoh waro pyra sytatose ipunaka. Ayaytory waro pyra roropa sytatose ipunaka.

1 Korĩtiu 2:10

Yrome moro poko kymarokõ tutuarõtanohpose Ritonõpo Zuzenu a, Ritonõpo nosenetuputyhpyry poko. Tuzenu tonehpose kukurohtaka xine zuaro kuehtohkõme. Emero oneto Ritonõpo Zuzenu mana. Ritonõpo osenetupuhtoh waro mana zuaro pyra imehnõ ahtao ro.

1 Korĩtiu 2:16

Ynara tymerose Ritonõpo omiryme: “Ritonõpo osenetupuhtoh waro pyra imehnõ mana. Amorepary waro ehsaromepyra roropa mã toto. Tamorepaneke pyra ynororo mana ipunaka. Tamoreme zuaro ynororo,” ãko. Mãpyra Kyrixtu poe osenetupuhnõko sytatose, kukurohtao xine Zuzenu exiryke.

Epezu 3:8

Jezu poetoryme ase. Tuisame pyra ase repe. Yrome eya jerohtoh tokarose mana, juteutõkara amorepatohme typoko. Imehnõ motye kuhse Kyrixtu kypyno xine mana, emero kurã ekaroneme toexiryke.